Mwakoro 47

Kibono ake Tengaun

Iesu e karakina rongorongoia tengaun ataeinaine ake a kaea te mare. A tataningaa te tia iein bwa e na roko ma ni kariniia. A aki ataa te tai are e na roko iai.

Mataio 25:1, 13

Aine ake tengaun iai aia taura aika a maiu man te bwaa. Niiman aine a wanawana. Iai aia tatara ni bwaa irouia.

Mataio 25:2, 4

Niiman aine ake tabeman a nanobaba. Akea riki aia bwaa bwa tii are inanon aia taura.

Mataio 25:3

Te tia iein e aki roko n te tai ae maan. E a bane bwaan taian taura. Aine ake a wanawana iai riki aia bwaa ibukin bwaan aia taura. Aine ake a nanobaba a kainnanoa manga kaboan riki aia bwaa.

Mataio 25:5–9

Ngke a nako, e roko te tia iein. E kariniia aine ake a wanawana n te mare.

Mataio 25:10

Ngke a oki aine ake a nanobaba, e a in te mataroa. A aikoa kona ni kaea te mare.

Mataio 25:10–12

Iesu kanga te tia iein n te karaki aei. Kaain te Ekaretai kanga aine ake tengaun. N te tai are e na oki iai Iesu, tabeman kain te aro a na tauraoi. A tia n ongotaeka nakon ana tua nako te Atua. Tabeman a na aki tauraoi. A aki kona n raona te Tia Kamaiu n te tai are E na manga oki iai.

Mataio 25:13; Reirei ao Berita aika Tabu 45:56–57; 88:86, 92; Iesu te Kristo, 576–80