Mwakoro 34

Te Ataeinimwaane ma te Tamnei ae Buakaka

te mwaane e taetae nakon Iesu

N te bong teuana e bubuti temanna te mwaane nakon Iesu bwa e na buoka natina ae te mwaane. Te ataeinimwaane e niniaki n te tamnei ae buakaka. A tia ana reirei Iesu ni kataia ni kamaiua natina ae te mwaane, ma a aki kona.

Mareko 9:14–18

te ataeinimwaane e wene iaon tano

Iesu e tuanga te mwaane bwa e na uota natina nakoina. Ngke e roko te ataeinimwaane, e kabwakaki iroun te tamnei ae buakaka nako aontano.

Mareko 9:19–20

Iesu e taetae nakon te mwaane

E titiraki te Tia Kamaiu bwa ai manra te te tamnei ae e buakaka inanon rabwatan te ataeinimwaane. E taku te karo bwa e mena inanon te ataeinimwaane ma ngke te teei ngaia.

Mareko 9:21

e tang te mwaane

E taku Iesu bwa E kona ni kamaiua te nati te mwaane ngkana iai ana onimaki te karo. E moanna n tang te karo. E taku bwa iai ana onimaki. Ma e butia Iesu bwa e na buokia bwa e na korakora riki ana onimaki.

Mareko 9:23–24

Iesu e kamaiua te ataenimwaane

Iesu e tua nakon te tamnei ae e buakaka bwa e na kitana rabwatan te ataeinimwaane ao n aki manga okiria. E un te tamnei ae e buakaka. E kamaraka riki te ataeinimwaane. Imwina ao e ongotaeka nakon Iesu ao e nako.

Mareko 9:25–26

Iesu e buoka te ataeinimwaane n teirake

E aki kakarongoa te ataeinimaane n te aro are a taku aomata bwa e a mate. Ma Iesu e anaa baina ao e buokia ni kateirakea. E a kamaiuaki te ataeinimwaane. E a nako te tamnei ae e buakaka.

Mareko 9:26–27

Iesu e reireinia ana reirei

Imwina ana reirei Iesu a titirakinna bwa bukin tera ngkai a aki kona ni kanakoa te tamnei ae e buakaka mai iroun te ataeinimwaane. E tuangia Iesu bwa n tabetai ao ti kainnanoa te aki mamatam ao te tataro bwa e aonga ni kamaiuaki te aomata.

Mataio 17:20–21; Mareko 9:28–29