Mwakoro 40
Te Tia Kaawakin Tiibu ae Raoiroi
Te tia kawakin tiibu e tararuia tiibu. E buokiia ni kakaaea te amwarake ao te ran. E aki kariaia bwa a na maraki ke a na bua. E kinaia ao e tangiriia ao e na anga maiuna ibukin kamaiuaia.
Iesu Kristo e atonga ae ngaia te Tia Kaawakin Tiibu ae Raoiroi. Ngaia bon te tia kawakin tiibu. Ngaira bon Ana Tiibu. E tangiriira. E buokiira n reiakina te koaua. E reireiniira arora ni maiu bwa ti aonga ni kona n oki nakon Tamara are i Karawa. E anga Maiuna ibukira.
Te Tia Kamaiu e tuangiia aomata ake i Ierutarem bwa iai Ana tiibu riki tabeman. E taku bwa E na kawariia ana tiibu ake tabeman. A aki oota aomata.
Imwiin maungautin Iesu, E kawariia Ana tiibu ake i Amerika. Ana Boki Moomon E taekina rongorongona ngke E roko ikekei. E maan Iesu n tiku irarikia, e kamarurungiia ake a aoraki ao e kakabwaiaia aomata. E anganiia te nakoanibonga ao e barongaa Ana Ekaretia. Titebo baike e reirei Iesu nakoia aomata aikai ma ake E reirei nakoia aomata ake i Ierutarem.