Mwakoro 15: Te aine i etan te Mwanibwa

Iesu e kitana Ierutarem n nako Kariraia. E mwananga rinanon Tamaria ao n roko n teuana te mwanibwa.

E bon kua, ao E motirawa irarikin te mwanibwa. Iai te aine ae te I-Tamaria are e roko bwa e na itiran. Iesu e butia neierei bwa e na anganna te mooi.

Ioane 4:6–7

Ibukina bwa Iutaia a aki bati n rereitaki ma I-Tamaria, e rangi ni miimi te aine aei.

Ioane 4:9

Iesu e tuanga te aine bwa E kona n anganna te aekaki n ran are e na aki manga taka imwiin nimakina. E kabwarabwara bwa Ngaia bon te Tia Kamaiu. Te ran are E kona n anganna bon te “ran ni kamaiu” n te maiu ae akea tokina.

Ioane 4:10, 13–15, 25–26

E nako te aine nakon te kaawa ao n tuangia aomata aika mwaiti ibukin Iesu. A roko nakon te mwanibwa ao a bon ongora iroun Iesu. E mwaiti mai buakoia aika a kakoaua Ana taeka.

Ioane 4:28–30, 39–42