Mwakoro 24

E kautaki man te Mate Natin Iairo ae te Aine

N te bong teuana Iairo, te tia taua taekan te mwaneaba, e katorobubua ni bobaraki irarikin waen te Tia Kamaiu.

Mareko 5:21–22

E taku Iairo bwa natina te aine ae 12 ana ririki e bon rangi n aoraki. E bubutia Iesu bwa e na roko ao ni kakabwaia. E kakoaua bwa e kona Iesu ni kamamarungnga.

Mareko 5:23, 42

Iesu e ira Iairo nakon mwengana, ma E tei moa ni kamaiua te aine. Ngke E taetae nakoina, e roko temanna te aomata n tuanga Iairo bwa e oimwi—e a mate natina te aine.

Mareko 5:24–35

E ongo Iesu te bwai are e taekinaki. E tuanga Iairo bwa e na aki maaku ma e na onimakinna.

Mareko 5:36

Imwina ao e nako Iesu ma Iairo nakon mwengan Iairo. E onrake te auti irouia aomata aika a tang ibukin maten te ataeinaine.

Mareko 5:37–38

Iesu e tuangia bwa e aki mate te ataeinaine ma e matu. A ngareakinna aomata. A bon kakoaua raoi bwa e a bon mate te ataeinaine.

Mareko 5:39-40

Te Tia Kamaiu e kaotinakoia aomata ni kabane mai nanon te auti ma ti Ana reirei, Iairo ao kainnaban Iairo aika a tiku. A nakon te ru are e wene iai te ataeinaine.

Mareko 5:40

Iesu e taua bain te ataeinaine. E tuangnga bwa e na teirake. E teirake man nakonako. A rangi ni miimi Ana karo. E tuangia Iesu bwa akea ae a na tuangnga te bwai are e riki. Imwina E tuangia Ana karo te ataeinaine bwa a na anganna te amwarake.

Mareko 5:41–43