Mwakoro 55
Abotoro A Kaira te Ekaretia
Imwiin Maungautina, E tiku Iesu irarikiia Ana Abotoro inanon 40 te bong. E reireiniia bwaai aika mwaiti ni kaineti ma te euangkerio ao Ana Ekaretia.
E tuangiia bwa a na tataekina te euangkerio nakoia aomata ni kabane. E taku naba nakoia bwa E a kaan ana tai ni kitaniia, ma te Tamnei ae Raoiroi e na roko ni buokia.
Abotoro a taraa Iesu ni waerake nakon te nang. Uoman anera n oneaia ae mainaina a tuangiia Abotoro bwa e na manga oki Iesu mai karawa n te bong teuana.
Abotoro ai taan kairiiri ngkai n ana Ekaretia Iesu Kristo iaon te aonaaba. Betero bon te Beretitenti, ao Iakobo ao Ioane bon ana kauntira.
Mataio 16:18–19; Reirei ao Berita aika Tabu 81:1–2; Iesu te Kristo, 219–20
Ai tii tengaun ma temanna Abotoro—E a mate Iuta. Tamara are i Karawa e tuangiia Abotoro bwa a na rinea Matia bwa e na riki bwa temanna mai buakoia Abotoro ake Tengaun ma Uoman. Ni kabane Abotoro iai nakoaia ae onoti n te nakoanibonga.
Abotoro ao ana reirei Iesu ake tabeman iai aia onimaki iroun te Uea. A kawakin Ana tua nako. A tangiriia imarenaia.
Ma te nakoanibonga ao mwaakan te Tamnei ae Raoiroi, Abotoro a kona ni karaoi bwaai aika mwaiti. A kamarurungiia aoraki ao a riki bwa mitinare. A tataekina taekan Iesu Kristo ao Ana euangkerio. E mwaiti aomata ake a kakoauaa aia taeka Abotoro ao a kaaina te Ekaretia. Kaain te Ekaretia a aranaki bwa Aomata aika Itiaki.