Mwakoro 7

Taan Rabakau

Tabeman taan rabakau a maeka n te aba teuana. A atai baike a taekin burabeti ni kaineti ma bungiakin Iesu. Ngke a noora te itoi ae boou i karawa, a ataia bwa e a tia ni bungiaki te uea ae boou.

Mataio 2:1–2

Taan Rabakau a nako ni kawara te Uea ae Erote, aia uea Iutaia, i Ierutarem. A titirakinna bwa e mena ia te uea are boou. E tuangia Erote bwa a na nako ni kakaea i Betereem. N te tai are a kunea iai te teei a riai n oki rikaki ni kaongoraea Erote.

Mataio 2:1–2, 8

Taan Rabakau a nako Betereem ao a kunea Iesu. A taromauria ao a anganna bwaintangira. A tuangaki n te mi bwa a na aki okira Ierutarem ao n tuanga Erote bwa e mena ia te teei. A bon aki.

Mataio 2:11–12