Mwakoro 8

Erote are te Uea ae Buakaka

A tia taan rabakau n tuanga Erote bwa e na uea Iesu. E tangiria Erote bwa e na akea riki te uea irarikina. E tuangia ana tautia bwa a na tiringia ni kabane ataei ake i Betereem ao n taabo ake a uakan.

Mataio 2:3, 13, 16

E tuangaki Iotebwa iroun te Anera bwa e na kaira Maria ao Iesu nako Aikubita, te aba ae raroa ma Betereem. E aki kona Erote ni kakaea Iesu ikekei.

Mataio 2:13

E ongotaeka Iotebwa. Ngaia ao Maria ao Iesu a mena i Aikubita ngke ana tautia Erote a tiringia ni kabane ataei ake i Betereem ao n taabo ake a uakaan.

Mataio 2:14, 16

Imwiin maten te uea ae Erote, e tuangaki Iotebwa iroun te anera bwa e na kaira Iesu ao Maria nakon mwengaia. Iotebwa e kairia nako Natareta, te tabo are e mano iai Iesu.

Mataio 2:19–21, 23