Tamnein te Aba ae Tabu
(Namba ake n te buraekete bon namban karaki ake a riki n taabo aikai.)
Tembora Aio tein te tembora i Ierutarem are E reirei iai Iesu te euangkerio ao ni kakionakoia aomata ake a kabonakoi maan ibukin te anga karea. (1, 6, 9, 11, 13, 45, 56)
Kaintamwarake nakon te Tembora Aikai bon kaintamwarake raoi ake a kaineti nakon te tembora.
Ierutarem Ierutarem Iesu ao Ana Abotoro a kabanea te tai ae mwaiti n reirei n te kaawa aei. Iesu E mate ao e a mangauti ikai. (6, 39–40, 44–57, 63)
Te Karaanga are Ioretan Ioane te Tia Bwabetito e bwabetitoa Iesu n te karaanga aei. (10)
Rereuan Iutea E aki mamatam Iesu Kristo ao e aki mamatam man kaririaki iroun teuare e buakaka n te rereua aei imwiin Bwabetitoana. (11)
Tamaria E reireina te aine Iesu taekan te ran ni kamaiu i etan te mwanibwa n te tabo aei. Angiina Iutaia a riribaia I-Tamaria. (15, 58)
Kariraia ao Namani Kariraia E mwaiti aomata aika a kakoaua bwa te tabuki aei bon te tabo are Iesu e anga iai te Kabwarabwara iaon te Maunga. Namani Kariraia e oti mai ibuki. E reirei te euangkerio Iesu nakoia aomata aika mwaiti, ni ikotaki ma Ana Abotoro, ni uakaan ma ikai. E katoka te angibuaka Iesu iaon Namani Kariraia. (18–22, 29, 34, 36)
Kaberenaum Mwiin kateitei ake a uruaki a mena ni kaawan Kaberenaum. E karaoi kakai aika a mwaiti Iesu n te kaawa aei. (23–25, 30)
Kaitareia Biribi N te tabo aei Iesu e kaota ana koaua ibukin Matena ao Maungautina, ao E kaota ana koaua Betero bwa Iesu bon Natin te Atua. (32)
Ieriko N te taetae ni kaikonaki ibukin te Itamaria ae raoiroi, e kuri ni mate te mwaane ngke e mwananga n te kawai nakon te kaawa aei. (35)
Te Maunga are Tabora Aio tao te tabo are e Onikaki iai Iesu Kristo. (33)
Te Onaroka are Ketetemwane E tataro Iesu Kristo, e maraki ibukin ara bure nako, e kamwaneaki iroun Iuta Itekariota, ao e katikaki n te onaroka aei. (51, 52)
Korokota Tao aio te tabo are e tauraki iai Iesu iaon te kaibangaki. (53)
Te Nne ni Mate n te Onaroka Tao aio te tabo are e taunaki iai Iesu Kristo, are e maungauti iai, ao n taetae ma Maria te I Maketara. (53, 54)