Mwakoro 46

Te Kauaoki

Iesu iaon te Maunga are Oriweta. Ana reirei a tangiria n titirakina Iesu tabeua titiraki. A titiraki bwa nningai ae a na kamaunaaki iai aika a buakaka. A tangiria naba ni kan ataia bwa e na manga oki nningai Iesu.

Mataio 24:3; Iotebwa Timiti—Mataio 1:4

Iesu e tuangiia bwa imwain te Kauaoki, burabeti ni kewe a na taekinna bwa ngaiia te Kristo. A na mwaiti aomata aika a na iriia. Ma ngkana taan iriiria a ongeaba n ana taeka, a na bon aki kekeweaki irouia burabeti ni kewe. A na bon kamaiuaki.

Mataio 24:4–5, 24—27; Mareko 13:21-22; Iotebwa Timiti-Mataio 1:21–22,37

Iesu e taekinna bwa imwain manga Okina, e na mwaiti te buaka, te rongo, aoraki aika korakora, ao mwaeiein te aonaaba. A na mwaiti aomata aika a na katoka buokakia tabeman ao a na buakaka riki.

Reirei ao Berita aika Tabu 45:16, 26-27,31-32; Iotebwa Timiti—Mataio 1:23, 28–30

Te euangkerio e na tataekinaki ni kabutaa te aonaaba, ma a mwaiti aomata aika a na rawa n ongo.

Reirei ao Berita aika Tabu 45:28–29; Iotebwa Timiti—Mataio 1:31

Taai e na karooaki, namwakaina e na aki oota, ao a na bwaka itoi mai i karawa.

Mataio 24:29; Mareko 13:24—25; Iotebwa Timiti—Mataio 1:33

Ngkana e a manga oki Iesu Kristo, aomata a na noora ruona man te nang ma te mwaaka ao te mimitong ae korakora. E na karokoia Ana anera ni bootiia aika raoiroi.

Mataio 24:30-31; Mareko 13:26—27; Iotebwa Timiti—Mataio 1:36-37

Ti na kona ni katauraoira ibukin te Kauaoki man karaoan ae raoiroi. Ngkana ti noora te kanikinaa are e berita iai Iesu, ti na ataia ngkanne bwa e a uakaan rokon te Tia Kamaiu. Akea ae ataa raoi manga rokon Iesu. Ma ngkana ti tauraoi, ti na kona ni maeka ma Ngaia.

Mataio 24:44; Ruka 21:36; Iotebwa Timiti—Mataio 1:39—40