Mwakoro 3
E bungiaki Ioane te Tia Bwabetito
Te anera ae Kaberiera e tuanga Maria bwa e nang reke natin Eritabeta ae te mwaane. Maria bon ana koraki Eritabeta.
Maria e nako ni kawara Eritabeta. E tuangaki Eritabeta iroun te Tamnei ae Raoiroi bwa e na riki Maria bwa tinan Iesu Kristo. Maria ao Eritabeta a karabwa te Atua ibukin kakabwaiakia. E tiku Maria irarikin Eritabeta inanon teniua te namwakaina. Imwina ao Maria e oki nako Natareta nakon mwengana.
E a bungiaki natin Eritabeta ae te mwaane. A rangi ni kukurei raoraona ao ana utu. A taku bwa e na titebo aran te teei ma tamana, Takaria. Ma e taku Eritabeta bwa e na aranaki bwa Ioane. A bane ni miimi aomata.
E titirakinaki Takaria irouia aomata bwa antai aran te teei. E tuai kona n taetae Takaria, ngaia are e korea ae kangai, “Arana bon Ioane.”
Imwiin aei ao e a manga kona n taetae Takaria. E onrake n te Tamnei ae Raoiroi. E tuangia aomata bwa e na bungiaki Iesu Kristo n te tai ae aki maan ao Ioane e na katauraoia aomata ibukina.
E ikawai rake Ioane n riki bwa te burabeti ae korakora. E reireinia aomata taekan Iesu Kristo.