Mwakoro 56

Betero E Kamaiua te Mwauku

Te mwaane ae mwauku e uouotaki nakon te tembora ni katoa bong. E tekateka imatan mataroan te tembora man bubuti te mwane. N te bong teuana e noora Betero ao Ioane bwa a nang rin n te tembora.

Mwakuri 3:1–3

E bubutiia Betero ao Ioane te mwane. E taku Betero bwa akea ana mwane. E taku Betero bwa e na anganna te bwai ae kaokoro.

Mwakuri 3:3, 6

Betero e kakabwaiaa te mwaane n aran Iesu ao e kamaiua. Imwina e buoka te mwaane bwa e na teirake.

Mwakuri 3:6–7

Bon ana moan tai te mwaane aei n nakonako inanon maiuna. A mwaiti aomata ake a noora te mwaane n nakonako man kibakiba. A ataia bwa bon te kakai. A ataia bwa iai iroun Betero mwaakan te Atua. E tuangiia Betero bwa Iesu Kristo e a tia n anganna te mwaaka ni kamaiua te mwaane. Betero bon te mitinare ae korakora. E buokiia aomata aika mwaiti ni kakoauaa man iriira Iesu Kristo.

Mwakuri 3:8–13, 16; 4:4