Mwakoro 13

Iesu ao Ana Auti Tamana are i Karawa

E nako Iesu nakon te tembora i Ierutarem. A mwaiti aomata ake a roko ikekei n anga karea man tiringan te man ao ni kabuekia iaon te bao ni karea. Te anga karea e buokia aomata bwa a na iangoa te Tia Kamaiu, are e na anga Ngaia ni maraki ao ni mate ibukia.

Nakoaia Ibonga 1:3–9; Ioane 2:13; Mote 5:5–7

Tabeman aomata bon akea aia man ibukin te anga karea. Aomata a kabonakoi maan nakoia inanon te tembora. A tangiria taan mwakete bwa a na karekea te mwane ae bati. A aki tabe n iangoa te Atua.

Ioane 2:14

Iesu e nooria aomata bwa a kabonakoi maan n te tembora. E taku bwa te tembora bon ana auti Tamara are i Karawa, te tabo ae tabu. E taekinna bwa a riai aomata n aki bobwai ke ni mwakete ikekei.

Ioane 2:16

E karaoa te kai ni kataere Iesu, e karangai taibora, e karenakoi tenaan mwane iaon tano, ao e kanakoia taan mwakete man te tembora. E aki kariaia bwa a na karaoi baika a buakaka n ana auti Tamara are i Karawa.

Ioane 2:15–16