Te Moan Taetae ni Kaikonaki

Te Tiibu ae Bua

Te tia kawakin tiibu ae raoiroi iai 100 ana tiibu. E bua temanna mai buakoia.

Ruka 15:4

Te tia kawakin tiibu e kitania tiibu ake 99 ao e nako ni kakaea temanna are e bua. Ngke e kunea, e rangi ni kukurei.

Ruka 15:4–5

Te tia kawakin tiibu e uota te tiibu ni kaokia. E weteia raoraona ao kaain rarikina ni kabane bwa a na botaki ma ni kukurei ma ngaia. E a kunea te tiibu ae bua.

Ruka 15:5–6

Iesu Kristo e tuangia Bwaritaio bwa tera nanon te taetae ni kaikonaki aei. E taekinna bwa naake a bure a kabotauaki ma te tiibu ae bua.

Ruka 15:7

N ai aron te tia kawakin tiibu are e tauraoi ni kamaiua te tiibu ae bua, E tangiria Iesu ni kamaiuia naake a bure.

Mareko 2:17

E taekinna Iesu bwa anne bukina ae E maroro ma taan bure.

Mataio 18:11 (tarai bwaai aika a na taraaki i nano 11c); Mareko 2:17

N ai aron te tia kawakin tiibu are e rangi ni kukurei ngke e kunea te tiibu ae bua, Iesu e rangi ni kukurei ngkana ti rairi nanora.

Ruka 15:6–7