Mwakoro 16

Natin te Mataniwi te Mwaane

Iai natin te mataniwi n Iutaia te mwaane ae rangi n aoraki. Ni kabane aomata a taku bwa e na waekoa ni mate natina.

Ioane 4:46–47

E katuka natina te mwaane ni mwengana ao e mwananga inanon maire aika mwaiti nakon kawan Kaana. E kunea Iesu ikekei.

Ioane 4:47

Te mwaane e bubutia te Tia Kamaiu bwa e na roko ni kamaiua natina te mwaane. Iesu e tuangnga bwa e na kamaiuaki natina. Te mwaane e kakoaua Iesu, ao e oki nakon mwengana.

Ioane 4:47–50

A roko Ana toro ni kaitibo ma ngaia. A tuangnga bwa e a moanna ni marurung natina ao e na maiu. E titirakiniia bwa n ningai ae moanna ni marurung iai natina. A tuanga. Bon te tai naba are e taekinna Iesu bwa e na kamaiuaki natina.

Ioane 4:51–53

E ataia te mwaane bwa e a tia Iesu ni kamaiua natina. Ngaia ao ana utu ni kabane a kakoaua te Tia Kamaiu.

Ioane 4:53