Mwakoro 6

E Kaotaki Iesu n te Tembora

Ngke ai tibwa tabeua ana wiki Iesu, a uotia ana karo nako i Ierutarem bwa a na kaotia n te tembora.

Ruka 2:22

Timeon, te mwaane ae raoiroi are e maeka i Ierutarem, e mena n te tembora n te tai anne. E tuangaki iroun te Tamnei ae Raoiroi bwa e noora Kristo imwain matena.

Ruka 2:25–26

Timeon e noora Iesu te teei n te tembora. E taua ni baina ao e neboa te Atua.

Ruka 2:27–29

E taekinna Timeon bwa te teei aei e na uota te kamaiuaki nakoia aomata ni kabane. A rangi ni miimi Iotebwa ma Maria n te bwai are e taekinna.

Ruka 2:30–33

Te aine ae e a tia ni mate buna ae arana Nei Ana e noora naba Iesu ao e kina bwa antai Ngaia. E anga ana karabwarabwa ao e tuangia aomata taekan Iesu.

Ruka 2:36–38