Mwakoro 33
E Kaoti ni Mimitong: Te Bitaki n Rabwata
Iesu e kaira Betero, Iakobo, ao Ioane nako taubukin te maunga ae rietata n tataro.
Ngke e tataro Iesu, mimitongin te Atua e ruo Nakoina. E raneanea ubuna n ai aron taai. Uoman burabeti n te O Tetemanti ae araia Mote ao Eria a kaoti Nakoina. A taekina taekan matena ae nang roko ao mangautina.
Mataio 17:2–3; Mareko 9:3–4; Ruka 9:29–31 (tarai bwaai aika a na taraaki inano 31a)
Ngke e tataro Iesu, Abotoro a matu.
Ngke a uti, a noora mimitongin Iesu Kristo, Mote, ao Eria. A ongo bwanaan te Tama are i Karawa n taekina, “Natiu ae tangiraki Teuaei, ae I kakatonga i Rouna, kam na ongo i Rouna.”
A maku Abotoro ao a bwaka nako aontano. E ringia Iesu ao e tuangiia bwa a na aki maku. Ngke a tararake, taan uarongorongo mai karawa a nako. Iesu e tuangia Abotoro bwa a na akea temanna ae a na kaongoa te bwai ae a tia n nooria ni karokoa ae E a tia ni mate ao ni mangauti.