Mwakoro 48
Taian Tarena
Iesu e karakina nakoia Ana reirei rongorongon te aomata temanna are e anga taian tarena nakoia ana toro. Te tarena bon te mwane ae rangi ni mwaiti.
Te aomata arei e angan temanna te toro nimaua te tarena. E anga uoua te tarena nakon te toro are temanna. E anga teuana te tarena nakon te toro are te kateniman. Imwina e mwananga nako te aomata arei.
Te toro are nimaua te tarena irouna e mwakuri korakora. E karekea riki nimaua te tarena. Tebwina ngkai mwaitin te tarena are irouna.
Te toro are uoua te tarena irouna e mwakuri korakora naba. E karekea uoua riki te tarena. Aua ngkai mwaitin te tarena are irouna.
Te toro are teuana te tarena irouna e taunna i aontano. E maaku bwa mwiina e kabuaa. E aki mwakuri ni karekei riki tarena.
Ngke e a oki te mwaane, e titirakiniia taian toro bwa tera ae a tia ni karaoia ma tarena ake e anganiia.
Te moan toro e uota nakoina tebwina te tarena. E rangi ni kukurei te mwaane arei. E karika te toro bwa te tia kairiiri iaon baika a mwaiti ao e tuangnga bwa e na kimwareirei.
Te kauoman n toro e uota nakoina aua te tarena. Aio e kakukureia naba te mwaane arei. E karika te toro bwa te tia kairiiri iaon baika a mwaiti ao e tuangnga bwa e na kimwareirei.
Te kateniman n toro e kaoka te mwane are e taunna nakon te mwaane. E aki kukurei te mwaane arei. E taekinna bwa e toto te toro aei. E riai ni kaman mwakuri korakora ni karekei riki tarena.
Te mwaane e anaa te tarena mairoun te kateniman n toro ao e angan te moan toro. Imwina e kanakoa te toro are e toto. Te mwaane n te karaki aei kanga Iesu. Ngaira kanga taian toro. Iesu e na taraia bwa tera arora ni kamanenai bwaintangira .