Mwakoro 29
E nakonako Iesu iaon te Nama
Imwiin kamwarakeaia aomata ake 5,000, e nako Iesu nakon te maunga bwa e na tataro. Ana reirei a anaa te booti bwa a na toua Namani Kariraia. Ngke e a tairiki, e kare te ang, ao a ririeta tain naao.
Ngke e a taira, e roko Iesu bwa e na raonia Ana reirei. E nakonako iaon te nama bwa e na nakon te booti.
Ana reirei a Nooria bwa e mwananga iaon te nama. A maaku. A taku bwa Ngaia bon te tamnei. E wewete nakoia Iesu, “Boni ngai; tai maaku.”
E tangiria naba Betero n nakonako iaon te nama. Iesu e tuanga Betero bwa e na nakoina. E ruo man te booti Betero. E waaki ni mwananga iaon te nama ni kaineta te Tia Kamaiu.
Ibukina bwa e korakora te ang ni kare, e a maaku Betero. E moanna n inako inanon te ran ao e tang nakon Iesu bwa e na kamaiua.
Te Tia Kamaiu e taua bain Betero. E titirakina Betero bwa bukin tera e aki kakorakora ana onimaki.
Ngke a roko n te boti Iesu ao Betero, e toki te buaka. Ni kabane ana reirei Iesu a taromauria te Tia Kamaiu. A ataia bwa Ngaia bon Natin te Atua.