Mwakoro 36
Iesu E Taekin Teniua Taetae ni Kaikonaki
N te bong teuana ao Iesu e amwarake ao e maroro ma aomata ake a taku tabeman bwa taan bure. Tabeman Bwaretaio a Nooria.
A kakoaua Bwaretaio bwa aki riai aomata aika raoiroi bwa a na taetae ma taan bure. A taku n aia iango bwa tiaki te aomata ae raoiroi Iesu ibukina bwa e taetae ma aomata aika taan bure.
E tangiria te Tia Kamaiu ni buokiia Bwaretaio n ataa bukina ngkai E mena ibuakoia taan bure. E tuangiia Taetae ni Kaikonaki aika teniua. Te moan bon taekan te tiibu ae bua.
Ruka 15:3; Ana Reirei te Burabeti ae Iotebwa Timiti, 277