Mwakoro 9

Te Ataeinimwaane ae Iesu

Iesu e ikawai rake ni kaawan Natareta. E reiakin bwaai aika a bati ao n riki ni “matoa n tamneina … ao ana akoi te Atua e mena irouna.”

Ruka 2:39–40

Ngke 12 ana ririki Iesu. E mwananga ma Iotebwa ao Maria n te kurubu nakon te bootaki i Ierutarem. A tiku ikekei ibukin tabeua te bong.

Ruka 2:41–43

Ngke Iotebwa ao Maria a okira mwengaia, a taku bwa Iesu e a oki nako Natareta ma raoraona. Ma Iesu e tiku i Ierutarem.

Ruka 22: 43–44

Ngke Iotebwa ao Maria a kakaea Iesu, a aki kona ni kunea. Akea man aia kurubu ae a tia n nooria. Ngaia are Iotebwa ao Maria a manga oki nako Ierutarem. A kakaea Iesu inanon teniua te bong. A rangi n nanokawaki.

Ruka 2:44–46

Tokin te tai ao a kunea Iesu n te tembora, ni marooro ma tabeman taan reirei. E kaekai aia titiraki. Taan reirei a kubanako ni mwaitin ana atatai Iesu.

Ruka 2:46-47 (taraa te taeka i nano 46c)

Maria e tuanga Iesu bwa ngaia ma Iotebwa a nang raraoma irouna. Iesu e kaeka bwa te bwai ae e karaoia bon ana mwakuri Tamana--Ana mwakuri te Atua. Iotebwa ao Maria a aki oota.

Ruka 2:48-50

Iesu e nako Natareta ma Iotebwa ao Maria ao e ongotaeka nakoia.

Ruka 2:51

Iesu e reiakin bwaai aika a bati ibukin Ana mwakuri Tamana are i Karawa.

Ruka 2:52

E rikirake n abwabwaki ao man korakora.

Ruka 2:52

Aomata a tangiria. E karaoi bwaai ake e tangiria te Atua bwa E na karaoi.

Ruka 2:52

E Tangiria Te Atua.

Ruka 2:52