Kanoana
Moan Rikin te Bwai
Tabeua rongorongo n te boki aei a anaaki man booki aika tiaki koroboki aika tabu n aron aika a taekinaki inano.
Bible Dictionary in the Latter-day Saint edition of the King James Version of the Bible (1979)
James E. Talmage, Jesus the Christ, 3rd edition (1916)
Teachings of the Prophet Joseph Smith, sel. Joseph Fielding Smith (1976)
Nakon te Tia Wareware
Karaki n te Nu Tetemanti a tia ni katauraoki ti ibukimi. A anaaki karaki aikai man te boki ae tabu. Ngkana ko wareki karaki aikai, uringnga bwa karakinaia aomata aika maeka n taai aika a maan n nako.
Wareki karaki n te tai ae bati ni karokoa ae a matenikuna raoi. Ko na bae n tangiria naba ni wareki man te Baibara. Iaan angiin mwaitin te tamnei, ko na tarai okiran rongorongo are e na tuangko te tabo are ko na kunea iai te karaki n te Baibara ke ni booki riki tabeua. Kariaia am karo, tinam, am tia reirei, ke raoraom ni buokiko ni kakaea te karaki inanon booki aika tabu.
Ngkana ko aki ataia bwa tera nanon te taeka, taraia inanon “Taeka aika Ko na Ataia” te tiekition ibukin te boki. Ngkana ko tangiria n reirei riki taekan te tabo, taraia inanon “Taabo aika Ko na Ataia” te tiekition. Ngkana ko aki ataia bwa antai te aomata anne, kakaea teuanne ke neienne inanon “Aomata aika Ko na Ataia” te tiekition. Iai naba inanon te boki aei te tiekition ma tamnein taabo n te Aba ae Tabu n tain te Nu Tetemanti.
Nakoia Kaaro ao Taan Reirei
E kona te boki aei n reireiniko taekan booki aika tabu. Kabonganai tiekition n “Taeka Aika Ko na Ataia,” “Taabo Aika Ko na Ataia,” ao “Aomata Aika ko na Ataia” bwa a na buokiia ataei n taneiai ma taeka, aomata, ao taabo n te boki aei. Ibuobuoki riki tabeua n te boki aei a raonaki ma taian mwabe, tamnei, ao rainin te tai.
Ngkana ko anga reirei, tibwaua am koaua iaon te Baibara. Kaungaia naake ko reireiniia bwa a na tataromwaaka n ukoukori oin aia koaua iaon koroboki aika tabu ao iroun te Tia Kamaiu, Iesu Kristo. Otaia nake ko reireiniia e na rikirake ni korakora riki ngkana ko wareki nakoia karaki aika mamaten nanoia man te Baibara.