Mwakoro 42
Te Rorobuaka ae Kaubwai
N te bong teuana temanna te rorobuaka e roko nakon Iesu ao n titirakinna bwa tera ae e riai ni karaoia bwa e aonga n roko i karawa.
Te Tia Kamaiu e tuangnga bwa e na tangira man karinea tamana ma tinana ao e na aki tiringa temanna ke ni kewe ke ni kimoa. E taku te rorobuaka ae kaubwai bwa e tia ni kaawakin tuua nako.
Iesu e tuanga te rorobuaka bwa ai ti teuana riki te bwai ae e na karaoia. E kainnanoaki bwa e na kabonakoi ana bwai nako ao n anga te mwane nakoia aika aki kaubwai. Ao imwina te rorobuaka e na iria.
Te rorobuaka ae kaubwai e aki tangiria n anga ana bwai nako. E tangirii riki ana bwai nakon ae tangira te Atua. E nako te rorobuaka ma te nanokawaki.
Te Tia Kamaiu e tuangiia Ana reirei bwa e kaangaanga irouia ake a tangirii kaubwai bwa a na roko i karawa. A aki oota Ana reirei. A titiraki bwa antai ae e kona ni maeka ma te Atua. E taku Iesu bwa aomata ake a onimakina te Atua ao a tangiria riki nakon bwaai a kona ni maeka ma Ngaia i karawa.
Mareko 10:23–30 (tarai bwaai aika a na taraaki inano 27a)