Ioane Te Tia Bwabetito e Bwabetitoa Iesu

Te wintoo ae bareka n te Tembora ae Nauvoo Illinois, iroun Tom Holdman

Tianuare 23–29

Mataio 3; Mareko 1; Ruka 3

“Katauraoa kawain te Uea”

N am tai ni wareka rongorongon Ioane te Tia Bwabetito ao bwabetitoakin Iesu Kristo, korei reireiam ake ko karekei. Nakomai, Iriirai—Ibukiia Aomata n Tatabemaniia ao Utu e kona ni buokiko ni kamatatako kiibu aikai ao ni buokiko n am anga reirei nakoia ataei ni mwengam.

te aikaon ibukin te tibwatibwa

Kaunga te Tibwatibwa

Anganiia ataei aia tai ni tibwaa are a tia n reiakinna, kaota tamnein Iesu ngke e bwabetitoaki. Tuangiia bwa a na taekina te bwai are a noria n te tamnei ao tera aia namakin n te bwabetito.

te aikaon ibukin te anga reirei

Reirei te Reirei: Ataei aika a Uarereke Riki

Mataio 3:13–17

I kona ni bwabetitoaki n aekan Iesu ngkoa.

Tera arom ni kabongana rongorongon ana bwabetito Iesu ni buokiia ataei bwa a na katauraoi nakon te bwabetito?

Waaki ni Kakukurei aika a Kona ni Karaoaki

• Kakimototoa karakinan Bwabetitoan te Tia Kamaiu (tara Mataio 3:13–17; tara naba“Mwakoro 10: E Bwabetitoaki Iesu,” i nanon Karaki man Te Nu Tetemanti, 26–29, ke te tamnei are e irekereke ma te reirei ChurchofJesusChrist.org). Kabwarabwara bwa e bwabetitoaki Iesu n te kateboaki i aan te ran iroun te aomata ae iai irouna te kariaiakaki n te nakoanibonga. Kaoka te karaki tabeua te tai ao kaoiia ataei bwa a na kataia n taekina te bwai ae a uringnga man te karaki.

• Kaota tamnein Iesu ngke e bwabetitoaki are e mena n te iteraniba ibukin te waaki ni kakukurei. Tuangiia ataei bwa a na kakaei baika a titebo n tamnei aika uoua aikai. (Iai tamnein Iesu ngke e bwabwetito are mena i nanon te kanoa n reirei n te wiki aei i nanon Nakomai, Iriirai—Ibukiia Aomata n Tatabemaniia ao Utu.)

• Manga tarai berita ake a na karaoi ataei ngkana a bwabetitoaki (tara Motiaea 18:8–10; Reirei ao Berita aika Tabu 20:37; Atun Reirei n te Euangkerio, “Bwabetito,” topics.ChurchofJesusChrist.org). Titirakiniia bwa tera te bwai ae a tia ni karaoia mani baikai.

• Kaoa temanna kaain te bitiobiriki bwa e na taekina aron te bwabetito are e na karaoaki i mwain ae a bwabetitoaki.

• Anenea te kuna ae te bwabetito, n aron “Baptism” (Aia Boki n Anene Ataei, 100–101). Tuanga temanna te ataei bwa e na orea tain te kuna.

te ataeinnaine ae bwabetitoaki

Ti kona n ira ana banna ni katooto Iesu man babetitoakira.

Mataio 3:11, 16

E bubuokai te Tamnei ae Raoiroi.

Ao n reitan te katauraoi ibukin te bwabetito, ataei a na bon katauraoia naba ni karekea te bwaintituaraoi ae te Tamnei ae Raoiroi. Ko na kanga ni buokiia?

Waaki ni Kakukurei aika a Kona ni Karaoaki

• Kabongana Mataio 3:11, 16 n reireiniia ataei bwa e ruo te Tamnei ae Raoiroi nako aon Iesu ngke E bwabetitoaki (e kaoti te taobe bwa te kanikina bwa e bon riki aei). Kaota te tamnei ae Ana Bwai n Tituaraoi te Tamnei ae Raoiroi. (Boki n Tamnei n te Euangkerio, nambwa. 105), ao kabwarabwara bwa ti karekea ana bwai n tituaraoi te Tamnei ae Raoiroi n te tai are ti kamatoaki iai.

• Uota te bwaene ma kanoana ae tamnein Iesu, te burangketi ae kamwengaraoi, ao te kambwati ke te mwabe. Kaoiia ataei bwa a na rinea aia bwai, ao tuangiia bwa bwaai aikai a tei ibukin aron ana ibuobuoki te Tamnei ae Raoiroi—E kakoaua Iesu (tara Ioane 15:26), e anganira te rau (tara Ioane 14:26), ao e kaota nakoira te kawai ae eti (tara 2 Nibwaai 32:5).

• Tibwaua rongorongom ike ko karekea iai ana ibuobuoki te Tamnei ae Raoiroi.

• Kaoiia ataei bwa a na ongoraei kawai ake e kona iai ni buokiira te Tamnei ae Raoiroi n aia anene n rongorongona n aron “The Holy Ghost” (Aia Boki n Anene Ataei, 105).

te aikaon ibukin te anga reirei

Reirei te Reirei: Ataei aika a Ikawai Riki

Mataio 3

I kakabwaiaki man otenanti man te Nakoanibonga ae te Aaron.

Ioane te Tia Bwabetito iai irouna te Nakoanibonga ae te Aaron, warekan rongorongona ni Mataio 3 bon te tai ae tamaroa n reireiniia ataei taekan te Nakoanibonga ae te Aaron. Buokiia bwa a na kinai kakabwaia ao te korakora are e reke iroura man te Nakoanibonga aei.

Waaki ni Kakukurei aika a Kona ni Karaoaki

• Kaoiia ataei bwa a na korei tabeia kaain te nakoanibonga ae te Aaron, aika n Reirei ao Berita aika Tabu 20:46, 58–60; 84:111. Tuangiia ataei bwa a na wareka Mataio 3 ao ni katebenakoi katotoo mairoun Ioane ngke e kakoroi nanon mwakuri aikai. Tera arora ngaira ni kabane ni kaoiia aomata nakon Kristo, n ai aron Ioane?

• Kaotii tamneia kaain te nakoanibonga ae te Aaron i nanon karaoan te otenanti ae te bwabetito ao te toa (tara Te Boki n Tamnei n te Euangkerio, nambwa. 103–4, 107–8). Marooroakinna bwa n te aro raa ae otenanti aikai a katauraoira ni butimwaea Iesu Kristo ao tenaan kakabwaia n Ana mwakuri ni kamaiu.

• Botaki wareka Reirei ao Berita aika Tabu 13:1, ao kaota am koaua bwa Ioane te Tia Bwabetito e kaoka te Nakoanibonga ae te Aaron nakon Iotebwa Timiti. Titirakiniia ataei bwa n te aro raa ae a kakabwaiaaki kai a tia ni kaokaki te Nakoanibonga ae te Aaron.

Mataio 3:13–17; Mareko 1:1–11; Ruka 3:2–18

I kona ni kawakin au berita n te bwabetito.

Reiakina rongorongon bwabetitoan Iesu bon te tai ae tamaroa ni buokiia ataei n tarai aia berita n te bwabetito ao ni kabouaa aia motinnano nako iai.

Waaki ni Kakukurei aika a Kona ni Karaoaki

• Kaoiia ataei bwa a na ikaruoruo ni wareka Mareko 1:1–11. Marooroakinna bwa bukin tera e tangiria Tamara are i Karawa bwa ti na bwabetitoaki. Bukin tera e bwabetitoaki Iesu, e boni ngae ngke akea ana bure? Buokiia ataei bwa a na kakaea kaekan te titiraki ae i nanon Mataio 3:13–15 ao 2 Nibwaai 31:6–7.

• Manga taraa aia berita ataei n te bwabetito, are kuneaki ni Motiaea 18:8–10 ao Reirei ao Berita aika Tabu 20:37. Kaoiia ataei bwa a na korei kiibu aikai i aon te iteraniba ibukin te waaki ni kakukurei.

• Katauraoi tabeua beeba ake e titebo taekaia ke tamneia ake a tei ibukin ara berita n te bwabetito. Kabaraaki taian beeba. Kaoiia ataei bwa a na ikaruoruo n rairii uoua beeba, ni kakaei aika a titebo. Ngkana iai aika a titebo, kaoiia ataei bwa a na tibwauai kawai ake a kona iai ni kawakina aia berita.

• Tibwauaia bwa tera am kakabwaia ngkai ko kawakina am berita n te bwabetito.

Mataio 3:11, 16

E kona te Tamnei ae Raoiroi ni kairai.

A tabe ataei ni kinaa ao n iriira ana kairiiri te Tamnei ae Raoiroi. Buokiia bwa a na mataata ae kawakinan aia berita e na anganira te kona ni karekea Ana kairiiri.

Waaki ni Kakukurei aika a Kona ni Karaoaki

• Tuanga temanna te ataei bwa e na wareka teuana te kibu mai i buakon aikai ao n taraia bwa tera ae taekinaki n aron ana reitaki te Tamnei ae Raoiroi nakoira: Ereman 5:30; Reirei ao Berita aika Tabu 6:23; 8:2–3; 11:12–13.

• Tuanga temanna te ataei bwa e na wareka Mataio 3:11. N te aro raa ae titebo iai te Tamnei ae Raoiroi ma te ai? N aron te katooto, e kona n anga te rau te ai, ao e anga te oota ni kairiira (tara Ioane 15:26; 2 Nibwaai 32:5).

• Kaoiia ataei bwa a na kainii mataia ao n anga baia. Kabuta te buraeniman ke te karai i aon baia. Tuangiia bwa a na taetae ngkana a namakinna. Tera ae reirei te waaki aio i aon kinaakin aron namakinan te Tamnei ae Raoiroi?

• Kaoiia ataei bwa a na taekin rongorongoia ngke a na namakina iai te Tamnei ae Raoiroi. Bukin tera ngkai kawakinan ara berita e buokiira ni karekea ana kairiiri te Tamnei ae Raoiroi?

te aikaon ibukin te kamatebwai

Kaungaa te Kamatebwai n te Mweenga

Tuangiia ataei ni kaane bwa a na tuangiia aia karo, aia koraki, ke raoraoia tain aia bwabetito.

Kanakoraoan Ara Anga reirei

Ukoukora oin am kaotioti. Tai tarai kamataata aikai bwa kanga kaetieti ake ko riai n irii ngkana ko anga reirei. Ma, kabonganai bwa bwaai ni kareke iango n am tai n tarai kainnanoia ataei ake ko reireiniia. (Tara Reirei n Ana Kawaki te Tia Kamaiu, 7.)

iteraniba ibukin te waaki ni kakukurei: I kona ni bwabetitoaki n ai aron Iesu ngkoa