E Vakavulici Ira na Tamata o Jisu e Baravi, mai vei James Tissot

20–26 ni Feperueri

Maciu 6–7

“Ni Sa Vakatavulici Ira me Vaka E Dua sa Tu Vua na Lewa”

Ni da wilika na ivolanikalou ka basika mai na taro ena noda vakasama ena yalo dina me kilai kina vakavinaka na vei ka e vinakata na Tamada Vakalomalagi me da kila, eda sureta na Yalo Tabu me vakauqeti keda. Nio wilika na Maciu 6–7, yadrava vinaka na vei nanuma oqo.

Vola na Nomu Nanuma

Na iVunau ena Ulunivanua e dua vei ira na itukutuku cavuti kilai levu duadua ena Lotu va-Karisito. E veivakatavulici na iVakabula ena iyaloyalo e momona ka matata, me vaka na koro sa toka ena ulunivanua, na viavia ni buca, na olifa e matavulotaki tu me vaka na sipi. Ia, na Vunau ena Ulunivanua e uasivi sara mai na dua ga na vunau totoka. Na kaukauwa ni vakavuvuli ni iVakabula vei ira na Nona tisaipeli ena rawa ni veisautaka na noda bula, vakabibi ena gauna eda bulataka kina. Ka sa qai yaco me sa levu cake na Nona vosa mai na vosa walega; era sa yaco me ra yavu ni bula, me vaka na vale ni tamata vuku, ena rawa ni vorata na cagi kei na waluvu ni vuravura (raica na Maciu 7:24–25).

Vakasama Eso ni Vuli iVolanikalou ni Tamata Yadua

Maciu 6–7

Na bulataki ni ivakavuvuli ni iVakabula e rawa ni vukei au me‘u vakataki Koya.

Na Vunau mai na Ulunivanua e tu kina e vuqa na ivakavuvuli ni kosipeli. Nio vulica na vei wase oqo, taroga vua na Turaga na cava e vinakata o Koya mo vulica.

E dua na ivakavuvuli o na rawa ni raica sa ikoya na kena gadrevi me vakaliuci na veika ni Kalou mai na vei ka ni vuravura oqo. Na ivakavuvuli cava ni iVakabula ena Maciu 6–7 e vukei iko mo vakanamata ki na vei ka vakalomalagi? Na vakasama se vakanananu cava tale eso e tiko vei iko? Na cava o sa vakauqeti mo vakayacora? Sa rawa mo vola na nomu nanuma. Me kena ivakaraitaki:

Maciu 6:1–4	Au gadreva me‘u kauwaitaka vakalevu cake ga na vei ka e nanuma me baleti au na Kalou mai na vei ka era nanuma na tamata.

E dua tale na ivakavuvuli ena Maciu 6–7 sa ikoya na masu. Taura e dua na gauna mo vakadikeva kina na nomu masu. Na cava o bau vakila me baleta na nomu sasaga tiko mo toro voleka vua na Kalou ena masu? Na ivakavuvuli cava ena Maciu 6–7 e vakauqeti iko me vakatoroicaketaki kina na nomu masu? Vola na vei nanuma o sa ciqoma. Me kena ivakaraitaki:

Maciu 6:9	Ni’u masu, e dodonu me‘u vakarokorokotaka na yacana na Tamada Vakalomalagi.
Maciu 6:10	Ni’u masu, me’u vakaraitaka na noqu gagadre me yaco ga na nona lewa na Turaga.

Sa rawa mo wilika vakadua tale na iVunau ena Ulunivanua, ka me vakasaqarai e dua tale na ivakavuvuli se itukutuku e tokaruataki tikoga mai ka sa baleti iko saraga. Vola na vei ka o kunea ena nomu volaniveisiga ni vuli lesoni, ka salavata kei na nomu vakasama kei na vei ka o nanuma.

E rawa ni da toro voleka yani vua na Kalou ena masu.

Maciu 6:7

Na cava na ibalebale ni vakayagataki na “vosa balabalavu” ena masu?

Era kila na tamata ni ibalebale ni “vosa balabalavu” oya na cavuti tiko ni vosa vata ga ena vica vata na gauna. Ia, na vosa na walega e rawa ni vakamacalataki ni dua na ka e sega na kena ibalebale. Na vakayagataki ni “vosa balabalavu” ena masu e rawa ni vakaibalebale ki na masu ka sega ni vakaidina, se sega ni mai vuniyaloda (raica na Alama 31:12–23).

Maciu 7:1–5

Au rawa ni vakalewa vakadodonu.

Ena Maciu 7:1, e vaka e tukuna tiko na iVakabula me da kua ni daulelewa, ia ena so tale na ivolanikalou (oka kina eso tale na tikina ena iwase oqo), e solia o Koya na idusidusi me da vakalelewa kina. Kevaka beka e veicalati o ya, na iVakadewa nei Josefa Simici ena tikina oqo e rawa ni veivuke: “Kakua ni vakataulewa vakatawadodonu, mo kakua kina ni lewai; ia dou vakatauca na lewa dodonu” (ena Maciu 7:1, ivakamacala e ra a). Na cava o raica ena Maciu 7:1–5, ka vakakina na vo ni wase oqo, e vukei iko mo kila mo “vakatauca na lewa dodonu”?

Raica talega na iUlutaga Vakosipeli, “Judging Others,” topics.ChurchofJesusChrist.org; Lynn G. Robbins, “The Rightenous Judge,” Liaona, Nove. 2016, 96–98.

Maciu 7:21–23

Sa yaco me‘u kilai Jisu Karisito ni’u sa vakayacora na Lomana.

The phrase “Au sa sega sara ni kilai kemudou” ena Maciu 7:23 sa mai veisautaki ena iVakadewa nei Josefa Simici me “Dou sa sega sara ni kilai au” (Maciu 7:23, footnote a). E vukei iko vakacava na veisau oqo mo kila vinaka cake kina na veika e vakatavulica na Turaga ena tikina 21–22 me baleta na kena vakayacori na Lomana? O kila vakacava vakavinaka ni ko kila na Turaga? Na cava o rawa ni vakayacora mo kilai Koya kina vakavinaka cake?

Raica talega na David A. Bednar, “If Ye Had Known Me,” Liaona, Nove. 2016, 102–5.

Maciu 7:24–27

Na talairawarawa ki na ivakavuvuli ni iVakabula e bulia e dua na yavu tudei ni noqu bula.

Na bulataki ni kosipeli e sega ni kauta laivi na dredre mai na noda bula. Na vale ruarua ena vosa vakatautauvata ni iVakabula ena Maciu 7:24–27 e sotava na cava vata ga. Ia e dua ga na vale a vorata rawa. E sa bulia vakacava e dua na yavu kaukauwa vei iko na bulataki ni ivakavuvuli ni iVakabula? Na cava o vakauqeti kina mo vakayacora mo tomana tikoga kina na tarai cake ni nomu “vale ena dela ni vatu”? (raica na tikina e 24).

Raica talega na Ilamani 5:12.

Na Vakasama Eso Me Baleta na Vuli iVolanikalou Vakamatavuvale kei na Lotu Vakamatavuvale

Maciu 6–7.E dua na sala e rawa ni dou vuli kina vakamatavuvale mai na Maciu 6–7 sa ikoya na kena saravi na vidio “Sermon on the Mount: The Lord’s Prayer” kei na “Sermon on the Mount: Treasures in Heaven” (ChurchofJesusChrist.org). E rawa ni ra vakamuria na lewe ni vuvale na vei vidio oya ka salavata kei na ivolanikalou ka tarova na vidio ena gauna era rogoca kina e dua na ka era gadreva me ra veitalanoataka. Na itaviqaravi oqo e rawa ni taura e vica vata na siga, kevaka e gadrevi.

Maciu 6:5–13.Na cava eda rawa ni vulica mai na ivakarau ni nona masu na iVakabula? Ena rawa vakacava ni da vakayagataka na ivakarau ni Nona masu me noda idusidusi me vakatoroicaketaki kina na noda masu yadua ka vakakina vakamatavuvale? (Raica talega na Luke 11:1–13.) Kevaka era tiko na luvemu lalai, sa rawa mo dou vakatovotovotaka na masu vata.

Maciu 6:33.Na cava na ibalebale ni “vakasaqara … taumada na matanitu ni Kalou”? Eda sa cakava tiko vakayadua kei na vakamatavuvale na ka oqo?

Maciu 7:1–5.Me raitayalotaki na ivakavuvuli ena vei tikina oqo, sa rawa me ratou raica mai na nomu matavuvale e dua na malamala lailai (e dua na kau lailai) kei na dua na duru (dua na kau levu). Na cava e vakavulica vei keda na kena veidutaitaki o rau na ka oqo me baleta na nodra vakalewai na tani? Kevaka o gadreva mo vakadikeva tale na ulutaga oqo, sa rawa mo vakayagataka eso na ivurevure ena “Vakalewai Ira na Tani” (Ulutaga Vakosipeli, topics.ChurchofJesusChrist.org).

Maciu 7:24–27.Me vukea na nomu vuvale me ratou kila vakavinaka na vosa vakatautauvata ni iVakabula me baleta na tamata vuku kei na tamata lialia, e rawa nio cakava me ra sova na wai ena nuku kei na vatu. Ena rawa vakacava me da tara na noda yavu ena vatu?

Me ikuri ni itukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Sere vakaturi: “Tara Vale,” iVolanisere ni Lalai, 132.

Vakatoroicaketaki ni Vuli ni Tamata Yadua

Wasea na raititobu. Na veitalanoataki ni vakavuvuli o vulica ena nomu vuli yadua e sega walega ni sala vinaka mo vakatavulici ira kina na tani; e vukea talega me vakaqaqacotaki na nomu kila vinaka. Tovolea mo wasea e dua na ivakavuvuli o vulica ena macawa oqo vei ira na nomu vuvale se lewe ni kalasi ena Lotu.

Au Sa Masulaki Kemuni, mai vei Del Parson