Transfigirasyon an, Carl Heinrich Bloch

10–16 Avril.

Matye 15–17; Mak 7–9

“Ou se Kris la”

Lè nou li ekriti yo, sa envite Sentespri a nan lavi nou. Yonn nan misyon enpòtan Sentespri a, se temwaye konsènan Jezikri. Lè w ap li ekriti yo semèn sa a, prete atansyon a santiman spirityèl ki ranfòse temwayaj ou nan Sovè a.

Ekri enpresyon ou

Èske sa pa etranj ke Farizyen yo ak Sadiseyen yo te mande Jezi pou l te montre yo “yon siy ki soti nan syèl la”? Èske pil mirak li tout moun te konnen yo pa t ase? Epi konsènan ansèyman puisan l yo oubyen pil fason li te akonpli ansyen pwofesi yo? Demand yo a te motive non pa pa yon mank siy, men pa yon mank volonte pou yo te “disène siy yo” ak aksepte yo. (Gade nan Matye 16:1–4.)

Pyè, tankou Farizyen yo ak Sadiseyen yo, te temwen mirak Sovè a te fè yo epi li te tande ansèyman l yo. Men, temwayaj definitif Pyè a: “Ou se Kris la, Pitit Gason Bondye vivan an,” pa t vini atravè sans fizik li—“chè li ak san li.” Sete “Papa nou ki nan syèl la” ki te revele l temayaj li a. Revelasyon se wòch kote Sovè a bati Legliz li, nan epòk sa a tankou jodia—revelasyon k soti nan syèl la li voye bay sèvitè l yo. Epi, se sou wòch sa a nou ka bati lavi disip nou—relelasyon ke Jezi se Kris la epi sèvitè l yo detni “kle wayòm” yo. Lè nou bati sou fondasyon sa a, “pòt lanfè yo pap ka louvri pou vale [nou].”

Ide pou Etid Ekriti Pèsonèl

Matye 16: 13–17

Yon temwayaj konsènan Jezikri vini atravè revelasyon.

Si Jezikri mande moun jodia, “Kiyès lèzòm di ke mwen menm Pitit Gason Lòm nan ye?” kisa yo ta ka di? Kijan w t ap reponn si Jezi ta mande ou: “Kiyès yo di mwen ye?” (Gade nan Matye 16:13–15.)

Medite sou temwayaj ou konsènan Sovè a ak fason ou te resevwa li. Kisa w aprann nan Matye 16:15–17 ki ta ka fòtifye li? Si w ta renmen aprann plis apwopo temwayaj ak revelasyon pèsonèl, eksplore ekriti sa yo: Jan 15:26; 2 Nefi 31:17–18; Alma 5:45–48; ak Doktrin ak Alyans 8:2–3.

Gade tou nan “Prezidan Nelson: Tande L—Revelasyon Pèsonèl” (video), ChurchofJesusChrist.org.

Matye 16:13–19; 17:1–9; Mark 9:2–9

“Kle wayòm syèl la” sou latè a jodi a.

“Kle wayòm syèl yo” Sovè a te pwomèt Pyè ke l t ap ba li yo se kle prètriz yo (Matye 16:19 Kisa kle prètriz yo ye? Poukisa nou bezwen yo? Medite sou kesyon sa yo pandan w ap li sou pwomès Sovè a nan Matye 16:13–19 ak akonplisman l nan Matye 17:1–9; Mak 9:2–9 (gade nan Tradiksyon Joseph Smith, Mak 9:3 [nan Mak 9:4, referans a]).

Nan pami lòt resous pou ede nou aprann konsènan kle prètriz yo, genyen Doktin ak Alyans 65:2; 107:18–20; 110:11–16; 128:9–11; “Kle Prètriz yo” nan Gid Ekriti yo (scriptures.ChurchofJesusChrist.org); ak mesaj Elder Gary E. Stevenson “Kote Kle ak Otorite prètriz yo?,” (Lyawona, Me 2016, 29–32). Pandan w ap etidye resous sa yo, konsidere pou w fè yon kis bagay ou aprann konsènan kle prètriz yo ak benediksyon ki vini nan yo Poukisa ou panse yon kle se yon bon senbòl pou dwa pou dirije sèvis prètriz yo?

Gade tou nan Dallin H. Oaks, “Prètriz Mèlchizedèk la ak kle yo,” Lyawona, Me 2020, 69–72; Diksyonè Bib la, “Mòn Transfigirasyon an.”

Kle prètriz yo se otorite pou dirije itilizasyon prètriz la.

Matye 17:14-21; Mak 9:14-29

Lè m ap chèche gen pigran fwa, m ka kòmanse avèk fwa genyen an

Papa ki mansyone nan Matye 17 ak Mak 9 la te gen rezon pou l te doute ke Jezi te ka geri pitit gason l lan. Li te mande disip Jezi yo pou yo te geri pitit gason li a, epi yo pa t kapab. Men, lè l te mande Sovè a yon mirak, li te chwazi eksprime fwa li. Li te di, “Senyè, mwen kwè.” Apresa, ak rekonesans ke lafwa li pa t pafè, li te ajoute: “Pote enkwayans mwen sekou.”

Kisa Lespri a anseye w lè w li konsènan mirak sa a? Kijan Pè Selès la te ede w ogmante lafwa ou? Kisa w ka fè pou bati sou lafwa ou deja genyen an? Petèt ou ta ka fè konpilasyon yon lis ekriti, mesaj konferans, oubyen eksperyans ki te fòtifye lafwa ou.

Gade tou nan Jeffrey R. Holland, Senyè, mwen kwè,” Liahona, Me 2013, 93–95.

Ide pou Etid Ekriti Familyal ak Sware Familyal

Matye 19:1–9; Mak 10:1–12.Ki diferans ki genyen ant obeyi Bondye avèk pobouch nou, oubyen pawòl, ak onore Li avèk kè nou?

Matye 15:17–20; Mak 7:18–23.Poukisa nou pran prekosyon a sa n ap mete nan bouch nou? Baze sou sa Jezi te anseye nan vèsè sa yo, poukisa nou ta dwe pran plis prekosyon sou sa k ap sòti nan bouch nou—ak sòti nan kè nou? Kouman nou ka kenbe kè nou pur?

Matye 16:15–17.Kouman Bondye revele nou ke Jezi se “Kris la, Pitit Gason vivan Bondye a”? (vèsè 16). Kijan nou ka prepare nou pou nou resevwa revelasyon sa a nan men L?

Matye 16:13–19; 17:1–9.Pou anseye timoun konsènan kle prètriz yo, ou ta ka rakonte istwa Elder Gary E. Stevenson nan lè pòt machin li te fèmen l deyò a (gade video “Kote Kle m Yo?” nan ChurchofJesusChrist.org). Ou gen dwa kite timoun yo itilize kle pou ouvri kay la, machin nan, oubyen lòt seri. Panse pou w montre yon foto Prezidan Legliz la, epi rann temwayaj ke li detni tout kle prètriz yo jodia, jan Pyè te detni yo a.

Matye 17:20.Pwofèt ki te gen lafwa nan Jezi te deplase montay (gade nanJakòb 4:6; Moyiz 7:13). Men, kòm dabitid, se pa mirak nou bezwen an. Prezidan M. Russell Ballard te ansenye: “Si nou gen lafwa ki piti tankou yon grenn moutad, Senyè a ka ede nou deplase mòn dekourajman ak dout nan obligasyon ki devan nou yo pandan n ap sèvi pitit Bondye yo, ansanm avèk manm fanmi nou, manm Legliz, ak moun ki pako manm Legliz la” (“Kado granpri nan men Bondye,” Lyawona, Me 2018, 10). Ki kèk montay nan lavi nou ki bezwen deplase? Kijan nou ka montre lafwa nan pouvwa Bondye pou ede nou deplase montay sa yo?

Pou plis ide pou anseye timoun yo, gade plan leson semèn sa a nan Vini, Suiv Mwen—Pou Primè a.

Kantik ki sijere: “Oui, je crois en Christ,” Cantiques, no .71

Amelyore ansèyman nou

Reyini ansanm souvan. Prezidan Henry B. Eyring te anseye: “Pa janm rate yon chans pou reyini pitit nou yo ansanm pou yo aprann doktrin Jezikri a. Kalite moman sa yo ra an konparezon avèk efò enmi an” (Pouvwa pou anseye doktrin nan,” Ensign, Me 1999, 74).

Mèt, mwen mennen pitit gason m nan ba ou, Walter Rane