Takaio iaon te Aroka ae te Tukomorea, iroun James Tissot

Meei 15–21

Mataio 21–23; Mareko 11; Ruka 19–20; Ioane 12

“Nooria, E Roko Am Uea”

Imwain warekan taian iango n te kamataata aei, wareka Mataio 21–23; Mareko 11; Ruka 19–20; ao Ioane 12. Korea am namakin are ko kona n tibwaia ma kaain am utu ke inanon te kiraati n te Taromauri.

Korei Am Namakin

Te Tia Kamaiu e bora ni baki imwin mwanangana mai Betania nako Ierutarem, ao te aroka ae te biiku n te raroa ae bon tau e taraa n reke te amwarake iai. Ma ngke e roko Iesu n te aroka, E kunea bwa akea uaana (taraa Mataio 21:17–20; Mareko 11:12–14, 20). N te aro, are te aroka ae te biiku bon ai aroia taan kairiiri n te aro i Ierutarem ake a mwamwana te aba: aia reirei ae akea manena ao tinanikuia ae kaota ae tabu aki anga kamaeuan te tamnei. Baritaio ao taan koroboki a taraa ni kawakin tuua aika a mwaiti ma a bwaka man korakoran tuua ake uoua: n tangira Iehova ae Atuam ao n tangiriia kaain rarikim n aron tangiram i bon iroum (taraa Mataio 22:34–40; 23:23).

Ni kaitaraana, a mwaiti aomata ake a tia ni kinaa tamaroan uaan ana reirei Iesu. Ngke e roko i Ierutarem, a butimwaia ma mwaanga ake a koreaki man aroka n aroria ni Kawaina, te kimwareirei are e a koro nanona, taetae ni burabeti ngkoa n taku, “E a nakoim am Uea” (Tekaria 9:9). Ngkai ko wareware n te wiiki aei, iangoa taekan uaan ana reirei te Tia Kamaiu ao ana mwakuri ni kamaiu inanon maium ao ko na kanga ni kariki “uaana aika bati” (Ioane 12:24).

Iango ibukin te Kamatebwai i bon Iroum ni Koroboki aika Tabu

Ruka 19:1–10

Te Uea e aki tara tinanikun te aba ma e taratara te nano.

N ana tai Iesu, a mwaiti aomata ake a kario iango bwa taan rikorikoa ana mwane te uea, ke taan rikoi bakaon mwaane, aki kokoaua ao ni kimoa mairouia aomata. Ngaia ae ibukina Takaio, mataniwi n rikoan ana mane te uea, e kaubwai, ngaia naba are bati kanamakinana. Ma Iesu e taraa nanon Takaio. Tera ae kaotaki Ruka 19:1–10 n taekan nanon Takaio? Ko kona ni karaoa tauan mwiin taeka ni kiibu aikai are e kabwarabwara bwa tera ae karaoia Takaio ni kaota nanona ae banebane nakon te Tia Kamaiu. Tera ae bane nanom n tangiria? Tera ae ko na karaoia ni ukora te Tia Kamaiu, n aron ae karaoia Takaio?

Taraa naba Reirei ao Berita aika Tabu 137:9.

Mataio 23; Ruka 20:45–47

Iesu e aki kariaia te mwamwana te aba.

A na reitaki ni marooro te Tia Kamaiu ma taan koroboki ao Baritaio e karaoa kaungaan te kaitara nakon ana marooro ma Takaio. Ngke Beretitenti Dieter F. Uchtdorf e kabwarabwara, “[Iesu] e teirake n unna ae riai ni kaitaraia taan mwamwana te aba n aroia taan koroboki, Baritaio, ao Tarukaio—koraki ake a kataia ni karokoia n te raoiroi n te aro bwa ana tokanikai ni kamoamoaki, kairoroia, ao kaubwain te aonaaba, ni kabane ni karika karawawataia aomata ake a riai ni kakabwaiaia” (“On Being Genuine,” Riaona, Meei 2015, 81).

Ni Mataio 23, te Tia Kamaiu e kabonganai tabeua kabootau ni kabwarabwara te mwamwana te aba. Iangoia ni mwaakeni ke karinani tein te taetae ni kawai aikai ao taui mwina bwa tera ae a reireia taekan te mwamwana te aba. Tera te kaokoro imarenan te mwamwana te aba ao mamaran te aomata are e bane n reke iroura ngkai ti kataia ni maiuakina te euangkerio? Tera ae ko kaungaaki ni karaoia ae kaokoro ae riki man ana reirei te Tia Kamaiu?

Taraa naba Bible Dictionary, “Hypocrite.”

Mataio 21:1–11; Mareko 11:1–11; Ruka 19:29–44; Ioane 12:1–8, 12–16

Iesu Kristo bon au Uea.

Ngke e roko Iesu i Ierutarem tabebong imwain ae E katia Ana Mwakuri ni Kamaiu, koraki ake a Kinaa bwa aia Uea a kaota aia kakaonimaki nakoina man Kabirakina, katokaan kunikai ao ni kawenei baan baam irarikin Kawaina nako nanon Ierutarem, ao a takaruaa te nebonebo. Iangoia bwa e kanga bwaai n ibuobuoki aika imwina ni kananoa am atatai man bwaai aika a riki, are e moanaki man kabanean ana wiiki ni maiu te Tia Kamaiu.

• Te katooto ni kabirakin te Uea n taai ake ngkoa: 2 Uea 9:1–6, 13

• Te taetae ni burabeti n taai ake ngkoa n te rin ma te tokanikai Tekaria 9:9

• Nanon te taeka ae hosanna: “Ootaana” inanon te Kairi nakon Koroboki aika Tabu (scriptures.ChurchofJesusChrist.org)

• Taetae ni burabeti are e kaotia bwa e kanga manga okin te Tia Kamaiu: Te Kaotioti 7:9–12

Ko na kanga ni karinea ao ni butimwaea te Tia Kamaiu bwa am Uea ao am King?

Taraa naba Gerrit W. Gong, “Otanna ao Areruia—Iesu Kristo ae Maiu: Te Kabanea ni Kakaawaki ni Kaokan Bwaai ao te Itita,” Riaona, Meei 2020, 52–55; “The Lord’s Triumphal Entry into Jerusalem” (witeo), ChurchofJesusChrist.org.

Mataio 22:34–40

Te moa ni kakawaki n tua bon tangiran te Atua ao tangiraia raora n aron tangirau ibon irou.

Ngkana ko namakina te aki rau ngkai ko kataia n ira Iesu Kristo, ana taeka te Tia Kamaiu nakon te roia n Mataio 22 e kona ni buokiko ni kabebetea ao kabotoa am kakaonimaki bwa na reirei. Aio teuana te kawai ni karaoa aei: Karinani tabeua ana tua te Atua. E kanga bwaai akana iaon am riiti ni irekereke ma tuua ake a korakora ake uoua? E na kanga am taratara iaon tuua ake a korakora ake uoua ni buokiko ni kawakin ake tabeua?

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Mataio 21:12–14.E kanga ana taeka ao ana mwakuri Iesu n Mataio 21:12–14 ni kaotia bwa e kanga ana namakin n taekan te tembora? Ti na kanga ni kaotia bwa e kanga ara namakin n taekan te tembora? Tera are ti na kona n “tewe nakoa” (kibu 12) man maiura ni karaoa mweengara riki n aron te tembora? Iangoia n anenea taekan te tembora, n aron “I Love to See the Temple” (Aia Boki n anene Ataei, 95).

Mataio 21:28–32.Tera te reirei man te kaikonaki iaon te mwaane are iai natina uoman mwaane ni kona ni buoka am utu? Te katooto, ko kona ni kabongana te karaki ni maroroakina kakawakin te ongotaeka ni koaua ao te rairannano. Tao am utu a kona ni korei taeka man kaikonaki ni karaoia bwa te kaotioti ao n ikaruoruo ni karaoi kakaokoron tabeia.

Mataio 22:15–22; Ruka 20:21–26.Ana kona ataei ni kukurei ni karaoi aongkoa taian mwane koin ma “tamnein Iesu ao korobokiana” iaoia. A kona ni koreia n iteran te koin ake tabeua “bwaai ake ana bwai te Atua” (Mataio 22:21) are ti kona n Anganna. Ko kona naba n taetae iaon taekana bwa tera ae nanonaki ni karekean tamnein ao korobokian te Tia Kamaiu iaora (Mataio 22:20; taraa naba Motiaea 5:8; Aramwa 5:14).

Ioane 12:1–8.E kanga Maria ni kaota ana tangra ibukin te Tia Kamaiu? Ti na kanga ni kaota ara tangira Ibukina?

Washing Jesus’s Feet, iroun Brian Call

Ioane 12:42–43.Tera aroarora ake ti kakaririaki iai n tabetai ni kabwarai nanora n taetaekina ke kamanoa ara koaua iroun Iesu Kristo? Ibukin te katooto irouia aomata ake aki irarang n te aroaro n aomata, taraa Taniera 1:3–20; 3; 6; Ioane 7:45–53; 9:1–38; ao Motiaea 17:1–4. Ti na kanga ni kaota karineakiia tabeman ngkana a taekin ke kamanoa aia koaua n aia aaro?

Ibukin iango riki ibukin te angarerei nakoia ataei, taraa te kamataata n te wiiki aei n Nakomai,, Iriirai—Ibukin te Moanrinan.

Te anene ae rineaki: “Rejoice, the Lord Is King!,” Anene n taromauri, nambwa. 66.

Kanakoraoan Ara Anga reirei

Kabonganai korobanna ni katabeia kaain te utu. “Te Te Boki n Tamnei n te Euangkerio ao te Gospel Media Library iaon ChurchofJesusChrist.org kakanoa n tamnei ao witeo aika mwaiti are e na buoka [am utu] kaururingi reirei ke taai aika a riki” (Reirei n Ana Kawai te Tia Kamaiu,, 22).

Rin Ma te Tokanikai, iroun Walter Rane