Te Kauaoki, iroun Harry Anderson

Meei 22–28

Iotebwa Timiti—Mataio 1; Mataio 24–25; Mareko 12–13; Ruka 21

“E Na Roko Natin te Aomata”

Ngkana ko wareka Iotebwa Timiti—Mataio 1; Mataio 24–25; Mareko 12–13; ao Ruka 21, tao ko na bon titiraki, “Tera taian rongorongo ibukiu inanoni mwakoro aikai? ibukiia au utu? ibukin weteau?”

Korei Am Namakin

Ana reirei Iesu a tia ni kunea Ana taetae ni burabeti ae kakubanako: ana tembora Ierutarem ae korakora, te tienta n tataro ao bobotakiia ni kateia Iutaia, e na riki n uruaki rabwatana ae bwanin are “ana [bon] akea n tiku … te atiibu teuana iaon te atiibu teuana.” Ni koauana ana reirei a tangiria n kan atatai riki. “Bwa a na roko ningai baikanne? a titiraki. “Ao tera kanikinaean rokom?” (Iotebwa Timiti—Mataio 1: 2–4). Ana kaeka Te Tia Kamaiu e kaotia bwa te urubwai ae korakora e na roko nakon Ierutarem— e kakoroaki nanon te taetae ni burabeti anne inanon 70 te ririki AD—e karako nakon kanikinaen Rokona n te kabanea ni bong. Bwaai ake ana taraa riki ni matoatoa nakon te tembora i Ierutarem a na kakoauaki iai bwa a na aki tiku ni maan—taai, namakaina, itoi, aaba, ao taari. Riki “mwaakan karawa a na ioioaki” (Iotebwa Timiti—Mataio 1:33). Ngkana ti bon atatai n tamnei, te nanououa aei e kona n reiakiniira ni katukui ara onimaki n te bwai ae teimatoa ni koaua. N aron ana berita Iesu, “Karawa ma aonaaba a na mauna; ma au taeka a na bon aki mauna. … Ao ane e kawakina au taeka e na aki burebureaki” (Iotebwa Timiti—Mataio 1:35, 37).

Iango ibukin te Kamatebwai i bon Iroum ni Koroboki aika Tabu

E mena iaa Iotebwa Timiti—Mataio?

Iotebwa Timiti—Mataio, e mena inanon Bwaeao Ae Bati Boona, bon ana Rairairi Iotebwa Timiti man te kabanea ni kibu n Mataio 23 ao ni kabanea Mataio 24. Karekean ana namakin ae korakora Iotebwa Timiti ni manga rinanon kiibu e kaokii koaua aika kakawaki ake a tia ni bua. Kiibu 12–21 a kaineti nakon urubekean Ierutarem rimoa; kiibu 21–55 inanona taetae ni burabeti iaon taekan kabanea ni boong.

Iotebwa Timiiti—Mataio 1:21–37; Mareko 13:21–37; Ruka 21:25–38

Taetae ni burabeti ibukin taekan Kauaokin te Tia Kamaiu e kona ni buokai ni kaitarai taai aika ana roko ma te onimaki.

E kona n riki bwa te bwai ae kararaoma warekan taekan taai ake ana riki ni waerake nakon Kauaokin Iesu Kristo. Ma ngke e taetae ni burabeti Iesu ibukin taai aika ana riki aikai, E tuangiia Ana reirei “bwa a na aki raraoma” (Iotebwa Timiti—Mataio 1:23). Ko na kanga n “aki raraoma” ngke ko ongo taekan maeiei, buaka, burebureaki, ao taian rongo? Iangoa te titiraki aei ngkana ko wareki kiibu aikai. Mwaaken ke korei reirei aika ko kunei aika a karaunano.

Taraa naba Atuun te Euangkerio, “Kauaokin Iesu Kristo,” topics.ChurchofJesusChrist.org.

Iotebwa Timiti—Mataio 1:26–27, 38–55; Mataio 25:1–13; Ruka 21:29–36

I riai n taainako n tauraoi ibukin Kauaokin te Tia Kamaiu.

Te Atua e tuai kaota “te bong ke te aoa are na roko iai Natin te aomata” (Mataio 25:13). Ma E aki tangira te bong arei bwa e na roko iaora “n akea ataakina” (Ruka 21:34), ngaia are E a tia n anganiira te reirei bwa ti na kanga n tauraoi.

Ngkai ko wareki kiibu aikai, kinai taian kaikonaki ao kabotau tabeua are te Tia Kamaiu e kabonganai n reireiniira bwa ti na tatauraoi n taainako ibukin Kauaokina. Tera ae ko reiakinna man kaikonaki ao kabotau akanne? Tera ae ko kairaki bwa kona karaoia?

Ko riai naba n iangoia bwa e na kanga te Tia Kamaiu n tangiriko ni buoka katauraoan te aonaaba ibukin Kauaokina. Tera am namakin bwa tera ae nanonaki n te tauraoi ngkana e a roko te Tia Kamaiu? Ana rongorongo Unimwaane D. Todd Christofferson “Katauraoi Ibukin Okin te Uea” (Riaona, Meei 2019, 81–84) e kona ni buokiko bwa ko na iangoa raoi aei.

Taraa naba Russell M. Nelson, “Embrace the Future with Faith,” Riaona, Nob. 2020, 73–76.

Mataio 25:14–30

E kantaningaai Tamau are i Karawa bwa n na kabonganai raoi Ana bwaintangira.

N ana kaikonaki te Tia Kamaiu, te “tarena” e kaineti nakon te mwane. Ma te kaikonaki ibukin taian taarena e kona ni kairiira ni iangoia raoi bwa ti na kanga ni kabonganai ara kakabwaia, ao tiaki tii te mwane. Imwiin warekan te kaikonaki aei, ko na kona ni karaoa rinanin tabeua am kakabwaia ao katabeam are e a tia Tamara are i Karawa ni mwiokoiko iai. Tera ae E kantaningaia iroum bwa ko na karaoia ma kakabwaia aikai? Ko na kanga ni kabonganai raoi riki bwaaintangira aikai?

Mataio 25:31–46

Ngkana I beku ibukiia tabeman, I bon beku ibukin te Atua.

Ngkana ko iangoia bwa e kanga te Uea ni motika taekan maium, wareka te kaikonaki ibukiia tiibu ao kooti. Ko na kanga ni iangoia bwa tabeakinaia koraki ake a kainano e na buokiko n “bwaibwai n abanuean” te Atua?

E kanga te kaikonaki aei n titebo ma kaikonaki ake uoua n Mataio 25? Tera rongorongo aika titebo ni kaikonaki ake teniua akekei?

Taraa naba Motiaea 2:17; 5:13.

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Iotebwa Timiti—Mataio.Ni buokiia am utu ni ukora te mwakoro aei, kaoiia bwa ana tarai ana reirei te Tia Kamaiu bwa e na kanga arora ni katauraoi ibukin Kauaokina (taraa, ibukin te katooto, kiibu 22–23, 29–30, 37, 46–48). Tera ae ti kona ni karaoia n ira te reirei aei? A na bon kukurei kain am utu n anenea “When He Comes Again” (Aia Boki n Anene Ataei, 82–83) ao ni koroi tamnei ake a katamneii n aia iango bwa aekakira Kauaokin te Tia Kamaiu.

Iotebwa Timiti—Mataio 1:22, 37.Tera ae nanonaki ni kawakinan raoi ana taeka te Atua? Ti na kanga ni karaoa aei i bon iroura ao n ara utu? E na kanga karaoana ni kona ni buokiira bwa ti naaki mwamwanaaki?

Mataio 25:1–13.Ko kona ni kabongana tamneia kibono ake tengaun ni kaairia ma te kamataata aei ni marooakina Mataio 25:1–13. Tera bwarabwarana are ti nooria n te tamnei are e kabwarabwaraki inanon kiibu aikai?

Ko kona ni korea te beeba ae tein timtimin te oera ao karabai beba akanne inanon mweengam. Ko kona ni kanimwi timtim akanne nakon bwaai n aron boki aika tabu ke tamnein te tembora. Ngkana a kunei timtim akanne kain am utu, ko kona ni maroroakinna bwa a kanga bwaai akanne ni buokiira ni katauraoi ibukin te Kauaoki.

Mareko 12:38–44; Ruka 21:1–4.Tera ae a kona n reiakinaki man kiibu aikai aron te Tia Kamaiu n noori ara anganano? Kaotia nakon am utu bwa e kanga kabwakaan te kabwianibwai ao te anganano n aki mamatam nakon te Uea. E na kanga anganano aikai ni buoka katean abanuean te Atua? Tera tabeua kawai are ti na kona n anga “ni kabane are [iai iroura]” nakon te Uea? (Mareko 12:44).

Widow’s Mite, iroun Sandra Rast

Ibukin iango riki tabeua ibukin te angareirei ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te anene ae rineaki: “When He Comes Again,” Aia Boki n Anene Ataei, 82–83.

Kanakoraoan Am Kamatebwai I Bon Iroum

Katauraoa am otabwanin. “E kona ara otabwanin n roota ara konabwai ae korakora n reiakina ao n namakina te koaua” (Angareirei n Ana Kawai te Uea, 15). Kataia kakaea te tabo ae ko na reiakin iai koroboki aika tabu ae e na karekea ana ibuobuoki te Tamnei ae Raoiroi. Katangitang ao korotamnei aika a kaunga te nano a kona naba ni kaoa te Tamnei.

Niiman Mai Ibuakoia A Wanawana, iroun Walter Rane