“Meei 15–21. Mataio 21–23; Mareko 11; Ruka 19–20; Ioane 12: ‘Noria, E Roko Am Uea,’” Nakomai, Iriirai—Ibukin te Moanrinan: Nu Tetemanti 2023 (2022)
“Meei 15–21. Mataio 21–23; Mareko 11; Ruka 19–20; Ioane 12,” Nakomai, Iriirai—Ibukin te Moanrinan: 2023
Takaio n te Tikumorea, iroun James Tissot
Meei 15–21
Mataio 21–23; Mareko 11; Ruka 19–20; Ioane 12
“Noria, E Roko Am Uea”
Ngkae ko wareka Mataio 21–23; Mareko 11; Ruka 19–20; ao Ioane 12, kakauongo nakon wirikiriki mairoun te Tamnei ae Raoiroi. Taraa “Tobwaan Kainnanoia Ataei aika Uarereke” ni moan te boki aei n tarai baika a kakaawaki inanon reiakinan reirei aikai.
Kaunga te Tibwatibwa
Kaota teuana te tamnei man te kanoa n reirei n te wiiki aei n Nakomai, Iriirai—Ibukiia Aomata n Tatabemaniia ao Utu, ao kaoiia ataei bwa a tibwai baika a atai ni kabwarabwara te tamnei.
Reirei te Reirei: Ataei aika a Uarereke Riki
E kinaai man ataa arau Tamara are i Karawa ma Iesu.
Ngkae ko wareka rongorongon aia maroro te Tia Kamaiu ma Takaio, tera rongorongo aika kona ni buokiia am ataei?
Waaki ni Kakukurei aika a Kona ni Karaoaki
-
Kaota tamnein Takaio n te Tikumorea (n te boki aei ke n ChurchofJesusChrist.org). Buokiia ataei ni kakaea Takaio ao n atonga arana. Karaoi mwakuri ake a kona ni karaoi ataei ngkae ko wareka rongorongon Takaio ma Iesu—n aron ae kangai, a tei iaon tabo waeia n noora te bwai ae riki ke n katamwaa te aroka. Kabwarabwaraa bwa Iesu e noora Takaio ao e weteia. Kaota am koaua bwa e kinaira te Tia Kamaiu ao ataei naba ma araia.
-
Uota nnen te tamnei nakon te reirei, ke karaoa teuana man te beeba. Kaoa te ataei bwa a na ikaruoruo n taua nnen te tamnei n tabekia ao kaainte kiraati a taekina ae kangai, “Tamau are i Karawa e kinaa [aran te ataei].”
-
Bootaki anenea te kuna ae taekan ana tangira Tamara are i Karawa, n aron “Ngai Natin te Atua” (Aia Boki n Anene Ataei, 2–3). Buokiia ataei bwa a na ongoraei bwaai ake e na buokiia n ataa ana tangira Tamara are i Karawa ibukiia.
Te tembora bon te tabo ae tabu.
Ana karinerine Iesu ibukin te tembora, e kabwarabwaraaki ni kiibu aikai, e kona ni buokiia ataei n mataata bwa te tembora bon te tabo ae tabu.
Waaki ni Kakukurei aika a Kona ni Karaoaki
-
Kaota tamnein E kaitiaka te Tembora Iesu (Te Boki n Tamnei n te Euangkerio, nambwa. 51), ao karakina rongorongona n Mataio 21:12–14. Tuangiia ataei bwa a na kakaea te mwane ao taian man n te tamnei. Ao marooro ma ataei bwa bukin tera E tangiria Iesu taan Rairimwane ao taan mwakete bwa a na kitana te tembora.
-
Kaota tamnein taian tembora (katooto ibukin aei, tara Te Boki n Tamnei n te Euangkerio,, nambwa. 117–19), ao tuangiia ataei bwa a na tibwaua aia namakin n nooran te tembora. Ko kona ni kabwarabwara bwa te tembora bon te tabo ae tabu are ti nako iai ni karaoi ara berita ma te Atua, ni karekei kaekaan ara tataro, ao ni kaaniia te Atua. Buokiia ataei ni kinai namakin ake a roko mairoun te Tamnei ae Raoiroi n tuangiia bwa te tembora bon te tabo ae onoti. Tuangiia ataei bwa a na karaoi aroaro ake a kakaraoaki inanon te tembora. N aron ae kangai, a kona n wiririki ao n tekateka ma te rau.
-
Bootaki anenea te kuna ae kabwaraa te tembora, n aron “I Love to See the Temple” (Aia Boki n Anene Ataei, 95), ao kaoiia ataei bwa a na katea aia kouru bwa a na rinnako iai teuana te tai.
Te tembora bon Ana auti te Uea.
I kona n ongeaba.
E tangirai Tamau are i Karawa bwa N na ongeaba. Te taetae ni kaikonaki ae uoman naati mwaane bon te karaki ae reireiniia kakawakin te ongeaba.
Waaki ni Kakukurei aika a Kona ni Karaoaki
-
Korea tamneia naati mwaane aika uoman iaon te burakibooti, ao kabongana te tamnei aei ni karakina te taetae ni kaikonaki are korekai ni Mataio 21:28–32. Antai te nati ae e karaoa ae tamaroa n tokin te tai? Tuangiia ataei bwa a na atong bwaai aika a kona ni karaoi ni mweengaia n ongeaba. Tuangiia bwa a na korei oin tamneia ni karaoi teuana mai buakon bwaai aikai.
-
Kaoiia ataei bwa a na tibwai rongorongoia ike a ongeaba iai nakoia aia karo. Tera aia kakabwaia ngke a ongeaba?
Reirei te Reirei: Ataei aika a Ikawai Riki
Ngkai I ukora te Tia Kamaiu, I kona ni kunea.
Ko kona ni kabonganaa rongorongon Takaio ni buokiia ataei n iangoi bwaai aika kona ni karaoi ni kaaniia te Tia Kamaiu.
Waaki ni Kakukurei aika a Kona ni Karaoaki
-
Wareka Ruka 19:1–10, tao tooki imarenantai n taian kibu ni kabwaranakoi rongorongon Takaio ni kiibu aikai. Tera ae e karaoia Takaio bwa e aonga n noora Iesu? Tera ae e karaoia ngke e weteaki iroun Iesu ma e na ruo man te aroka? Tuangiia ataei bwa a na tibwaa teuana bukina ngkai a kan noora Iesu. Ngkana e roko te Tia Kamaiu nakon ara kaawa, tera ae ti na karaoia ni katauraoi?
-
Buokiia ataei ni iangoi aomata n aron, Takaio, ake a ukoukora naba te Tia Kamaiu. Tuangiia ataei aroia ni buoka temanna te aomata are e ukora te Tia Kamaiu.
-
Kaoiia ataei bwa a tibwai rongorongoia ike a namakinna bwa Tamara are i Karawa ma Iesu Kristo a kinaira man tangiriira.
Te tembora bon te tabo ae tabu ae I riai ni karinea.
E na kanga karakinan katiakakin te tembora iroun Tia Kamaiu ni buokiko n reiakiniia ataei tabun taian tembora?
Waaki ni Kakukurei aika a Kona ni Karaoaki
-
Kaoiia ataei bwa a na wareka Mataio 21:12–14. Kabonganaa te tamnei ae Iesu e kaitiaka te tembora (Boki n Tamnei n te Euangkerio, nambwa. 51), ao titirakiniia bwa tera te kibu ae kabwarabwara te tamnei.
-
Kaoiia ataei bwa a na tibwaa aia namakin ngke a rin inanon te tembora, ngke a roko n ana tabo te tembora, ke ngkana a noori tamnein taian tembora. Tera ae buokiia n ataia bwa te tembora bon te tabo ae tabu? Ko kona n tibwaia ma ataei bwa bukin tera ko tatangira te tembora. Bukin tera e tabu iroum?
-
Kaoa temanna te kairake nakon te reirei bwa e na maroro iaon ana katauraoi imwain ae rin n te tembora. Ngkana e a tia n rin n te tembora, tuangiia bwa a na maroro iaon aia namakin ngke a rin inanona.
-
Korea tamnein te tembora ao kamaenakoa, ao anganiia ataei mwakorokorona. Tuangiia ataei bwa a na korea ibukin te tamnei teuana te bwai ae a kona ni karaoia ni katauraoi nakon te tembora. Ngkae e tibwatibwa temanna te ataei, karina ana mwakoro nakon rabwatan te tembora.
-
Iaon te burakibooti, korea ae kangai: kona ni buokai n beku n te tembora. Kaoiia ataei bwa a na kakaei kawai ni kabwanina te kibuntaeka aei. Tabeua iango n aron “Kawakinan au berita n te bwabetito” ke “Te Tamnei ae Raoiroi.”
E tangirai Iesu bwa N na karaoiroa au mwakuri ma nanou.
E reirei Iesu nakoia taan koroboki ma Tarukaio kakaawakin maiukinan raoi te euangkerio—tiaki te kabwarabae ni karaoa ae tamaroa. Tera ae konaa ni buokiia ataei aikai n reiakina te koaua aei?
Waaki ni Kakukurei aika a Kona ni Karaoaki
-
Ngkae ko wareka Mataio 23:25–28 ma ataei, iangoa tibwaakin nanon te taeka ae Bwaritaio man te Bible Dictionary: “Te aomata ae baka n taua te aro ma e bon aki.” Bukin tera e aki raoiroi te riki ni bwaritaio?
-
Kaota te mwangko nakoia ataei are itiaki tinanikuna ma e bareka nanona ni kabwarabwara te taeka ni kabotau ae koreaki ni Mataio 23:25. Tera ae ti na karaoia n taraia raoi bwa e itiaki nanora?
Kaungaa te Kamatebwai n te Mweenga
Buokiia ataei n iangoa te bwai ae a reiakinna n te kiraati are a kona n tibwaia nakoia aia utu ni mweengaia.
Kanakoraoan Ara Anga reirei
Boutokaia aia karo ataei. “A bon rangi ni kakawaki kaaro bwa taan reireia te euangkerio nakoia natiia—iai irouia te mwiokoaki ao te korakora ni kairoroia natiia (taraa Te Tua Kaua 6:6-7). Ngkae ko reireiniia ataei n te taromauri, tataromwaaka n ukori kawai ni boutokaia kaaro n tabeia ae kakaawaki (Reirei n ana Kawai te Tia Kamaiu, 25).