Zakkiōs in the Sycamore Wōjke, jān James Tissot

Māe 15–21

Matu 21–23; Mark 11; Luk 19–20; Jon 12

“Lo, Am̧ Kiin̄ ej Itok”

Mokta jān riiti ļōmņak ko ilo laajrak in katak in, riiti Matu 21–23; Mark 11; Luk 19–20; im Jon 12. Je im̧we ko kwoj en̄jaki me kwomaron̄ jeere ippān baam̧le eo am̧ ak ilo kūlaaj ko an Kabun̄ in.

Je En̄jake ko Rej Im̧we Eok

Rilo̧mo̧o̧r ekar kwo̧le ālkin an kar em̧akūt jān Bethany n̄an Jerusalem, im juon fig wōjke jān ettoļo̧k āinwōt juon m̧ōn̄ā n̄an mour. Ak ke Jisōs ej epaakeļo̧k wōjke eo, Ekar lo bwe ekar ejjeļo̧k leen (lale Matu 21:17–20; Mark 11:12–14, 20). Ilo juon wāween. fig wōjke eo ej āinwōt ritōl ro reriab an kabun̄ ilo Jerusalem: katak ko aer ejjeļo̧k meļeļein im baaktokier kōn kwojarjar ejjab kōmat kōj ilo mour in jetōb. Parisi ro im Skraib ro rekar waļo̧k n̄an kōjparok elōn̄ kien ko jekdo̧o̧n rekar likjab kōn kien ko reļļap: n̄an iakwe Anij im n̄an iakwe ro rūtūrūr āinwōt kōj make (lale Matu 22:34–40; 23:23).

N̄an keidi, elōn̄ armej ro rekar jino kile leen ko rem̧m̧an ilo katak ko an Jisōs. Ke Ekar itaaktok ilo Jerusalem, rekar karuwaineneik E kōn ra ko kar jōki jān wōjke ko n̄an pinej iaļ eo An, lan̄lōn̄ bwe ilo juon iien eaitok kitien, āinwōt an kar kanaan eo etto ba, “Am̧ Kiin̄ ej Itok” (Zekaraia 9:9). Ilo am̧ riiti wiik in, ļōmņak kōn leen katak ko an Rilo̧mo̧o̧r im katok in pinmuur eo ilo mour eo am̧ im wāween am̧ maron̄ bōktok “jebar elōn̄ leen” (Jon 12:24).

Ļōmņak ko n̄an Ekkatak Jeje Ko Rekwojarjar Ippam̧ Make

Luk 19:1–10

Irooj ej ejjab ekajet kōj kōn baaktokid ak kōn ikdelele eo an bōro.

Ilo raan ko an Jisōs, elōn̄ armej rej kajidede bwe ripublican , ak riae owōj, rekar jab m̧ool im kwo̧o̧t jān armej. Kōn Zakkiōs, ripublic eo eutiej, ekar m̧weie, emaron̄ kar ļapļo̧k an kam̧ool. Ak Jisōs ekar lale būruōn Zakkiōs. Ta eo Luk 19:1–10 ej kwaļo̧k kōn būruōn Zakkiōs? Kwomaron̄ je naan ko ilo eoon kein me ej kōmeļeļeik ta eo Zakkiōs ekar kōm̧m̧ane n̄an kwaļo̧k an Zakkiōs kar wūjlepļo̧k n̄an Rilo̧mo̧o̧r. Ta ikdeelel ko an būruōm̧? Ta eo kwoj kōm̧m̧ane n̄an kappukot Rilo̧mo̧o̧r, āinwōt kar Zakkiōs.

Bar lale Katak im Bujen Ko 137:9.

Matu 23; Luk 20:45–47

Jisōs ej katoļo̧k katak ko reriab.

Jem̧jerā eo an Rilo̧mo̧o̧r ippān jekjek ko an skraib im parisi ro ej juon juon contact eo ekabwilōn̄lōn̄ n̄an iiaio ippān Zakkiōs. Āinwōt an būreetjtōn Dieter F. Uchtdorf ekar kōmeļeļeiki, “[Jisōs] ej jutak ilo jim̧we im illu ņae rijeļā moņ ro āinwōt skraib ro, Parisi ro, im Saddusi ro—ro rekar kajjieon̄ kwaļo̧k aer jim̧we n̄an bōk nōbar, kajoor, im m̧weie an laļ, ejja iien in wōt, rej kiene armej ro rej aikuj in kōjeraam̧m̧an er” (“On Being Genuine,” Liaona, Māe 2015, 81).

Ilo Matu 23, Rilo̧mo̧o̧r ekar kōjerbal jejjo waanjon̄ak n̄an kōmeļeļe riab im m̧on kein. Ļōmņak in kōkaļļeiki ak laajrak eo kōn waanjon̄ak ko im keememej ta eo rej katakin kōn riab ak m̧on. Ta oktak eo ikōtaan m̧on riab im m̧ōjņo ko an armej me jej aolep jelm̧aiki ilo ad kajjieon̄ mour kōn gospel eo? Ta eo kwaar im̧we eok n̄an kōm̧m̧ani roktak ļo̧k kōn wōt katak ko Rilo̧mo̧o̧r?

Bar lale Bible Dictionary, “Hypocrite.”

Matu 21:1–11; Mark 11:1–11; Luk 19:29–44; Jon 12:1–8, 12–16

Jisōs Kraist ej aō Kiin̄.

Ke Jisōs ekar tōpar Jerusalem jejjo raan m̧okta Ekar kadedeikļo̧k pinmuur eo An, ro rekar kile E āinwōt aer Kiin̄ rekar kwaļo̧k aer wūjlepļo̧k ilo aer kapit E, likūt nuknuk ko im palm ra ko ilo iaļ eo An n̄an Jerusalem, im lam̧ōj im nōbar. Ļōmņak kōn kein jipan̄ kein rej elaajrak emaron̄ kam̧wūlaļļo̧k meļeļe eo am̧ kōn m̧akūtkūt kein, eo me ekar jion wiik eo āliktata ilo mour eo an Kraist.

• Juon waanjon̄ak in etto kōn kapit juon kiin̄: 2 Kiin̄ Ro 9:1–6, 13

• Juon kanaan in etto kōn deļon̄ļo̧k eo an n̄an Jerusalm: Zechariah 9:9

• Meļeļein naan eo hosanna: “Hosanna” ilo Unin Tōl eo an Jeje Ko Rekwojarjar (scriptures.ChurchofJesusChrist.org)

• Kanaan ko kōn wāween an Rilo̧mo̧o̧r naaj bar itok: Revelesōn 7:9–12

Ewi wāween am̧ kautiej im bōk Rilo̧mo̧o̧r āinwōt am̧ Irooj im Kiin̄?

Bar laleGerrit W. Gong, “Hosanna im Hallelujah— Jisōs Kraist eo Emour: Būruwōn Jepļaaktok eo im Ijtō,” Liaona, Māe 2020, 52–55; “The Lord’s Triumphal Entry into Jerusalem” (video), ChurchofJesusChrist.org.

Matu 22:34–40

Kien ko raorōktata rej iakwe Anij im iakwe ro jet āinwōt am̧ iakwe eok make.

Eļan̄n̄e kwoj en̄jake juon en̄jake eļap ilo am̧ kajjieon̄ ļoor Jisōs Kraist, naan ko an Rilo̧mo̧o̧r n̄an ļoār eo ilo Matu 22 emaron̄ jipan̄ eok kapidodoikļo̧k im mije am̧ mour in rikaļoor. En̄in ej juon wāween n̄an kōm̧m̧ane menin: Kōm̧m̧an juon laajrak in jejjo kien ko an Irooj. Ewi wāween an kajjojo aitōm̧ ko ilo laajrak in koneek n̄an kien kein ruo reļļap? Ewi wāween ilo ad mije kien kein ruo reļļap jipan̄ eok kōjparok kien ko jet?

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Matu 21:12–14.Ewi wāween an naan ko an Jisōs im kōm̧m̧an ko ilo Matu 21:12–14 ej kwaļo̧k wāween An kar en̄jake kōn tampeļ? Ewi wāween ad kwaļo̧k ad en̄jake kōn tampeļ? Ta eo jemaron̄ “kadiwōjļo̧k” (eoon 12) ilo mour ko ad n̄an kōm̧m̧an bwe m̧ōko m̧ōd ren ļapļo̧k aer āinwōt tampeļ? Ļōmņak in al juon al kōn tampeļ, āinwōt “I Love to See the Temple” (Children’s Songbook, 95).

Matu 21:28–32.Ta katak ko jān barabōļ kōn em̧m̧aan eo ippān ļaddik ro ruo nejin maron̄ jipan̄ baam̧le eo am̧? N̄an waanjon̄ak, kwomaron̄ kōjerbal bwebwenato ko n̄an kōmeļeļeik aorōkin m̧ool in pokake im ukweļo̧k. Bolen baam̧le eo am̧ remaron̄ je juon naan in tieta kōn barabōļ im kajjojo kōm̧m̧an arin eddo ko rokkotaktak.

Matu 22:15–22; Luk 20:21–26.Ajri ro remaron̄ limo ilo aer kōtōnn̄e kōm̧m̧an riab in jāān jiddik im likūt “men in kajjion̄ im jeje in [Jisōs]” ioer. Remaron̄ je ilo tulik in jekjek in jāān jidikdik ko jet iaan “men ko an Anij” (Matu 22:21) me jemaron̄ leļo̧k n̄an E. Kwomaron̄ bar kōnono kōn ta meļeļein n̄an bōk “men in kajjion̄ im jeje in [Jisōs]” ilo kōj (Matu 22:20; bar lale Mosaia 5:8; Alma 5:14).

Jon 12:1–8.Ewi wāween an kar Meri kwaļo̧k iakwe eo an n̄an Rilo̧mo̧o̧r? Ewi wāween ad kwaļo̧k iakwe eo ad n̄an E?

Kwaļ Neen Jisōs, jān Brian Call

Jon 12:42–43.Ta ko rej waļo̧k itok jān iaiio ko jet iien rej kabweer kōj jān kwaļo̧k ak dāpij tōmak eo ad ilo Kraist? N̄an waanjon̄ak kōn armej ro me rekar jab maron̄ jelm̧ae aeer ko itok jān iiaio ko, lale Daniel 1:3–20; 3; 6; Jon 7:45–53; 9:1–38; im Mosaia 17:1–4. Ewi wāween ad kwaļo̧k ad kautiej n̄an ro jet ilo er kwaļo̧k ak dāpij tōmak ko aer ilo kabun̄?

N̄an meļeļe ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Rejoice, the Lord Is King!,” Hymns, no. 66.

Kōkm̧anm̧anļo̧k Ad Katakin

Kōjerbal pija ko bwe ro uwaan baam̧le eo ren bōk koņaer. “Bok Gospel Art Book im Gospel Media Library on ChurchofJesusChrist.org epād ie pija in alooj ko me remaron̄ jipan̄ [baam̧le eo am̧] pijaikļo̧k katak ak makūtkūt ko” (Teaching in the Savior’s Way, 22).

Deļo̧n̄ļo̧k kōn Anjo̧, jān Walter Rane