Itok eo Kein Karuo, jān Harry Anderson

Māe 22–28.

Josep Smith—Matu 1; Matu 24–25; Mark 12–13; Luk 21

“Nejin Armej Enaaj Itok”

Ilo am̧ riiti Josep Smith—Matu 1; Matu 24–25; Mark 12–13; im Luk 21, kwomaron̄ kajjitōk, “Ta ennaan eo me epād ilo jebta kein n̄an eok? n̄an baam̧le eo am̧? n̄an kūr eo am̧”

Je En̄jake ko Rej Im̧we Eok

Rikaļoor ro an Jisōs rekar bolen lukkuun bwilōn̄ kōn kannaan ko An: tampeļ eo eļap ilo Jerusalem, jikin jetōb im manit an ri Ju ro, enaaj lukkuun kakkure jon̄an “ejjeļo̧k juon ejm̧aan [enaaj] … pād ioon doon.” Ilo m̧ool, rikaļoor ro rekar kōņaan jeļā eļapļo̧k. “N̄āāt men kein re naaj waļo̧k?” rekar kajjitōk. “Im ta kakōļļan Am̧ naaj itok?” (Josep Smith—Matu 1:2–4). Uwaak eo an Rilo̧mo̧o̧r ekar waļo̧k bwe m̧ōttan jidik naaj kakkure Jerusalem—juon kanaan ekar kūrm̧ool ilo AD 70—enaaj jidik wōt keidi n̄an kōkaļļe eo an itok eo An ilo raan ko āliktata. Men ko me rekar pen wōt jān tampeļ eo ilo Jerusalem enaaj kam̧ool bwe rej an jidik wōt iien—al, allōn̄, iju ko, laļ ko im lojet. Em̧ool “kajoor ko an lan̄ renaaj wūdiddid” (Josep Smith—Matu 1:33). Eļan̄n̄e jejeļā kake ilo mour in jetōb, an̄jiwiwi ak tarpok in emaron̄ katakin kōj n̄an likūt ad lōke ilo juon men eo em̧ool im eban oktak. Ilo an Jisōs kar kallim̧ur, “Lan̄ im laļ renaaj jako; a naan ko Aō rej jamin jako. … Im jabdewōt eo ej kaorōk naan ko Aō, naaj jamin m̧oņe” (Joseph Smit—Matu 1:35, 37).

Ļōmņak ko n̄an Ekkatak Jeje Ko Rekwojarjar Ippam̧ Make

Ta in Josep Smith—Matu?

Josep Smith—Matu, ej pād ilo Bōōr eo Eļap Wōnāān, ej Ukok eo an Josep Smith ilo eoon eo āliktata ilo Matu 23 im aolepen Matu 24. Bar etale im kajim̧we eo eim̧we an Josep Smith ej kōjepļaaktok m̧ool ko me rekar jako. Eoon ko 12–21 rej kōnono kōn kakkure eo an Jerusalem eo etto; eoon ko 21–55 epād ie kanaan ko kōn raan ko āliktata.

Josep Smith—Matu 1:21–37; Mark 13:21–37; Luk 21:25–38

Kanaan ko kōn Itok eo Kein Karuo an Rilo̧mo̧o̧r emaron̄ jipan̄ eō jelm̧ae ilju im jekļaj eo kōn tōmak.

Emaron̄ bar pok n̄an riiti kōn m̧akūtkūt ko me rej tōl kōj n̄an Itok eo Kein Karuo an Jisōs Kraist. Ak ke Jisōs ekar kanaan kōn m̧akūtkūt kein, He told His disciples to “kom̧win jab lōļn̄o̧n̄” (Josep Smith—Matu 1:23). Ewi wāween am̧ “kom̧win jab lōļn̄o̧n̄” ilo am̧ ron̄ kōn m̧akūtkūt in laļ, tariņae ko, m̧oņ ko, im n̄ūta ko? Ļōmņak kōn kajjitōk in ilo am̧ riiti eoon kein. Kōkaļļeiki ak je jabdewōt kapilōk ko rej kam̧ool menin me kwoj loe.

Bar lale Gospel Topics, “Second Coming of Jesus Christ,” topics.ChurchofJesusChrist.org.

Josep Smith—Matu 1:26–27, 38–55; Matu 25:1–13; Luk 21:29–36

Ij aikuj pojak aolep iien n̄an Itok eo Kein Karuo an Rilo̧mo̧o̧r.

Anij ekar kwaļo̧k “raan eo ak awa eo kom̧ jaje n̄āāt eo Nejin armej ej itok” (Matu 25:13). Ak E ejjab kōņaan bwe raan eo en itok ilo ad “jen” (Luk 21:34), kōn menin E ekar letok n̄an kapilōk kōn wāween n̄an kōppopo.

Ilo am̧ riiti eoon kein, pukōt barabōļ ko im men ko jet jej keidi kōn Rilo̧mo̧o̧r me kar kōjerbale n̄an katakin kōj n̄an pojak aolep iien n̄an Itok eo An Kein Karuo. Ta eo kwoj ekkatak jāni? Ta ko me kar im̧we eok n̄an kōm̧m̧ani?

Kwomaron̄ barāinwōt ļōmņak kōn wāween an Rilo̧mo̧o̧r kōņaan bwe kwon jipan̄ kōpooj laļ in n̄an Itok eo An Kein Karuo. Ta eo kwoj en̄jake ej meļeļein n̄an pojak n̄an bōk Rilo̧mo̧o̧r ke Ej itok? Ennaan eo an Elder D. Todd Christofferson “Kōppopo n̄an Ro̧o̧ltok eo an Irooj” (Liaona, Māe 2019, 81–84) emaron̄ jipan̄ eok kejokļo̧kjeņ kōn menin.

Bar lale Russell M. Nelson, “Jelm̧ae Ilju im Jekļaj eo kōn Tōmak,” Liaona, Nob. 2020, 73–76.

Matu 25:14–30

Jemedwōj Ilan̄ ej kōtmene eō n̄an kōjerbal men letok eo An ilo jim̧we.

Ilo barabōļ eo an Rilo̧mo̧o̧r, juon “taļōn” ej kōnono kōn jāān. Ak būrabōļ eo kōn taļōn̄s ko emaron̄ im̧we kōj n̄an kejokļo̧kjeņ kōn wāween ad kōjerbl jabdewōt jeram̧m̧an ko ad, ejjab jāān. Ālkin ad riiti barabōļ in, kwomaron̄ kōm̧m̧ane juon laajrak in jet iaan kōjeraam̧m̧an ko im eddo ko me Jemedwōj Ilan̄ ej lewaj bwe kwon kōm̧m̧ane. Ta eo E ej kōtmene eo n̄an kōm̧m̧ane kōn kōjeram̧m̧an kein? Ewi wāween am̧ kōjerbal menin letok kein ilo jim̧we?

Matu 25:31–46

N̄e ij jerbal n̄an ro jet, n̄a ij jerbal n̄an Anij.

Eļan̄n̄e kwoj bwilōn̄ kōn wāween an Irooj naaj ekajete mour eo am̧, riiti barabōļ eo kōn sip im goat ko. Etke kwoj ļōmņak kea kōn ro rej pād ilo aikuj enaaj jipan̄ kōpooj eok n̄an “jolōt aelōn̄” an Anij?

Ewi wāween an būrabōļ in me āinwōt ļo̧k ko ruo ilo Matu 25? Ta ennaan eo me kein jilu rej juon wōt kake?

Bar lale Mosaia 2:17; 5:13.

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

Josep Smith—Matu.N̄an jipan̄ baam̧le eo am̧ lale jebta in, karuwaineneik er n̄an kappukot katak ko an Rilo̧mo̧o̧r kōn wāween ad kōpooj Itok eo An Kein Karuo (lale, n̄an waanjon̄ak, eoon ko 22–23, 29–30, 37, 46–48). Ta eo jemaron̄ kōm̧m̧ane n̄an ļoor kapilōk in? Baam̧le eo am̧ emaron̄ m̧ōņōņō in al “When He Comes Again” (Children’s Songbook, 82–83) im jin̄n̄aik pija in ta eo ej āinwōt ilo Itok eo Kein Karuo an Rilo̧mo̧o̧r

Josep Smith—Matu 1:22, 37.Ta meļeļein n̄an kaorōk naan ko an Anij? Ewi wāween ad kōm̧m̧ane menin ippād make ak āinwōt juon baam̧le? Ewi wāween ilo ad naaj kōm̧m̧ane menin lukkuun jipan̄ kōj n̄an kōjekdo̧o̧n aer m̧on e kōj?

Matu 25:1–13.Kwomaron̄ kōjerbal pija in virigin ro jon̄oul me ej iookļo̧k laajrak in n̄an kōnono kake Matu 25:1–13. Ta dipdikin meļeļe ko jej loe ilo pija ko me kar kōmeļeļeiki ilo eoon kein?

Kwomaron̄ m̧wijit peba ko ilo jekjek in juon pilil in oil im ņoje pilil eo ilo peļaakin m̧weo m̧ōm̧. Kwomaron̄ kōļaake pilil ko n̄an men ko āinwōt jeje ko rekwojarjar ak juon pijaan tampeļ. N̄e ro uwaan baam̧le eo rej lo pilil ko, kwomaron̄ kōmeļeļe kōn wāween an men ko jipan̄ kōj kōpooj Itok eo Kein Karuo.

Mark 12:38–44; Luk 21:1–4.Ta eo eoon kein rej katakin kōn wāween ļōmņak eo an Rilo̧mo̧o̧r kōn joortak ko ad? Kwaļo̧k n̄an baam̧le eo am̧ wāween kōļļā juon m̧ōttan jon̄oul im joortak in jitlo̧k ko n̄an Irooj. Ewi wāween an joortak kein jipan̄ kalōk aelōn̄ in kiin̄ an Anij? Ta jet iaan wāween ko me jemaron̄ leļo̧k “aolep men ko me [ewōr ippād have]” n̄an Irooj? (Mark 12:44).

Widow’s Mite, jān Sandra Rast

N̄an ļōmņak reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “When He Comes Again,” Children’s Songbook, 82–83.

Kōkm̧anm̧anļo̧k Am̧ Ekkatak Ippam̧ Make

Kōpooj peļaak ko peļaakim. “Peļaak ko ad maron̄ kanooj jelet maron̄ eo ad n̄an ekkatak im en̄jake m̧ool eo” (Teaching in the Savior’s Way, 15). Kajjieon̄ n̄an pukōt juon jikin ekkatak jeje ko rekwojarjar me enaaj karuwaineneik im̧we eo an Jetōb Kwojarjar. Al ko rōkōbōkakkak im pija ko remaron̄ barāinwōt karuwaineneik Jetōb eo.

Laļem Iaer rej Rimālōtlōt ro, jān Walter Rane