Zacchaeus in the Sycamore Tree, jān James Tissot

Māe 15–21

Matu 21–23; Mark 11; Luk 19–20; Jon 12

“Lo, Ami Kiin̄ ej Itok”

Ilo am̧ riit Matu 21–23; Mark 11; Luk 19–20; im Jon 12, lukkuun lale en̄jake eo kwoj bōke jān Jetōb Kwojarjar. Lale “Tōpar Aikuj ko an Ajri ro Reddikļo̧k” ilo jinoin bok in kataki in n̄an men ko n̄an ļōmņak kaki ilo am̧ kwaļo̧k pedped kein.

Kajjitōk bwe ren Kwaļo̧k

Kwaļo̧k pija eo ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko, im kajjitōk ippān ajri ro n̄an kwaļo̧k ta eo rejeļā ej waļo̧k ilo pija eo.

Katakin Katak eo: Ajri ro Reddikļo̧k

Luk 19:1–10

Jemedwōj Ilan̄ im Jisōs rejeļā eta.

Ilo am̧ riit kōn bwebwenato eo an Rilo̧mo̧o̧r ippān Zakkiōs, ta naan ko kwoj loi me komaron̄ kōjeraam̧m̧an ajri ro kwoj katakin?

M̧akūtkūt ko Maron̄ Kōm̧m̧ani

• Kwaļo̧k juon pijain Zacchaeus in the Sycamore Tree (ilo laajrak eo ak ilo ChurchofJesusChrist.org). Jipan̄ ajri ro pukōt Zakkiōs im ba etan. Kōm̧m̧ani ikkure ko bwe ajri ro ren kōm̧m̧ani ilo am̧ kwaļo̧k bwebwenatoin Zakkiōs im Jisōs—n̄an waanjon̄ak, jutak neer im lale jarlepju eo im arin wōt n̄e rej tallōn̄e wōjke eo. Kōmeļeļeiki bwe Rilo̧mo̧o̧r ekar lo Zakkiōs im kar kūr e kōn etan. Kam̧ool bwe Rilo̧mo̧o̧r ebar jeļā kajjojo etan ajri im etaer.

• Bōktok juon nien pija ejjeļo̧k kobban n̄an kūlaaj, ak kōm̧m̧ane ilo juon peba. Kajjitōk ippān kajjojo ajri n̄an bōk kuņaer n̄an kotak nien pija eo iturin mejen ilo an kūlaaj eo ba, “Jemedwōj Ilan̄ im Jisōs Kraist rejeļā kajjien [etan ajri eo].”

• Al juon al kōn iakwe eo an Jemedwōj Ilan̄, āinwōt “N̄a Nejin Anij” (Al ko Al in Ajri, 44). Jipan̄ ajri ro ron̄jake men ko me ejipan̄ er jeļā bwe Jemedwōn̄ Ilan̄ ej iakwe er.

Matu 21:12–14

Tampeļ eo ej juon jikin ekkwojarjar.

Jisōs ekar kautiej ej kautiej tamepļ eo, āinwōt an kar kōmeļeļeiki ilo eoon kein, emaron̄ jipan̄ ajri ro kwoj katakin n̄an meļeļe bwe tampeļ ej juon jikin ekwojarjar.

M̧akūtkūt ko Maron̄ Kōm̧m̧ani

• Kwaļo̧k pija eo Jesus Cleansing the Temple (Gospel Art Book, no. 51), im kwaļo̧k bwebwenato eo ilo Matu 21:12–14. Jipan̄ ajri ro pukōt jāān ko im menin mour ko ilo pija eo. Innām kōnono etke Rilo̧mo̧o̧r ekar kōņaan rijānij jāān ro im armej ro rej wiakake mennin mour ko ren etale jān tampeļ eo.

• Kwaļo̧k pija in tampeļ ko (n̄an waanjon̄ak, lale Gospel Art Book, nos. 117–19), im kajjitōk ippān ajri ro n̄an kwaļo̧k elmen aer en̄jake n̄e rej lo juon tampeļ. Kwomaron̄ ba ke tampeļ eo ej juon jikin ijo jemaron̄ etal im kōm̧m̧ani kallim̧ur ko ippān Anij, pukōt uwaak ko ilo jar, im en̄jake epaakļo̧k n̄an Anij. Jipan̄ ajri ro kwaļo̧k en̄jake ko jān Jetōb Kwojarjar kwaļo̧k n̄an er bwe tampeļ ej juon jikin ejenoļo̧k. Kajjitōk ippān ajri ro n̄an katen wōt n̄e ren kar pād ilowaan tampeļ eo. N̄an waanjon̄ak, remaron̄ unoojdikdik im jijet wōt.

• Al ippān doon kōn tampeļ, āinwōt “I Love to See the Temple” (Children’s Songbook, 95), im kajjitōk ippān ajri ro n̄an kōm̧m̧ane juon kōttōpar n̄an deļo̧n̄e tampeļ juon raan.

Tampeļ eo ej m̧weo im̧ōn Irooj.

Matu 21:28–32

Imaron̄ pokake.

Jemedwōj Ilan̄ ekōņaan bwe jān pokake. Būrabōļ kōn ļaddik ro ruo ej juon iien em̧m̧an n̄an katakin kōn aorōk eo an pokake.

M̧akūtkūt ko Maron̄ Kōm̧m̧ani

• Jin̄aiki juon pija in ruo ļaddik ioon bo̧o̧t eo, im kōjerbal jin̄a ko ilo am̧ kwaļo̧k būrabōļ eo ilo Matu 21:28–32. Wōn iaan ļaddik ro ekar jim̧we an kōm̧m̧an ilo jem̧ļo̧kin? Kajjitōk ippān ajri ro n̄an ba men ko remaron̄ kōm̧m̧ani n̄an pokake ilo m̧weo . Kōtļo̧k aer jin̄aiki pijaier make aer kōm̧m̧an men kein.

• Kajjitōk ippān ajri ro n̄an kwaļo̧k en̄jake ko aer kōn aer pokake jineer im jemeer. Ewi wāween aer jeraam̧m̧an ilo aer pokake?

Katakin Katak eo: Ajri ro Rerūttoļo̧k

Luk 19:1–10

Ilo aō kappukot Rilo̧mo̧o̧r, Inaaj lo E.

Kwomaron̄ kōjerbal bwebwenato eo an Zakkiōs n̄an jipan̄ ajri ro ļōmņaki men ko remaron̄ kōm̧m̧ani n̄an epakeļo̧k Rilo̧mo̧o̧r.

M̧akūtkūt ko Maron̄ Kōm̧m̧ani

• Riit Luk 19:1–10, bōjrak jidik ilo kajjojo eoon n̄an ekōnono ta eo eoon eo ej kennaan kōn Zakkiōs. Ta eo Zakkiōs ekar kōm̧m̧ane bwe en maron̄ lo Jisōs? Elmen an kar uwaak ke Jisōs ej kajjitōk ippān bwe en wallaļtak jān wōjke eo? Kajjitōk ippān kajjojo ajri n̄an kwaļo̧k juon wun etke rekōņaan lo Jisōs? N̄e Rilo̧mo̧o̧r en kar itok n̄an bukwōn eo ad, ta eo jān kar kepooje?

• Kajjitōk ippān ajri ro n̄an ļōmņak kōn armej ro rejeļā kajjier, āinwōt Zakkiōs, emaron̄ kappukot Rilo̧mo̧o̧r. Kajjitōk ippān ajri ro ta eo remaron̄ kōm̧m̧an n̄an jipan̄ ro jet jeļā kōn Rilo̧mo̧o̧r.

• Kajjitōk ippān ajri ro n̄an kwaļo̧k en̄jake ko rekar en̄jake ke Jemedwōj Ilan̄ im Jisōs Kraist rekar jeļā kajjier im iakwe er.

Matu 21:12–14

Tampeļ ej juon jikin me jej aikuj kautieje.

Elmen an bwebwenato eo an Jisōs karreoki tampeļ eo maron̄ jipan̄ eok katakin ajri ro kōn kwojarjar eo an tampeļ?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Matu 21:12–14. Kwaļo̧k pija eo Jesus Cleansing the Temple (Gospel Art Book, no. 51), im kajjitōk ippāer eoon ta eo ej kwaļo̧k ilo pija in.

• Kajjitōk ippān ajri ro n̄an kwaļo̧k elmen aer kar en̄jake ke raar deļo̧n̄e lowaan tampeļ eo, loļo̧k meļan ko an tampeļ, ak lale pijain tampeļ ko. Ta eo ejipan̄ er jeļā bwe tampeļ eo ej juon jikin ekwojarjar? Komaron̄ kwaļo̧k n̄an ajri ro etke em̧m̧an ippam̧ tampeļ. Etke ekwojarjar n̄an eok?

• Kajjitōk ippān juon ak elōn̄ļo̧k jodikdik ro n̄an itok n̄an kūlaaj im kōnono kake elmen aer kar kōppopo n̄an deļo̧n̄e tampeļ eo. N̄e rekar pād ilo tampeļ, kajjitōk ippāer n̄an kōnono kake elmen aer kar en̄jake ke rekar pād ijeņ.

• Mwijit juon pijain tampeļ ilo bajōl ko, im leļo̧k juon n̄an kajjojo ajri. Kajjitōk ippān ajri ro n̄an je itulikin bajōl eo aer juon men remaron̄ kōm̧m̧ane n̄an kōppopo n̄an deļo̧n̄e tampeļ eo. Ilo an kajjojo ajri kwaļo̧k juon ļōmņak, kobaiki ilo bajōl eo an.

• Ilo bo̧o̧t eo, je naan kein: emaron̄ jipan̄ eō kōppopo n̄an jerbal ilo tampeļ. Kajjitōk ippān ajri ro n̄an kwaļo̧k wāween ko n̄an kadedeļo̧k jentōj in. Jet ļōmņak remaron̄ “Kōjparok bujen peptaij ko aō” ak “Jetōb Kwojarjar.”

Matu 23:25–28

Jisōs ekōņaan bwe in mour jim̧we ilo kōm̧m̧an im ikdeleel ko aō.

Jisōs ekar katakin rikien ro im Parisi ro kōn aorōk eo an mour jim̧we ilo gospel in—jab baj wōt katen wōt ke mour jim̧we. Ta eo emaron̄ jipan̄ ajri ro meļeļe m̧ool in?

M̧akūtkūt ko Maron̄ Kōm̧m̧ani

• Ilo am̧ riiti Matu 23:25–28 ippān ajri ro, lale meļeļe eo an naan in hypocrite jān Bible Dictionary: “Juon eo ej katen wōt n̄e ritōmak ak ejjab.” Ta eo enana ilo ripe?

• Kwaļo̧k n̄an ajri ro juon kab me erreeo itulikin ak ettoon lowaan n̄an kōmeļeļe katak in ilo Matu 23:25. Elmen ad maron̄ lukkuun lale bwe jān erreeo im kwojarjar itulowaad?

Kōketak Ekkatak ilo M̧weo

Kajjitōk ippān ajri ro n̄an ļōmņak kōn juon men raar ekkatak ilo iien kūlaaj me remaron̄ kwaļo̧ke ippān baam̧le ko aer ilo m̧weo.

Kōkōm̧anm̧anļo̧k Ad Katakin

Jipan̄ ro jinen im jemen ajri ro. “Ro jinen im jemān rej rūkaki ro raorōktata ilo gospel eo n̄an ajri ro nejier—ewōr ippād jim̧or eddo im kajoor eo eļaptata n̄an ukōt ajri ro nejier (lale Deuteronomi 6:6–7). Ilo am̧ katakin ajri ro ilo mōnjar eo, jar im kappukōt wāween ko n̄an rie ro jineer im jemāer” (Katakin ilo Wāween eo an Rilo̧mo̧o̧r,25).