em̧m̧aan eo ej atbokwoj ļaddik eo nejin

Nejin eo Ejerwan, jān Liz Lemon Swindle

Māe 1–7

Luk 12–17; Jon 11

“Kom̧win Lan̄lōn̄ Ippa; bwe Iar Lo Sip eo Aō E Kar Jako”

Lukkuun riiti Luk 12–17 im Jon 11, lale elmen am̧ maron̄ jipan̄ ajri ro kwoj katakin meļeļe m̧ool ko ilo jebta kein n̄an en̄jake iakwe eo an Jemedwōj Ilan̄.

pija ej bōk jikin kwaļo̧k

Kajjitōk bwe ren Kwaļo̧k

Kakeememej ajri ro jet iaan būrabōļ ko im bwebwenato ko ilo Luk 12–17 im Jon 11, im kajjitōk ippāer n̄an kwaļo̧k ta eo rejeļā kōn bwebwenato kein.

pija ej bōk jikin katakin

Katakin Katak eo: Ajri ro Reddikļo̧k

Luk 15

Jemedwōj Ilan̄ ekōņaan bwe aolep ro Nejin ren jepļaakļo̧k n̄an E.

Ļōmņak kōn ajri ro ilo kūlaaj eo am̧, ekoba ro ejakutkut aer kobatok. Komaron̄ jipan̄ er en̄jake iakwe eo an Jemedwōj Ilan̄? Elmen am̧ maron̄ im̧we ajri ro jet n̄an jipan̄ eok tōpar er ilo iakwe?

M̧akūtkūt ko Maron̄ Kōm̧m̧ani

• Leļo̧k n̄an kajjojo ajri juon jāān jiddik, ajri ro jet juon pijain sip, im ajri ro jet juon pijain nejin eo ejerwan (lale ChurchofJesusChrist.org ak peij in m̧akūtkūt eo an wiik in). Kwaļo̧k kōn būrabōļ ko jilu ilo Luk 15 im kajjitōk ippān ajri ro n̄an kotak jāān jiddikjen ko aer ak pija ko n̄e kwoj ba etaer. Kwomaron̄ bar kajjitōk ippān ajri ro n̄an bar kwaļo̧k būrabōļ ko n̄an katakin doon ilo naan ko aer make.

• Kajjitōk ippān ajri ro n̄an kwaļo̧k juon iien ke ekar jako juon m̧weier. Elmen aer kar loe? Kōmeļeļeiki bwe armej ro remaron̄ jebwābwe ilo jetōb n̄e rejjab ļoor Jemedwōj Ilan̄. Kam̧ool bwe Anij ekōņaan bwe armej ro rejebwābwe ren itok n̄an E, im jemaron̄ jipan̄ er.

• Kajjitōk ippān ajri ro n̄an ļōmņake ajri ro jet me rejjab itok n̄an Būraimere. Jipan̄ jin̄aiki ak je kakeememej ko n̄an kūrtok ajri rein n̄an Būraimere ak juon m̧akūtkūt an Būraimere. Bar wōn jemaron̄ jipan̄ ajri rein n̄an en̄jake iakwe eo an Jemedwōj Ilan̄ n̄an er?

Luk 17:11–19

Imaron̄ kwaļo̧k aō iakwe n̄an Jemedwōj Ilan̄ kōn kōjeraam̧m̧an ko ij m̧ōņōņō kaki.

Elmen an bwebwenato eo an rilōba ro jon̄oul rōjan̄ ajri ro n̄an kam̧m̧oolol?

M̧akūtkūt ko Maron̄ Kōm̧m̧ani

• Kwaļo̧k bwebwenato in rilōba ro jon̄oul me Jisōs ekar kōmour er. Kwaļo̧k pija eo ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko, im kajjitōk ippān ajri ro n̄an bōnbōn n̄an jon̄oul kōn addin peier. Innām kajjitōk ippāer n̄an likūt ratimjuon addi im kwaļo̧k juon iaan riļōba ro ekar kam̧m̧oolol Jisōs. Jipan̄ ajri ro ļōmņak kōn armej ro remaron̄ kam̧m̧olol kōn jouj ak ilo jjpan̄.

• Kajjitōk ippān kajjojo ajri n̄an kōm̧m̧ani men ko ej kam̧m̧oolo kaki, im kōm̧m̧an bwe aolep ajri ro ren kajidede ta eo. Kajjitōk ippān ajri ro n̄an kwaļo̧k wāween ko jemaron̄ kwaļo̧k ad kam̧m̧olol Jemewōj Ilan̄ bwe jej kam̧m̧oolol kōn kōjeraam̧m̧an ko ad.

Jon 11:1–46

Jej tōmak bwe Jisōs ej Nejin Anij.

Marta, eo ej jatin Lazerōs, ekar ba n̄an Jisōs: “Iar tōmak bwe Kwe ri Kraist, Nejin Anij” (Jon 11:27). Bwebweanto eo an Meri, Marta, im Lazerōs remaron̄ kōkajoorļo̧k naan in kam̧ool ko an ajri ro kōn Jisōs Kraist.

M̧akūtkūt ko Maron̄ Kōm̧m̧ani

• Kōmeļeļeik bwebwenatoin an Jisōs kōjerkakpeje Lazerōs jān mej (bar lale “Jebta 43: Jesus Brings Lazarus Back to Life,” ilo Bwebwenato ko ilo Kalim̧m̧ur Ekāāl, 107–9, ak bitio in jipan̄ eo ilo ChurchofJesusChrist.org). Kwaļo̧k n̄an ajri ro juon ra mej im juon menin eddōk mour, innām kajjitōk ippāer ewi wōt eo emej im ewi wōt eo emour. Kwaļo̧k am naan in kam̧ool bwe kōn wōt Jisōs Kraist, armej ro me remej renaaj bar jerkakpeje im bar mour.

• Jipan̄ ajri ro kakkilōklōke naan eo me Jisōs ekar ba n̄an Marta: “N̄a jerkakpeje eo, im mour eo” (Jon 11:25). Kōmeļeļeiki bwe kōn wōt Jerkakpeje eo an Rilo̧mo̧o̧r, jenaaj bar juon alen lo rejitenbōro ippād me rekar mej.

pija ej bōk jikin katakin

Katakin Katak eo: Ajri ro Rerūttoļo̧k

Luk 15

Imaron̄ jipan̄ Jisōs kappukot sip ko An rejebwābwe.

Jej aolep jeļā repād ilo iaļ ko jet āinwōt sip eo ejebwābwe, jāān eo ejako, ak nejin eo ejerwan ilo būrabōļ ko an Rilo̧mo̧o̧r. Ļōmņake elmen am̧ maron̄ im̧we ajri ro n̄an tōpar armej rein kōn iakwe.

M̧akūtkūt ko Maron̄ Kōm̧m̧ani

• Jjipan̄ ajri riiti būrabōļ eo kōn sip eo ejebwābwe ak būrabōļ eo kōn jāān eo ejako, ewaļo̧k ilo Luk 15:1–10, im kwaļo̧k ta eo rekar ekkatak.

• Je et ko ioon bo̧o̧t eo: jemād, nejin rūttotata, im nejin rikļo̧k. Kwaļo̧k bitio eo “The Prodigal Son” (ChurchofJesusChrist.org) im bōjrak jidik bwe ajri ro ren maron̄ je ioon bo̧o̧t eo jet en̄jake ko an armej eo kōlaajraki. Elmen an Jemedwōj Ilan̄ im Jisōs en̄jake kōn ro rekar jerawiwi?

• Kajjitōk ippān juon ajri ro n̄an diwōj jān ruum̧ eo ilo an ajri ro jet ņooj jāān eo ak peba sip eo. Kōtļo̧k an ajri jepļaaktok im pukote jāān eo ak sip eo. Ta jet iaan en̄jake ko an armej ro kōn jāān ak sip eo “ejebwābwe”? Kajjitōk ippān ajri ro n̄an kwaļo̧k wāween ko remaron̄ jipan̄ ro jet. Al ippān ajri ro juon al, āinwōt “Dear to the Heart of the Shepherd” (Hymns, no. 221), im kam̧ool kōn lan̄lōn̄ eo me ej itok n̄e armej rej oktakļo̧k n̄an Anij.

• Kōmeļeļeik bwe Jisōs ekar kōjerbal sip eo ejebwābwe, jāān eo ejako, im nejin ejerwan n̄an pinej jenkwan armej ro me “rejebwābwe” kōnke rejjab būki kōjeraam̧m̧an ko an gospel in. Kajjitōk ippān ajir ro n̄an ļōmņak kōn armej ro rejeļā kajjier me rejjab būki kōjeraam̧m̧an kein ilo mour ko aer. Ta eo komaron̄ kōm̧m̧ane n̄an jipan̄ ajri ro en̄jake iakwe eo an Rilo̧mo̧o̧r n̄an er.

Jisōs im sip eo

Gentle Shepherd, jān Yongsung Kim

Luk 17:11–19

Imaron̄ kwaļo̧k aō iakwe n̄an Jemedwōj Ilan̄ kōn kam̧m̧oolol kōn kōjeraam̧m̧an ko aō.

Bwebwenato eo kōn riļōba ro jon̄oul emaron̄ juon wāween em̧m̧an n̄an im̧we ajri ro n̄an kwaļo̧k kam̧m̧ool n̄an Jemedwōj Ilan̄ kōn kōjeraam̧m̧an ko aer.

M̧akūtkūt ko Maron̄ Kōm̧m̧ani

• Riit ippān doon kōn bwebwenato eo kōn riļōba ro jon̄oul. Elmen an kar rilōba eo ekar leļo̧k kam̧m̧oolol kar jeraam̧m̧an kōn kam̧m̧oolol eo an? Etke eaorōk n̄an leļo̧k kam̧m̧oolol Anij kōn kōjeraam̧m̧an ko ad?

• Kajjitōk ippān ajri ro n̄an kōlaajraki men ko rej kam̧m̧oolol kaki ilo jinoin leta in etaer.

• Kajjitōk ippān ajri ro n̄an je kom̧m̧ool n̄an Jemedwōj Ilan̄ kōn kōjeraam̧m̧an ko Ej kōjeraam̧m̧an er. Remaron̄ al naan ko ilo peet eo aer n̄an kakeememej er n̄an kwaļo̧k kam̧m̧oolo n̄e rej jar.

Jon 11:1–46

Kōmij tōmak bwe Jisōs ej Nejin Anij.

Elmen am̧ kōjerbal bwebwenato in Meri, Marta, im Lazerōs n̄an jipan̄ ajri ro jeļā, āinwōt kar Marta, bwe Jisōs ej “RiKraist eo, bwe ej Nejin Anij”? (Jon 11:27).

M̧akūtkūt ko Maron̄ Kōm̧m̧ani

• Je ioon bo̧o̧t eo je naan kar kōnono jān armej ro ilo Jon 11. Kajjitōk ippān ajri ro n̄an kwaļo̧k wōn eo ekar ba enaan in, im kajjitōk ippāer n̄an lale Jon 11 n̄an lale uwaak ko aer. Elmen aer en̄jake n̄e ren kar Jisōs, Marta, Meri, ak Lazerōs? Elmen tōmak ilo Jisōs jipan̄ kōj n̄e jej būrom̧ōj ak mijak?

• Riiti naan in kam̧ool eo an Marta, loe ilo Jon 11:20–27. Kajjitōk ippān ajri ro n̄ān lale naan ko im eoon ko me rej kwaļo̧k ke Marta ekar tōmak ilo Jisōs Kraist. Ta eo jemaron̄ kōm̧m̧an n̄an erom̧ āinwōt E?

• Jipan̄ er kakkilōklōke Jon 11:25. Kōmeļeļeiki bwe aolep renaaj jerkakpeje, ak riwānōk ro wōt renaaj bōk mour indeeo im bar mour ippān Jemedwōj Ilan̄ im Jisōs Kraist

pija ej bōk jikin ekkatak

Kōketak Ekkatak ilo M̧weo

Leļo̧k n̄an ajri ro jet peba remaron̄ kōjerbali n̄an je ak jin̄aiki men ko rej kam̧m̧oolol kaki ilo wii eo.

Kōkm̧anm̧anļo̧k Ad Katakin

Bar āliji ej ki eo n̄an ekkatak. Ajri ro rej jeraam̧m̧an jān ron̄jake juon pedped an gospel eo ak kōm̧m̧ane juon m̧akūtkūt elōn̄ļo̧k jān juon alen. Kajjieon̄ bar āliji m̧akūtkūt ko ilo elōn̄ wāween kōm̧m̧ani.

peij in m̧akūtkūt: Imaron̄ jipan̄ Jisōs kappukote im bōktok bar sip ko An rejebwābwe