rijerbal ro ilo jikin kallib eo

Māe 8–14

Matu 19–20; Mark 10; Luk 18

“Ewi Men eo I Jan̄in Tōpare?

Riiti Matu 19–20; Mark 10; im Luk 18, lale wōt ajri ro kwoj katakin. Je jabdewōt im̧we ko kwōj būki. Am̧ kōppopo enaaj jipan̄ eok katakin ajri ro ta eo reaikuji n̄an jeļā jān jebta kein.

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k jabdewōt men rej keememeje jān katak eo ļo̧k. Kwaļo̧k pija ko n̄an jipan̄ er keememeji.

pija ej bōk jikin katakin

Katakin Katak eo: Ajri ro Reddikļo̧k

Mark 10:6–8

Jemedwōj Ilan̄ ekōņaan bwe jen m̧are ilo tampeļ im bōk baam̧le ko indeeo.

Elmen an ajri ro kwoj katakin jeraam̧m̧an jān jeļā kōn katak eo an m̧are indeeo? Emaron̄ lukkuun jipan̄ eok n̄an lali m̧ool ko kōn m̧are ilo “Baam̧le Eo: Juon Kean̄ n̄an Laļin” (ChurchofJesusChrist.org).

M̧akūtkūt ko Maron̄ Kōm̧m̧ani

• Riiti Mark 10:6–8 n̄an ajri ro, im kwaļo̧k juon pija an juon ripālele m̧are. Kajjitōk ippān ajri ro n̄an jitōn̄ļo̧k em̧m̧aan eo im kōrā eo n̄e rej ron̄ am riiti naan ko em̧m̧aan im kōrā. Kōmeļeļeiki bwe Jemedwōj Ilan̄ ekōņaan bwe em̧m̧aan im kōrā eo ren m̧are ippān doon (lale Jenesis 1:27–28).

• Kwaļo̧k juon pijain baam̧le eo im juon tampeļ Kajjitōk ippān ajri ro n̄an kwaļo̧k n̄an eok ta eo rej loe ilo pija ko. Kōmeļeļeiki bwe Jemedwōj Ilan̄ ekōņaan bwe jen liāp n̄an baam̧le ko ad ilo tampeļ eo bwe jen maron̄ pād ippāer indeeo. Kwon lale ajri ro me ro jineer im jemeer rejjan̄in kar liāp.

• Al ippān doon juon al kōn baam̧le, āinwōt “A Happy Family” (Al ko Al in Ajri,, 198). Ļōmņak in al kōn al eo elōn̄ alen. Kajjitōk ippān ajri ro n̄an kwaļo̧k men ko relimo rekar kōm̧m̧ani ilo baam̧le ko aer. Etke rej kam̧m̧oolol kōn baam̧le ko aer?

• Al juon al kōn tampeļ, āinwōt “I Love to See the Temple” ak “Families Can Be Together Forever” (Children’s Songbook, 95, 188). Kōm̧m̧an bwe ajri ro ren kotak pijain tampeļ ko ak baam̧le ko, im kajjitōk ippāer n̄an kotak pija ko aer ilo aer al “tampeļ” ak “baam̧le.” Jipan̄ ajri ro ļōmņake un ko etke eaorōk n̄an m̧are ilo tampeļ.

Jisōs ippān ajri ro im jineer im jemeer

Jisōs ej iakwe ajri ro, bwe “ro āierwōt, aer aelōñ in Anij” (Mark 10:14).

Mark 10:13–16

Jisōs ekōņaan bwe ajri ro reddik ren itok n̄an E bwe En maron̄ kōjeraam̧m̧an er.

Bwebweanto in ej letok juon iien em̧m̧an n̄an jipan̄ ajri ro en̄jake ewi jon̄an an Jisōs iakwe er.

M̧akūtkūt ko Maron̄ Kōm̧m̧ani

• Ilo naan ko am̧ make, kwaļo̧k bwebwenato eo ilo Mark 10:13–16. Kwomaron̄ kwaļo̧k bitio eo “Suffer the Little Children to Come unto Me” (ChurchofJesusChrist.org). Jipan̄ ajri ro ļōmņak kōn tōre ko rekar en̄jake iakwe eo an Jisōs n̄an er. Kwaļo̧m am̧ naan in kam̧ool n̄an ajri ro bwe Jisōs ej iakwe er im kōņaan kōjeraam̧m̧an er.

• Kwaļo̧k pijain Christ im the Children (Gospel Art Book, no. 47). Jipan̄ ajri ro antone ta eo en kar āinwōt n̄e ren kar juon iaan ajri ro rej jijet itūrin Jisōs ilo pija eo. Kajjitōk ippān ajri ro n̄an kwaļo̧k ekōjkan aer en̄jake kōn Jisōs.

• Kōtļo̧k bwe ajri ro ren jin̄ak er make an Jisōs kōjeraam̧m̧an er (lale Mark 10:16 im peij in m̧akūtkūt eo an wiik in).

Mark 10:17–22

N̄e ij pokake kien ko, imaron̄ bōk mour indeeo.

Jisōs ekar katakin ļikao eo em̧weie bwe n̄an bōk mour indeeo—juon mour āinwōt eo ippān Jemedwōj Ilan̄—ej aikuj pokake kien ko.

M̧akūtkūt ko Maron̄ Kōm̧m̧ani

• Kwaļo̧k bwebwenatoin likao eo em̧weie ilo Mark 10:17–22 n̄an ajri ro. (Bar lale “Jeba 42: The Rich Young Man,” ilo Bwebwenato ko ilo Kalim̧m̧ur Ekāāl, 105–6, ak bitio eo ilo ChurchofJesusChrist.org.) Kajjitōk ippāer n̄an ron̄jake ta eo Jisōs ekar jiron̄ ļikao eo n̄an kōm̧m̧ane im elmen an likao eo kar uwaak.

• Kwaļo̧k juon ak elōn̄ļo̧k bwebwenato ko kōn ajri ro rej kajjitōk jipan̄ ak tōl jān ro jineer im jemeer ak rejjab ļoore ak pokake. Ta jet iaan men ko Jemedwōj Ilan̄ ekar kajjitōk bwe jen kōm̧m̧ane? Ewi wāween en̄jaake n̄e jej pokake kien ko An?

• Kwaļo̧k en̄jake in im̧we ko am make kwaar būki n̄an kōm̧m̧ani men ko jet rem̧m̧anļo̧k.

pija ej bōk jikin katakin

Katakin Katak eo: Ajri ro Rerūttoļo̧k

Mark 10:6–8

Jemedwōj Ilan̄ ekōņaan bwe jen m̧are ilo tampeļ im bōk baam̧le ko indeeo.

Men ko Jisōs ekar kwaļo̧k kōn m̧are emaron̄ jipan̄ ajri ro reim̧aanļo̧kk n̄an m̧are ilo tampeļ im kōkajririik juon baam̧le indeeo.

M̧akūtkūt ko Maron̄ Kōm̧m̧ani

• Kajjitōk ippān juon iaan ajri ro n̄an riiti Mark 10:6–8 elaaj. Kōmeļeļeiki bwe eddāp meļeļein “pād wōt” ak “dāpdep wōt n̄an” juon men. Etke eaorōk bwe ļeo im lieo pālele ren juon wōt ippān doon, iakwe doon, im jerbal āinwōt baatner?

• Kajjitōk ippān ajri ro n̄an jipan̄ eok ļōmņaki uwaak ko āinwōt “Etke baam̧le ko raorōk ilo Kabun̄ in?” ak “Etke eaorōk n̄an bwe kwon m̧are ilo tampeļ?” Jipan̄ er lo uwaak ko ilo kein katakin Mark 10:6–8; 1 Korint 11:11; Katak im Bujen Ko 42:22; 131:1–4; Moses 3:18, 21–24; im “Baam̧le Eo: Juon Naan Kean̄ n̄an Laļin.”

• Al juon al ippān doon me ej kōmeļeļeiki kōjeraam̧m̧an ko an tampeļ, āinwōt “Families Can Be TogetherChildren’s Songbook,,188). Kwaļo̧k naan in kam̧ool eo am̧ kōn m̧are indeeo im baam̧le n̄an ajri ro. Rōjan̄ ajri ro n̄an kwaļo̧k aer en̄jake im naan in kam̧ool barāinwōt.

Mark 10:17–22

Jisōs emaron̄ jipan̄ eō jeļā ta eo ij aikuji n̄an eddōkļo̧k.

Likao eo em̧wie ekar pukōt Jisōs im bōk kōmeļeļe eo ekkar me ekar aorōk n̄an e. Elmen am̧ maron̄ im̧we ajri ro n̄an kappukot ejja tōl in ilo mour ko aer?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an lale eoon eo ilo Mark 10:17–22 me ej kōmeļeļiki pija eo ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko. Kōmeļeļeiki bwe naan eo Jisōs ekar leļo̧k n̄an likao in ekar n̄an e make, im jemaron̄ aolep bōk ejja tōl jān Irooj kōn Jetōb.

• Riit ippān doon Mark 10:17–22. Kajjitōk ippān ajri ro n̄an je ioon bo̧o̧t eo kien ko me Rilo̧mo̧o̧r ekar jiron̄ rim̧weie eo n̄an pokake (lale eoon 19). Ta ko jet Jisōs ekar ba en kōm̧m̧ani? (lale eoon 21). Rōjan̄ ajri ro n̄an ļōmņake men ko remaron̄ aikuji n̄an jino kōm̧m̧ane ak bōjrak kōm̧m̧ani n̄an ļoore Jisōs em̧m̧anļo̧k. Ta wāween ko jet jemaron̄ lo ta eo Jisōs ekōņaan bwe jen kōm̧m̧ane?

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kwaļo̧k n̄an baam̧le ko aer me rej iakwe er, bōlen je jidik naan ak kōm̧m̧ane juon jerbal in jipan̄.

Kōkōm̧anm̧anļok Ad Katakin

Leļo̧k Am̧ n̄an ajri ro. Elmen an ajri ro ilo kūlaaj eo uwaak n̄an ekkatak in m̧akūtkūt ko? Eļan̄n̄e ajri ro rej āinwōt jab tōt, emaron̄ in iien n̄an kajjieon̄ bar juon m̧akūtkūt ak kōm̧m̧ane juon iien etetal ekadu, eikōn̄. Ilo pā eo juon, komaron̄ jeļā bwe ajri ro rej bōk kuņaer im ekkatak jān jet iaan katak eo, jab inepata n̄an kōm̧m̧akūt n̄an lukkuun kōm̧m̧an bwe kwon bōk aolep katak eo.

peij in m̧akūtkūt: Jisōs ekōņaan bwe ajri ro reddik ren itok n̄an E bwe E en kōjeraam̧m̧an er