Jisōs im kōrā eo bukwelōlō ilo laļ

Ij Jab Liakeļo̧k Eok, jān Eva Koleva Timothy

Eprōļ 24–30

Jon 7–10

“N̄a Seperd Em̧m̧an”

Ilo am̧ riiti Matu 7–10, ļōmņak kōn ajri ro kwoj katakin. Elōn̄ ļōmņak ko n̄an ajri ro rōrūttoļo̧k ilo laajrak in emaron̄ bar jipan̄ ajri ro reddikļo̧k, ak vice versa.

pija ej bōk jikin kwaļo̧k

Kajjitōk bwe ren Kwaļo̧k

Kakeememej ajri ro kōn men ko kwaar ba ren kōm̧m̧an ilo katak eo ļo̧k. Kajjitōk ippāer n̄an kwaļo̧k ta eo rekar kōm̧m̧an ilo kūr eo.

pija ej bōk jikin katakin

Katakin Katak eo: Ajri ro Reddikļo̧k

Jon 7:14–17.

Kōjparok kien ko enaaj jipan̄ er jeļā ke rem̧ool.

Jisōs ekar kwaļo̧k bwe jemaron̄ bōk juon naan in kam̧ool kōn m̧ool ko E ekar kwaļo̧ki ilo ad mour kaki. Aenōm̧m̧an eo jej en̄jake ilo ad pokake kien ko ejipan̄ kōj jeļā ke rem̧ool. Ļōmņake elmen am̧ maron̄ katakin ajri ro m̧ool in.

M̧akūtkūt ko Maron̄ Kōm̧m̧ani

• Kōmeļeļeiki Jon 7:17 ilo naan bwe ajri ro ren meļeļe. Jipan̄ er jeļā bwe pokake kien ko ejipan̄ kōj epakeļo̧k Jisōs Kraist. N̄an waanjon̄ak, kom̧ maron̄ al ippān juon al āinwōt “Keep the Commandments” ak “Choose the Right Way” (Children’s Songbook, 146–47, 160–61). Kajjitōk ippān ajri ro n̄an ron̄jake elmen ad naaj jeraam̧m̧an n̄e jej kōjparok kien ko.

• Kwaļo̧k juon en̄jake ke kwaar bōk juon naan in kam̧ool bwe kien ko rej jān Anij kōnke kwoj mour kōn kien, ilo am̧ kōļļā juon m̧ōttan jon̄oul ak jeo̧rļo̧k an juon armej bōd eo ekar jab jouj. Kajjitōk ippān ajri ro n̄an ļōmņake juon aer kar en̄jake ke rekar pokake juon kien. Kajjitōk ippāer n̄an kwaļo̧k elmen aer kar en̄jake ke rekar pokake.

• Kajjitōk ippān ajri ro n̄an jin̄aik pijain er make aer pokake juon kien. (Jipan̄ er ļōmņak kōn waanjon̄ak ko.) Kajjitōk ippāer n̄an kwaļo̧k pija ko aer n̄an doon im kōnono kōn lem̧ōņōņō eo rekar bōke itok jān pokake kien in.

Jon 8:29

Jisōs ekar pokake Jemen.

Jisōs Kraist eaar aolep iien kam̧ōņōņō Jemedwōj Ilan̄. Elmen am̧ maron̄ jipan̄ ajri ro lo wāween ko n̄an ļoor waanjon̄ak eo An?

M̧akūtkūt ko Maron̄ Kōm̧m̧ani

• Jipan̄ ajri ro āliji ta eo Jisōs ekar ba kōn Jemedwōj Ilan̄ Jon 8:29: “Iien otemjej Ij kōṃṃan men ko rej kabuñbūruon.” Kajjitōk ippāer n̄an kwaļo̧k men ko Jisōs ekar kam̧ōņōņōik Jemedwōj Ilan̄. Kwaļo̧k pija ko jān Gospel Art Book n̄an leļo̧k n̄an er ļōmņak o.

• Kajjitōk ippān ajri ro ta eo ekōm̧m̧an bwe ren m̧ōņōņō. Ak kajjitōk ippān juon iaan m̧am̧a ak baba ro n̄an kwaļo̧k juon en̄jake n̄e ajri eo ekar kōm̧m̧ane juon me me ekar kam̧ōņōņōik jinen ak jemen, ak m̧ōņōņō. Ta eo jemaron̄ kōm̧m̧ane bwe Jemedwōj Ilan̄ en m̧ōņōņō? Kajjitōk ippān ajri ro n̄an jin̄aiki pijain er make kōm̧m̧ani m̧akūtkūt ko n̄an bōkļo̧k n̄an m̧weo n̄an kakeememej er.

Jon 10:1–16

Jisōs ejeļā kajjieō im iakwe eō.

Būrabōļ eo an seperd eo em̧m̧an emaron̄ jipan̄ ajri ro meļeļe bwe Jisōs ej iakwe er im ejeļā wōn er.

M̧akūtkūt ko Maron̄ Kōm̧m̧ani

• Leļo̧k n̄an ajri ro pija ko rej pinej jenkwan men ko ilo būrabōļ in kn seperd eo em̧m̧an, āinwōt sip, juon seperd, ak wōļub. Kālet jet eoon jān Jon 10:1–16 n̄an riit n̄an ajri ro, im kajjitōk ippāer n̄an kotak pija ko aer n̄e rej ron̄ am̧ riit jān men ko ilo pija ko aer. Jipan̄ ajri ro ļōmņake wāween ko Jisōs ej āinwōt juon seperd n̄an kōj. Kwaļo̧k am naan in kam̧ool bwe Rilo̧mo̧o̧r ej iakwe kōj im enaaj tōlļo̧k kōj n̄an E.

• Kwaļo̧k pijain Jisōs im ļaam̧ ko ilo laajrak eo an wiik in ilo Ļoor Eō—N̄an Kajjojo Armej im Baam̧le ko. Elmen ad jeļa Jisōs ej iakwe ļaam̧ ko? Elmen ad maron̄ ba ke ļaam̧ ko rej iakwe Jisōs? Elmen ad maron̄ kwaļo̧k n̄an Jisōs ke jej iakwe E?

pija ej bōk jikin katakin

Katakin Katak eo: Ajri ro Rerūttoļo̧k

Jon 7:14–17.

Kōjparok kien ko enaaj jipan̄ eō jeļā ke rem̧ool.

Kwe im ajri ro kwoj katakin maron̄ bōk en̄jake ko n̄an mour kake m̧ool ko ilo gospel in n̄an jeļā ke rem̧ool. Elmen am̧ maron̄ ekkal ioon en̄jake ko kwoj katakin?

M̧akūtkūt ko Maron̄ Kōm̧m̧a?

• Je kajjojo eoon jān Jon 7:14–17 ak oktak ko ioon juon peba, im karōki. Kajjitōk ippān ajri ro n̄an liūti ilo karōkkier im lale Jon 7:14–17 n̄e rejim̧we. Kajjitōk ippān ajri ro n̄an ajeej n̄an kurup ko im kwaļo̧k aer meļeļe kōn kajjojo eoon ippān batner eo aer. Elmen pokake kien ko an Anij rekar jipan̄ eok jeļā bwe kien ko rem̧ool?

• Kwaļo̧k waanjon̄ak ko jān jeje ko rekwojarjar ej kwaļo̧k elmean an armej ro kar jeraam̧m̧an n̄an mour kake m̧ooļ ko ilo gospel in Daniel 6) ak Elisabeth (lale Luk 1:5–14). Ta kōjeraam̧m̧an ko jaar bōki jān pojake kien ko?

• Jejjo̧ raan m̧okta jān kūlaaj, kajjitōk ippān juon iaan ajri ro n̄an je tōre eo ke rekar bōk juon naan in kam̧ool kōn juon kien n̄an mour kake. Ilo kūlaaj eo, kajjitōk ippān ajri eo n̄an kwaļo̧k ta eo ekar je.

Jon 8:31–36

M̧ool eo emaron̄ kanemkwōj eō.

Jet armej rej ļōmņak bwe mour kake gospel in epen n̄an er. Elmen am̧ maron̄ kōjerbal Jon 8:31–36 n̄an jipan̄ ajri ro meļeļe bwe mour kake gospel in ej kanemkwōj kōj?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Jon 8:31–36 im kwaļo̧k ta meļeļein ilo aer ļōmņake n̄an jerbal n̄an jerawiwi. Elmen an katak ko an Jisōs jipan̄ kōj anemkwōj?

• Kwaļo̧k juon ļak eo ej pinej jenkwan jerawiwi im juon ki ej pinej jenkwan elmen an m̧ool ko an gospel in maron̄ kanemkwōj kō. N̄an waanjon̄ak, jeļā kōn Pinmuur eo an Jisōs emaron̄ kanemkwōj kōj n̄an ukweļo̧k im n̄an jeo̧rļo̧k jerawiwi ko ad. Ak jeļā kōn Naan in Māletlet emaron̄ kanemkwōj n̄an bōbrad an̄ūrlep.

An Kraist kwaļo̧k ilo tampeļ eo

Rilo̧mo̧o̧r ekar kwaļo̧k, “m̧ool enaaj kōm̧anm̧an anemkwōjami” (Jon 8:32).

Jon 10:1–18.

Jisōs ej āinwōt seperd n̄an eō.

Ilo am̧ ekatak kōn būrabōļ in kōn seperd eo em̧m̧an, lali m̧ool ko rej kwaļo̧k kōn jemdoon eo ad ippān Rilo̧mo̧o̧r. Elmen jeļā m̧ool kein naaj kōjeraam̧m̧an ajri ro?

M̧akūtkūt ko Maron̄ Kōm̧m̧ani

• Je seperd em̧m̧an im rikabbok ioon bo̧o̧t eo. Kōmeļeļeiki bwe juon rikabbok ej armej eo eo kabbok n̄an kōm̧m̧ane juon jerbal kōn jāān. Kajjitōk ippān ajri ro n̄an kōlaajraki men ko reoktak rej loi ilo Jon 10:1–18 ikōtaan juon seperd em̧m̧an im juon rikabbok. Etke kwoj kōņaan ļoor seperd eo em̧m̧an jān rikabbok eo? Elmen an Jisōs āinwōt juon seperd n̄an kōj?

• Jin̄aiki ak kwaļo̧k juon pijain juon kōjem. Riit ippān doon Jon 10:7–9, im kajjitōk ippān ajri ro elmen an Jisōs āinwōt juon kōjem. Ekkar n̄an eoon 9, ta kōjeraam̧m̧an ko rej itok n̄an ro rej “deļo̧n̄ ilo” kōjem eo? Elmen ad deļo̧n̄e kōjem eo me Jisōs Kraist ekar kepoje n̄an kōj?

pija ej bōk jikin ekkatak

Kōketak Ekkatak ilo M̧weo

Jipan̄ ajri ro ļōmņake juon kien remaron̄ lukkuun pokake. Kajjitōk ippāer n̄an kajjieon̄ pokake kien eo ilo wiik eo ej itok.

Kōkōm̧anm̧anļo̧k Ad Katakin

Kajjitōk kajjitōk ko reim̧we. Kajjitōk kajjitōk ko me ej karuwaineneik ajri ro n̄an kōm̧m̧an eļapļo̧k wōt jān aer kwaļo̧k men ko rem̧ool. Ijoke, rōjan̄ er n̄an kwaļo̧k naan in kam̧ool ko aer kōn m̧ool ko ilo gospel in. N̄an waanjon̄ak, eļan̄n̄e kwoj ekōnono kōn kien ko, komaron̄ kajjitōk ippān ajri ro n̄an kwaļo̧k wāween an kōjparok kien ko kar kōjeraam̧m̧an er.

peij in m̧akūtkūt: Jisōs ej iakwe eō