An Kraist Oktak

Oktak,, jān Carl Heinrich Bloch

Eprōļ 10–16

Matu 15–17; Mark 7–9

Kwe Ri Kraist;

Ilo am̧ lin̄uri Matu 15–17 im Mark 7–9, lukkuun lale im̧we ko an jetōb me emaron̄ jipan̄ eok jeļā ta eo ajri ro ilo kūlaaj eo am̧ raikuji.

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k etke rej kam̧m̧oolol kōn ritōl ro an Kabun̄ in, ekoba rikanaan eo im rijilōk ro im ritōl ro ijo jokwe ie. Ta eo jekar ron̄jake aer kwaļo̧k?

pija ej bōk jikin katakin

Katakin Katak eo: Ajri ro Reddikļo̧k

Matu 16:13–17

Imaron̄ bōk juon naan kam̧ool bwe Jisōs Kraist ej Nejin Anij.

Ļōmņake elmen am̧ maron̄ kōjerbal naan in kam̧ool eo an Piter im uwaak eo an Jisōs n̄an katakin ajri ro ta in naan in kam̧ool im im̧we er n̄an bōk juon aer make.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an ron̄jake ta eo Piter ekar ba ilo am riiti Matu 16:15–17. (Bar lale “Jebta 32:An Piter Kam̧ool kōn Kraistr,” ilo Bwebwenato ko ilo Kalim̧m̧ur Ekāāl, 76–77, ak bitio in jipan̄ eo ilo ChurchofJesusChrist.org.) Kōmeļeļeiki bwe Piter ekar kwaļo̧k naan in kam̧ool an kōn Jisōs Kraist. Bar riiti eoon ko. (Ak bar kwaļo̧k bitio eo.) Iien in kajjitōk ippān ajri ro n̄an ron̄jake wōn eo ekar jiron̄ļo̧k Piter ke Jisōs Kraist ej Nejin Anij.

• Kwaļo̧k am̧ naan in kam̧ool kōn Jisōs Kraist, im kōmeļeļeiki elmen am̧ kar bōke. Kajjitōk ippān ajri ro n̄an bōk aer make naan in kam̧m̧ool jān Jemedwōj Ilan̄.

Matu 16:15–19

Jisōs Kraist eaar leļo̧k n̄an rikanaan ro im rijilōk ro priesthood kii ko n̄an tōl Kabun̄ in An.

Rilo̧mo̧o̧r ekar keidi n̄an juon dōkā im mālim in kii ko an priesthood. Elmen am̧ maron̄ kōjerbal men kein ruo n̄an jipan̄ ajri ro bōk tōmak ippān ro rej tōl Kabun̄ in An?

M̧akūtkūt ko Maron̄ Kōm̧m̧ani

• Kwaļo̧k n̄an ajri ro juon dekā ilo am̧ riiti Matu 16:18 ippāer. Āliji naan kein ippāer “ioon ejṃaan in Inaaj kalōk Aō eklejia,” kobaiki ākjen ko ippān naan ko. Kōmeļeļeiki bwe Kabun̄ ej ekkal ioon “ejm̧aan” kōn revelesōn.

• Kwaļo̧k n̄an ajri ro jet ki, im kōnono kōn ta jerbal ko an ki ko. Kōmeļeļeiki bwe Piter im Rijilōk ro jet rekar bōk priesthood ki ko jān Jisōs. Ki kein rej “kōpeļļo̧k” kōjeraam̧m̧an ko n̄an kōj im kōpeļļo̧k iaļ n̄an lan̄. N̄an waanjon̄ak, priethood ki ko rej kōtļo̧k ad peptaij im bōk kwojkwoj eo. Leļo̧k n̄an ajri ro ki peba, im kōtļo̧k bwe ren je jet kōjeraam̧m̧an ko me priesthood ki ko “kōpeļļo̧ki.”

• Kwaļo̧k juon pija in Būreejtōn eo an Kabun̄ in, im kwaļo̧k am̧ naan in kam̧ool bwe e ej kabwijer aolep pristhood ki ko rainin, āinwōt kar Piter.

annan̄in Piter ej kabwijer ki ko

Priesthood ki ko rej mālim eo n̄an kōjerbal priesthood eo.

Matu 17:19–20

Aō tōmak emaron̄ jerbali menin bwilōn̄ ko.

N̄e kwoj riiti kallim̧ur eo an Jisōs bwe tōmak ej āinwōt juon ine in mustad me emaron̄ kōm̧akūt toļ, ta im̧we ko kwoj būki kōn ajri ro kwoj katakin?

M̧akūtkūt ko Maron̄ Kōm̧m̧ani

• Riit Matu 17:19–20 n̄an ajri ro. Kajjitōk ippāer n̄an bōk kuņaer jin̄aiki toļ ko rekillep im ine ko reddik ioon bo̧o̧t eo. Kōmeļeļeiki bwe toļ ko rej āinwōt men ko me epen n̄an ad kōm̧m̧ani. Ta jet iaan men ko jemaron̄ en̄jaki āinwōt toļ ko n̄an kōj? Kōjerbal peij in m̧akūtkūt eo an wiik in n̄an jipan̄ ajri ro ļōmņak kōn wāween an tōmak maron̄ jipan̄ er kōm̧m̧ani men ko me Anij ekōņaan bwe ren kōm̧m̧ani.

• Likūt juon pijain juon toļ rurājet in ruum̧ eo. Kajjitōk ippān ajri ro n̄an kwaļo̧k jet men remaron̄ kōm̧m̧an n̄an bōk eļapļo̧k tōmak ilo Jisōs. Kōtļo̧k an kajjojo ajri kwaļo̧k jet men n̄an kōm̧akūtļo̧k toļ eo n̄an turājet in ruum̧ eo. Riiti Matu 17:19–20, im kam̧ool kōn kajoor eo an tōmak ilo mour eo am.

• Al juon al ippān doon kōn tōmak, eo āinwōt “TōmakChildren’s Songbook,, 96–97). Leļo̧k n̄an kajjojo ajri juon ine bwe ren bōk n̄an m̧weo . Kajjitōk ippāer n̄an katōk ine eo im likūt ijo remaron̄ lale an eddōkļo̧k n̄an jipan̄ er keememej n̄an bōk tōmak ilo Jemedwōj Ilan̄ im Jisōs Kraist.

pija ej bōk jikin katakin

Katakin Katak eo: Ajri ro Rerūttoļo̧k

Matu 16:13–17

Naan in kam̧ool kōn Jisōs Kraist ej itok jān revelesōn.

Elmen an naan in kam̧ool eo an Piter ilo Matu 16:13–17 jipan̄ ajri ro ilo aer kalōk naan in kam̧ool ko aer?

M̧akūtkūt ko Maron̄ Kōm̧m̧ani

• Kajjitōk ippān ajri ro ta eo remaron̄ ba n̄e juon ej kajjitōk ippāer, “Wōn in Jisōs?” Kajjitōk ippān ajri ro n̄an riiti Matu 16:13–17 n̄an lale uwaak eo an Piter n̄an kajjitōk in. Elmen an kar bōk naan in kam̧ool eo an kōn Jisōs? Ta eo jemaron̄ kōm̧m̧ane n̄an kōkajoorļo̧k naan in kam̧ool ko ad?

• Jipan̄ ajri ro keidi wāween eo jej jeļā jetōbin m̧ool ko ilo wāween ko jej jeļā m̧ool ko jet. N̄an waanjon̄ak, elmen ad jeļā ewi jon̄an aetokin juon armej ak elmen katu ne? Elmen ad jeļā bwe bwe Jisōs Kraist ej Nejin Anij? Kwaļo̧k n̄an ajri ro elmen an Jetōb Kwojarjar kar kam̧ool n̄an eok kōn Rilo̧mo̧o̧r.

• Kwaļo̧k naan in kam̧ool eo am̧ kōn Jisōs Kraist, im kajjitōk ippān ajri ro n̄an kwaļo̧k naan in kam̧ool ko aer make kōn E.

Matu 16:15–19

Kabun̄ eo an Jisōs Kraist ej tōl jān ro rej kabwijer priesthood ki ko.

Ekkatak Matu 16:15–19 emaron̄ kalōk tōmak eo an ajri ro bwe Kabun̄ eo an Jisōs Kraist im Armej ro Rekwojarjar ilo Raan ko Āliktata ej juon jepļaaktok in ejja Kabun̄ eo me Jisōs ekar kajutake ke Eaar mour ioon laļin.

M̧akūtkūt ko Maron̄ Kōm̧m̧ani

• Je Matu 16:19 ioon bo̧o̧t eo, likūt jejjo̧ naan ko, ekoba naan eo “ki ko.” Kajjitōk ippān ajri ro n̄an pukote naan ko rejako.

• Kwaļo̧k bitio eo “Where Are the Keys?” (ChurchofJesusChrist.org), ak etale “Ki ko an Priesthood” ilo Unin Tōl eo n̄an Jeje ko Rekwojarjar (scriptures.ChurchofJesusChrist.org). Ta ko kii ko an priesthood? Elmen an priesthood ki ko āinwōt lukkuun ki ko?

• Jipan̄ ajri ro kōlaajrake ioon bo̧o̧t eo jet em̧m̧aan ro ewōr priesthood ki ko. “Ki ko an Priesthood” ilo Unin Tōl n̄an Jeje ko Rekwojarjar (scriptures.ChurchofJesusChrist.org) juon laajrak me emaron̄ jipan̄ er. Kajjitōk ippān juon ilo ward eo am̧ ej kabwijer priesthood ki ko n̄an kwaļo̧k jidik n̄an kūlaaj eo etke ki kein raorōk.

• Ņooj jet ki (ak pijain ki ko) ipeļaakin ruum̧ eo, im kajjitōk ippān ajri ro n̄an kappukoti. N̄e em̧ōj loe kajjojo ki ko, jipan̄ ajri ro ļōmņake kōjeraam̧m̧an ko jej m̧ōņōņō kaki kōn wōt prietshood ki ko (n̄an waanjon̄ak, baam̧le indeeo, peptaij, im kwojkwoj eo).

Matu 17:1–9

Jisōs Kraist ej Nejin Anij.

Eoon kein rej kōmeļeļeiki juon iien ko ilo jeje ko rekwojarjar n̄e ainikien Anij Jemed kar kam̧ool kōn Nejin Ejitenbōro. Ekkatak bwebwenato in ippān ajri ro emaron̄ kalōk tōmak eo aer ilo Jisōs Kraist.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an jin̄aik pija ko kōn iien ko kar kōmeļeļeiki ilo Matu 17:1–9. Kajjitōk ippāer n̄an kōmeļeļeiki pija ko aer n̄an doon. (Lale “Chapter 33: Appearing in Glory: The Transfiguration,” ilo Bwebwenato ko ilo Kalim̧m̧ur Ekāāl, 78–79, ak bitio in jipan̄ eo ilo ChurchofJesusChrist.org.)

• Leļo̧k n̄an ajri ro iien n̄an ļōmņake ta bwebweanto eo ilo Matu 17:1–9 katakin er kōn Jisōs Kraist. Kajjitōk ippāer n̄an je ļōmņak ko aer ioon bo̧o̧t eo. Kajjitōk ippān ajri ro n̄an kwaļo̧k elmen aer jeļā bwe Jisōs Kraist ej Nejin Anij.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kajjitōk ippān jineer im jemeer ak ro uwaan baam̧le eo elmen aer kar bōk naan in kam̧ool eo aer kōn Jisōs Kraist.

Kōkōm̧anm̧an Ad Katakin

Kōjerbal al. Al ko an Būraimere im al in jar ko remaron̄ jipan̄ aolep ajri ro ilo jabdewōt iiō meļeļe im keememej m̧ool ko an gospel in. Remaron̄ barāinwōt dāpij itok limo ilo bōk kuņaan eo an ajri ro ilo ekkatak. (Lale Teaching in the Savior’s Way, 22.)

peij in m̧akūtkūt: ad tōmak emaron̄ jerbale menin bwilōn̄ ko