Jebta 32
Pita ej Kam̧ool kōn Kraist
Rikaļoor ro raar uwaak bwe jet armej raar ļōmņak Jisōs eaar Jon Ripeptaij. Jet raar ļōmņak E eaar juōņ rikanaan in Kalim̧m̧ur M̧okta eo eaar bar rool tok jān mej.
Jisōs ekaar ba n̄an rikaļoor ro An wōn N̄a ilo ami kar ļōmņak. Pita eaar uwaak, “Kwe eo RiKraist, Nejin Anij emour.”
Jisōs eaar kōmeļeļeik bwe naan in kam̧ool eo an Pita eaar jab itok jān ekkatak an armej. Naan in kam̧ool eo an ej itok jān mandenļo̧k jān Anij.
Jisōs eaar kalim̧m̧uri Pita bwe E enaaj kar leļo̧k n̄an e priesthood im maron̄ eo n̄an tōl Kabun̄ eo An. Innem Pita im rikaļoor ro ren maron̄ in wōr maron̄ eo n̄an kajutak Kabun̄ eo an Jisōs ioon laļ in.
Jisōs eaar jiron̄ ļo̧k rikaļoor ro An bwe ren jab kijōrin ba n̄an jabdewōt bwe E eaar RiKraist eo. M̧okta E eaar aikuji in en̄taan, kar m̧aane, im jerkak jān mej ilo raan eo kein kajilu.