Jebta 9
Ļaddik eo Jisōs
Jisōs eaar rittoļo̧k ilo jikin kweilo̧k an Nazareth. E eaar ekkatak elōn̄ men ko im erom̧ “kajoor ilo jetōb, … im jouj an Anij eaar pād ippān.”
Ke Jisōs eaar 12, E eaar etal ippān Joseph im Mary ilo juōn jarlepju in armej n̄an juōn iien m̧ōņōņō ilo Jerusalem. Er raar pād ijo ium̧win jet raan.
Ke Joseph im Mary raar rool n̄an ijo jikieer, raar ļōmņak bwe Jisōs eaar rool ļo̧k n̄an Nazareth ippān ro m̧ōttan. Bōtaab Jisōs eaar pād wōt ilo Jerusalem.
Ke Joseph im Mary pukot Jisōs, raar jab maron̄ in lo E. Ejjeļo̧k juōn iaan jar ko raar lo E. Kōn menin Joseph im Mary raar rool ļo̧k n̄an Jerusalem. Er raar pukot Jisōs ium̧win jilu raan ko. Er raar lukkuun būromōj.
Āliktata er raar lo Jisōs ilo tampeļ eo, kōnono ippān jet rikaki ro. E eaar uwaake kajjitōk ko aer. Rikaki ro raar bwilōn̄ kōn ewi jon̄an an Jisōs jeļā.
Luk 2:46–47 (lale footnote 46c)
Mary eaar jiron̄ ļo̧k Jisōs bwe erro Joseph kar inepata kōn E. Jisōs eaar uwaak bwe E ej kōm̧m̧ane jerbal eo an Jemen—jerbal eo an Anij. Joseph im Mary raar jab meļeļe.
Jisōs eaar rool n̄an ijo jikin iNazareth ippān Joseph im Mary im eaar pokake er.
Jisōs eaar ļapļo̧k im ļapļo̧k an katak kōn jerbal eo an Jemen Ilan̄.
E ekar rittoļo̧k im kajoorļo̧k.
Armej raar iakwe E. E eaar kōm̧m̧ane ta eo Anij ekōņaan bwe E en kōm̧m̧ane.
Anij eaar iakwe E.