Armej ro n̄a Jeļā kajier

Armej ro n̄a Jeļā

Agrippa: juōn kiin̄ in Rom me eaar irooj in Israel. Paul eaar jiron̄ ļo̧k Agrippa kōn Jisōs Kraist.
Aiseia: juōn rikanaan in Kalim̧m̧ur M̧okta me eaar jeje kōn Jisōs
Ananias: juōr rikaļoor an Jisōs Kraist me eaar joke ilo Tamōjkōōj E eaar kōjeram̧m̧an Paul im kar lale ālkin an Paul kar pilo ilo tōre eo ilo ettōņak eo.
Anij: maron̄ bar ba Jemedwōj Ilan̄ ak Jisōs Kraist
Anna: juōn kōrā eo etōmak me emej ļeo ippān eaar lo Jisōs ke E eaar juōn nin̄nin̄ im eaar katakin armej ro bwe Jisōs eaar Nejin Anij im RiPinmuur eo.
Caiaphas: pris eo eutiej an Riju me eaar bōk kuņaan ilo ņa ruwōn Jisōs ilo ekajet eo An
Elias: juōn rikanaan ilo Kalim̧m̧ur M̧okta
Elisabeth: jinen Jon Ripeptaij
Gabriel: enjeļ eo me eaar loļo̧k Mary im jiron̄ ļo̧k e bwe e enaaj kar jinen Jisōs. Gabriel eaar barāinwōt itok n̄an Zacharias im jiron̄ ļo̧k e bwe enaaj kar wōr juōn nejin eo enaaj Jon Ripeptaij.
Herod: juōn kiin̄ nana eo eaar irooj ilo Jerusalem ke Jisōs eaar lotak. E eaar kōm̧m̧an bwe aolep nin̄nin̄ ilo Bethleham ren mej ilo kōjatdikdik bwe nin̄nin̄ Jisōs en kar mej.
Jairus: juōn ritōk an Riju ilo Capernaum. Jisōs eaar kejerkak leddik eo nejin jān mej.
Jemedwōj Ilan̄: eo Jemen jetōb ko adwōj. Jej jar n̄an E.
Jemes: juōn iaan Rijilōk ro Jōn̄oul ro an Jisōs. E eaar juōn iaan rikakpilōklōk ro an Pita ālkin mej eo an Jisōs.
Jetōb Kwojarjar: juōn iaan ro jilu uwaan doulul in Anij. E eaar jipan̄ Jisōs Kraist im Jemedwōj Ilan̄. E ewōr an kajoor n̄an jipan̄ armej jeļā m̧ool eo. E ej juōn jetōb im ejjeļo̧k juōn ānbwin in kaniōk im dii.
Jisōs Kraist: eo Nejin Anij im RiLo̧mo̧o̧r an laļ. E eaar en̄taan im mej kōn jerawiwi ko ad.
Jon: juōn iaan Rijilōk ro Jōn̄oul ro an Jisōs. E eaar juōn iaan rikakpilōklōk ro an Pita ālkin an Jisōs mej.
Jon Ripeptaij: rikanaan eo me eaar peptaiji Jisōs. E eaar nejin Zacharias im Elisabeth.
Joseph: Ļeo ippān Mary. Joseph eaar kōjparok Jisōs im Mary.
Joseph Smith: Ke Joseph Smith eaar juōn ļaddik, Jemedwōj Ilan̄ im Jisōs Kraist kar loļo̧k e. Er raaar jiron̄ ļo̧k e n̄an jab kobaļo̧k ilo jabdewōt kabun̄ ko me rej pād ioon laļ in kōnke aoleper ettoļo̧k jān m̧ool eo. Kōn Joseph Smith, Kabun̄ eo em̧ool an Jisōs Kraist kar kōjeplaktok n̄an laļ in.
Judas Iscariot: juōn iaan Rijilōk ro an Jisōs. Judas eaar leļo̧k Jisōs n̄an em̧m̧aan ro renanan kōn 30 m̧ōttan jelba ko.
Lazarus: juōn em̧m̧aan Jisōs eaar kejerkake jān mej
Mary: eo jinen Jisōs
Mary im Martha: kōrā ro jein im jatin Lazarus im ro m̧ōttan Jisōs
Mary Magdalene: eo mōttan Jisōs im armej ro m̧oktata n̄an lo Jisōs ālkin An Jerkakpeje
Matthias: juōn rikaļoor an Jisōs eo me eaar kūr n̄an bōk jikin Judas Iscariot āiwōt juōn iaan Rijilōk ro Jōn̄oulruo
Mejjea: bar juōn et n̄an Jisōs Kraist
Moses: juōn rikanaan in Kalim̧m̧ur M̧okta
Nicodemus: juōn irooj an Riju ro me eaar tōmak bwe Jisōs eaar RiLo̧mo̧o̧r eo. Jisōs eaar katakin Nicodemus kōn peptaij.
Parisi ro: ritōl ro an Riju ro. Enan̄in aoleper raar matōrtōr Jisōs im rikļo̧o̧r ro An.
Paul: juōn em̧m̧aan me eaar jab kōņaan rikaļoor ro an Jisōs m̧ae iien eo eaar lo Jisōs ilo juōn mandenļo̧k im kar oktak. Innem e eaar jerbal n̄an Anij im erom juōn iaan Rijilōk ro. E kar bar jeļā kajien āinwōt Saul.
Pita: juōn iaan Rijilōk ro Jōn̄oul ruo ro an Jisōs im Būreejtōn eo an Kabun̄ eo an Jisōs ālkin mej eo an Jisōs
Pontius Pilate: Kapna eo an Rom ilo Jerusalem. Riju ro raar jiron̄ ļo̧k Pilate n̄an debwāāle Jisōs, im Pilate eaar kōm̧m̧an bwe Jisōs en mej.
Riju ro: RiIsrael ro me raar m̧ōttan aelōn̄ in kiin̄ eo an Judah. Jisōs eaar juōn Riju.
RiLom̧oor: Jisōs Kraist ej RiLo̧mo̧o̧r eo. E eaar en̄taan im mej kōn jerawiwi ko ad. Kōn E, ej maron̄ in jeorļo̧k jerawiwi ko ad, eļan̄je jej ukweļo̧k, im jenaaj mour indeeo.
Rirom ro: armej ro me raar irooj in ene eo Jisōs eaar joke ie ilo tōre eo E eaar mour
Risamaria ro: juōn doulul in armej ro raar joke ilo ene eo Jisōs eaar joke ie. Riju ro im Risamaria ro ekkā aer jab kōņaan doon.
Satan: juōn jetōb nejin Jemed Ilan̄. E eaar jab pokake Jemed Ilan̄, kōn menin e kar jilkinļo̧k jān lan̄. E eaar erom tebiļ eo. Satan ej kajion̄ n̄an kapo armej n̄an kōm̧mane ta eo me ejjab jim̧we.
Saul: lale Paul
Silas: juōn mijenede im mōttan Paul
Simeon: juōn em̧m̧aan jim̧we eo eaar lo nin̄nin̄ Jisōs ilo tampel eo ilo Jerusalem
Simon: juōn em̧m̧aan ilo Samaria. E eaar kajion̄ in wiaik priesthood eo jān Pita im Jon. Er raar katakin e bwe juōn armej ejjab maron̄ wiaik priesthood eo.
Stephen: juōn ritōl ejim̧we an Kabun̄ eo an Jisōs Kraist. Parasi ro raar m̧aan e.
Tabitha: juōn kōrā em̧m̧an me Pita eaar kejeplaktok n̄an mour
Zacharias: jemen Jon Ripeptaij