Jebta 60

Pita ej Kemour Tabitha

Juōn kōrā em̧m̧an kar etan Tabitha eaar joke ilo jikin kweilo̧k Joppa. E eaar juōn rikaļooran Jisōs Kraist. E eaar jipan̄ elōn̄ armej im kōm̧m̧an elōn̄ men ko rem̧m̧an.

Jerbal 9:36

E eaar nan̄inmej im kar mej.

Jerbal 9:37

Ro m̧ōttan raar ijjilōkļo̧k n̄an Pita ke eaar tōbar ļo̧k ijo, e eaar kajjitōk ippān ro m̧ōttan Tabitha n̄an diwōjļo̧k jān ruum̧ eo.

Jerbal 9:38–40

Pita eaar bukelōlō im jar, innem jiron̄ ļo̧k Tabitha n̄an jutak. E eaar kōpeļļok mejān im jijet tok.

Jerbal 9:40

Pita eaar jipan̄ kajutak e. E eaar kūr ļo̧k ro m̧ōttan. Er raar itok im kar lo bwe e eaar mour. Pita eaar kōjerbal kajoor eo an priesthood eo n̄an kōrooltok Tabitha n̄an mour. Elōn̄ armej ro ilo Joppa raar tōmak ilo Jisōs Kraist ke raar jeļā kōn an Tabitha bar rool n̄an mour.

Jerbal 9:41–42