Jebta 15
Kōrā eo ilo Aebōj laļ eo
Jisōs eaar em̧m̧akūt jān Jerusalem n̄an ilo̧k n̄an Galilee. E eaar dibuki Samaria ļo̧k im itok n̄an juōn aebōj laļ.
E eaar mōk, im E eaar kakkūje iturin juōn aebōj laļ. Juōn kōrā in Samaria eaar itok n̄an an ettein̄ dān. Jisōs eaar kajjitōk ippān n̄an leļo̧k Nimen dān.
Kōnke Riju ro rejjab kijon̄ kōnono ippān Risamaria ro, kōrā eo eaar bwilōn̄.
Jisōs eaar jiron̄ ļo̧k kōrā eo bwe E enaaj leļo̧k n̄an e juōn kain dān me enaaj kōm̧m̧an bwe e en jab bar maro. E eaar kōmeļeļeik bwe E eaar RiLo̧mo̧o̧r eo. Dān eo enaaj leļo̧k n̄an e eaar “dān in mour” an mour indeeo.
Kōrā eo eaar ilo̧k n̄an jikin kweilo̧k eo im jiron̄ ļo̧k elōn̄ armej kōn Jisōs. Er raar etal n̄an aebōj laļ eo im kar ron̄jake Jisōs kōn er make. Elōn̄ iaeer raar tōmak naan ko An.