Jebta 57
Em̧m̧aan ro Renana rej M̧an Stephen
Men in eaar kōm̧m̧an bwe elōn̄ ritōl an Riju ro ren illu. Er raar likūt Pita im Jon ilo kalbuuj. Kiin̄ Herod Agrippa eaar kōm̧m̧an bwe Rijilōk Jemes en mej.
Rijilōk ro raar kūr jijlimjuōn em̧m̧aan ro n̄an jipan̄ tōl Kabun̄ eo. Juōn eaar juōn em̧m̧aan ejim̧we kar etan Stephen. E eaar kwaļo̧k gospel eo n̄an elōn̄ armej. Jet armej nana raar riab im ba bwe Stephen eaar kōnono ņae kien an Riju ro. Er raar bōk e n̄an ekajete jān ritōl ro an Riju ro.
Stephen kar jiron̄ ļo̧k ritōl ro bwe er raar nana. E eaar ba bwe er raar m̧aan Jisōs Kraist, eo Nejin Anij.
Innem Stephen ekar reilōn̄ļo̧k n̄an lan̄ im lo Jemedwōj Ilan̄ im Jisōs Kraist. Ke e eaar jiron̄ ļo̧k ritōl ro ta eo eaar loe, er raar lukkuun illu.
Er raar bōk Stephen jān jikin kweilo̧k eo n̄an m̧aan e ilo aer kade kōn dekā ko. Er raar likūt kobā ko aer ilo iturin neen juōn likao etan kar Saul. Ke Stephen eaar epaak an mej, e eaar kajjitōk ippān Anij n̄an bōk jetōb eo an n̄an lan̄. E eaar barāinwōt kajjitōk ippān Anij n̄an joļo̧k pōd an ro raar m̧aan e. Innem e eaar mej.