Jebta 51
Jisōs ej En̄taan ilo Jikin kallūb Gethsemane
Jisōs im Rijilōk ro raar etal n̄an jikin kallūb Gethsemane. Judas eaar jab etal ippāer ļo̧k. E eaar etal n̄an jiron̄ ritōl eo an Riju ro ia eo Jisōs eaar pād ie.
RiLo̧mo̧o̧r eo eaar kajjitōk ippān Pita, Jemes, im Jon n̄an etal Ippān n̄an jikin kallūb eo. E eaar kajjitōk ippāer n̄an kōttar ilo An etal im jar.
Jisōs eaar jeļā E eaar aikuj in en̄taan kōn jerawiwi ko an aolep armej. E eaar jab kōņaan en̄taan, bōtaab E eaar kālet n̄an pokake Jemed Ilan̄.
Pita, Jemes, im Jon raar kiki ke Jisōs eaar jar. Jisōs eaar itok im lo aer kiki. E eaar kajjitōk ippāer n̄an emmej wōt.
E eaar etal em bar jar. Pita, Jemes, im Jon raar kōņaan erre wōt, bōtaab raar lukkuun in mōk. Er raar bar kiki. Jisōs eaar bar lo aer kiki. E eaar ilo̧k im jar alen kein kajilu.
Ke Jisōs eaar jar, E eaar jino wūdiddid kōn an metak. Juōn enjeļ eaar itok n̄an kōkajoor E. E eaar lukkuun en̄taan jon̄an ke eaar menokadu kōn bōtōktōk. E eaar en̄taan kōn aolep ad jerawiwi bwe jān maron̄ jeorļo̧k ad pōd eļan̄n̄e jej ukweļo̧k.
Jisōs eaar karuj Pita, Jemes, im Jon. E eaar jiron̄ ļo̧k er bwe E naaj kar liake ļo̧k im m̧aane. Jisōs eaar ba bwe armej ro renana raar itok n̄an bōkļo̧k E.