BŪRABŌĻ eo kein kajuōn
Jiip eo Ejōbwābwe
Juōn rilale jiip eo em̧m̧an ewōr 100 nejin jiip. Juōn iaer eaar jōbwābwe.
Rilale jiip eo eaar likūt 99 jiip ko n̄an pukot juōn eo ejōbwābwe. Ke eaar loe, e eaar lukkuun m̧ōņōņō.
Rilale jiip eo eaar ineeke jiip eo n̄an m̧weo im̧ōn. E eaar kūr ļo̧k aolep ro m̧ōttan im ro riturin n̄an ilo̧k im m̧ōņōņō ippān. E emōj an lo jiip eo eaar jōbwābwe.
Jisōs Kraist eaar jiron̄ ļo̧k Parasi ro ta meļeļe in būrabōļ eo. E eaar ba bwe ro me rej jerawiwi rej āinwōt jiip eo eaar jōbwābwe.
Ejja āinwōt kar rilale jiip eo kōņaan kōjparok jiip eo eaar jōbwābwe, Jisōs ekōņaan lo̧mo̧o̧ren ro rej jerawiwi.
Jisōs eaar kwaļo̧k meļeļe in etke E eaar kōnono ippān rijerawiwi ro.
Matu 18:11 (lale footnote 11c); Mark 2:17
Im ejja āinwōt an kar rilale jiip eo lukkuun m̧ōņōņō ke eaar lo jiip eo eaar jōbwābwe, Jisōs ej lukkuun m̧ōņōņō n̄e jej ukweļo̧k.