Jebta 19
Kwaļo̧k eo ioon Toļ eo
Juōn raan Jisōs eaar katakin ro Rikaļoraan gospel eo ilo tōrerein toļ eo turin Lojetōn Galilee.
E eaar jiron̄ ļo̧k er ekōjkan n̄an mour bwe ren maron̄ in m̧ōņōņō im bar mour ippān Jemed Ilan̄. Men ko E eaar katakin er remaron̄ barāinwōt kam̧ōņōņōik kōj.
Jisōs eaar ba bwe jej aikuj in meanwōd, kijenmej, im m̧ōņōņō n̄an pokake Jemed Ilan̄.
Jej aikuj in kajion̄ jon̄an wōt ad maron̄ n̄an erom̧ wānōk.
Jej aikuj in joļo̧k ruwōn armej ro me raar kōmetak kōj ak kōm̧m̧an bwe jān inepata. Eļan̄n̄e jenaaj joļo̧k ruweer, Jemed Ilan̄ enaaj joļo̧k ruwōd.
Jej aikuj erom̧ rikōm̧m̧an aenōm̧m̧an, iakwe armej ro jet, im jipan̄ aolep n̄an iakwe doon.
Jej jab aikuj in mijak n̄an kwaļo̧k n̄an armej kōn gospel eo ak kwaļo̧k n̄an er bwe jej iakwe Jemed Ilan̄. N̄e armej ro jet rej lo ad kōm̧m̧an em̧m̧an, enaaj jipan̄ er tōmak ilo Anij barāinwōt.
Jej aikuj aolep iien kōjparok kalim̧m̧ur ko ad.
Im āinwōt ad kōņaan bwe ro jet ren jouj n̄an kōj, jej aikuj in jouj n̄an er.
Jisōs eaar ba bwe eļan̄n̄e jej kōm̧m̧ane men kein, jenaaj m̧ōņōņō, Jemed Ilan̄ enaaj kōjeram̧m̧an kōj, im jenaaj bar mour Ippān.