Kobban ko
Bok in jipan̄ ko
Jet iaan meļeļe ko ilo bok in raar bōk jān bok ko rej jab jeje ko rekwojarjar im rej waļok ijin ilaļ.
Tikjinede in Baibōl eo an Rekwojarjar ro Ilo Raan kein Āliktata jeje eo an King James in Baibōl eo (1979)
James E. Talmage, Jesus the Christ, jeje eo kein 3rd (1916)
Katak ko an Rikanaan Joseph Smith, kālet ko kōm̧m̧an jān Jospeh Fielding Smith (1976)
N̄an ro rej Riit
Bwebwenato ko an Kalim̧m̧ur Ekāāl emōj kar jei eļaptata n̄an kwe. Bwebwenato kein raar bōk jān juōn bok eo me ekwojarjar. Ilo am̧ riiti bwebwenato ko, kememej bwe rej kōn armej ro raar mour elōn̄ iiō remotļo̧k.
Riiti im bar riiti bwebwenato kein mae iien eo eļap am jeļā kaki. Konaaj barāinwōt kōņaan riit kaki jān baibōl eo. Ium̧win eitōn aolep pija ko, konaaj lo kein jipan̄ ko me rej jiron̄ eok ia eo n̄an bukōt bwebwenato eo ilo Baibōl ak bok ko jet. Kōm̧m̧an bwe jem̧ōm̧, jinōm̧, rikaki eo am̧, ak juōn mōttam̧ ren jipan̄ eok bukōt bwebwenato eo ilo jeje ko rekwojarjar.
Eļan̄n̄e kwojjab jeļā ta meļeļe in juōn naan, lale ilo “Naan ko n̄an Jeļā” m̧ōttan eo ilo tulikin bok eo. Eļan̄n̄e koj kōņaan ekkatak eļapļo̧k kōn juōn jikin, lale ilo “Jikin ko n̄an Jeļā” m̧ōttan eo. Eļan̄n̄e kwojjab jeļā kajien juōn armej, lale er ilo “Armej n̄an Jeļā” m̧ōttan eo. Bok in ebarāinwōt wōr juōn mōttan jikin pija ko kōn jikin ko ilo Ene Kwojarjar eo im laajrak in iien ilo Kalim̧m̧ur Ekāāl.
N̄an jine im jemā ro im Rikaki ro
Bok in emaron̄ jipan̄ eok katakin kōn jeje ko rekwojarjar. Kōjerbal m̧ōttan ko “Naan ko n̄an Jeļā,” “Jikin ko n̄an Jeļā,” im “Armej ro n̄an Jeļā” n̄an jipan̄ ajri ro meļeļe kōn naan ko, armej ro, im jikin ko ilo bok in. Men ko jet rej jipan̄ ilo bok in ekopa māāp ko, pija ko, im juōn laajrak in iien.
Ilo am katakin, kwaļo̧k naan im kam̧ool eo am̧ kōn Baibōl eo. Kōketak ro kwoj katakin n̄an pukōt naan in kam̧ool ko aer make kōn jeje ko rekwojarjar im kōn RiLo̧mo̧o̧r eo, Jisōs Kraist. Meļeļe an ro kwoj katakin er naaj ļapļo̧k an eddōk ilo am riit n̄an er bwebwenato ko rem̧m̧an ippāer jān Baibōl eo make.