Jebta 61
Paul im Silas ilo Kalbuuj
Juōn leddik eaar jūb jetōb eo enana ippān. Armej raar kōņaan ron̄jake ta eo jetōb eo enana eo ej ba n̄an e. Er raar kōllāik em̧m̧aan ro leddik eo eaar jerbal n̄an er n̄an ron̄jake an jetōb eo enana ekōnono.
Jabdewōt iien Paul im Silas kar etetal turin, leddik eo eaar ļoor ļo̧k er. Āinwōt an kar ba, jetōb eo enana eo eaar kōnono. Juōn raan Paul eaar kakien e jetōb eo enana n̄an diwōjļo̧k jān leddik eo. Ekar. Em̧m̧aan ro leddik eo eaar jerbal n̄an er raar illu. Kiiō rejjamin maron̄ kōm̧m̧an jāān.
Em̧m̧aan ro raar bōk Paul im Silas n̄an ritōl ro an jikin kweilo̧k eo. Er raar ba bwe Paul im Silas erro kar kōm̧m̧an jorrāān.
Ritōl ro raar kōm̧m̧an bwe ren den̄ōt Paul im Silas im likūt er ilo kalbuuj.
Joten eo Paul im Silas kar jar im al al ko n̄an Jemedwōj Ilan̄. Aolep ro ilo kalbuuj eo raar ron̄. Ejidimkūj an laļ kar jino an emakūtkūt. Kōjāām ko an kalbuuj kar peļļo̧k.
Ruwaaj eo eaar ruuj im lo kōjāām ko raar peļļo̧k. E eaar ļōmņak rikalbuuj ro raar ko. Paul eaar jiron̄ ļo̧k riwaaj ro ren jab inepata. Rikalbuuj ro raar aolep pād wōt ijo. Riwaaj eo eaar bukelōlō turin Paul im Silas im kar kajjitōk ekōjkaan an maron̄ in kar lo̧mo̧o̧r.
Paul im Silas kar katakin riwaaj eo im baam̧le eo an gospel eo. Bon̄ōn eo riwaaj eo im baam̧le eo an raar peptaij.
Raan eo juōn ritōl ro an jikin kweilo̧k eo raar kōtļo̧k Paul im Silas. Paul im Silas raar etal n̄an bar juōn jikin kweilo̧k n̄an kōm̧m̧an eļapļo̧k jerbal in mijenede.