“22–28 Mei. Josef Smit—Matiu; Matiu 24–25; Mak 12–13; Luk 21: ‘Pikinini blong Ol Man Bambae I Kam,’” Kam Folem Mi—Blong Wanwan Man, Woman mo Famli: Niu Testeman 2023 (2022)

“22–28 Mei. Josef Smit—Matiu; Matiu 24–25; Mak 12–13; Luk 21,” Kam Folem Mi—Blong Wanwan Man, Woman mo Famli: 2023

Pikja

Seken Kaming

Seken Kaming, i kam long Harry Anderson

22–28 Mei

Josef Smit—Matiu 1; Matiu 24–25; Mak 12–13; Luk 21

Pikinini blong Ol Man Bambae I Kam

Taem yu stap ridim Josef Smit—Matiu 1; Matiu 24–25; Mak 12–13; mo Luk 21, maet bae yu askem: “?Wanem mesej nao ol japta ia oli gat blong mi? ?Blong famli blong mi? ?Blong koling blong mi?

Raetemdaon Ol Filing mo Tingting blong Yu

Ol disaepol blong Jisas, maet oli faenem se profesi ia i defren smol: se Hae tempol blong Jerusalem, spirit mo kalja senta blong Ol Man Jiu, bae God i prapa spolem we bae i no gat wan ston i stanap. I nomol nomo se ol disaepol oli bin wantem save moa. Oli askem se ol samting ia bae oli hapen wetaem. Mo wanem nao saen ia se bae i stap kam. (Josef Smit—Matiu 1:2–4). Ol ansa blong Sevya oli soemaot tru long revelesen se bigfala taem ia we God bae i prapa spolem gud Jerusalem—wan profesi we i bin kamtru 70 A.K.B.—i smol komperem long ol saen blong taem we bae Hem i kam long ol las dei. Ol samting we oli stap gud nomo bitim tempol long Jerusalem, bae oli blong smol taem nomo—san, mun, sta, ol nesen, mo solwota. Iven ol paoa blong heven bambae oli seksek (Josef Smit—Matiu 1:33). Sapos yumi wekap gud long saed blong spirit, ol samting ia we oli muvmuv oli save tijim yumi blong putum tras blong yumi long wan samting we i stap we i stap. Olsem we Jisas i bin promesem, Hem i talem we bae heven mo wol oli lus; be yet, ol toktok blong Hem bambae oli no save lus, be evri samting bambae i kamtru. Mo huia i holemtaet toktok blong mi, bae man i no save giaman long hem (Josef Smit—Matiu 1:35, 37).

Pikja

stadi blong yuwan pikja aekon

Sam Aedia blong Skripja Stadi blong Yuwan

?Wanem hem i Josef Smit—Matiu?

Josef Smit—Matiu, we i stap long Perel we I Gat Bigfala Praes, i Josef Smit Translesen blong las ves blong Matiu 23 mo Matiu 24. Ol revisen blong Josef Smit ?Olsem wanem nao Lod i putumbak ol bigfala trutok we oli bin lus? Ol ves 12–21 i tokbaot taem we God i prapa spolem gud Jerusalem bifo; ol ves 21–55 i holem ol profesi abaot ol las dei.

Josef Smit—Matiu 1:21–37; Mak 13:21–37; Luk 21:25–38

Ol profesi abaot Seken Kaming blong Sevya oli save helpem mi blong fesem fiuja wetem fet.

Taem yu rid abaot ol taem ia we i go kasem Seken Kaming blong Jisas Kraes, i save mekem yu yu no save stap kwaet. Be taem we Jisas i bin talem profesi abaot ol taem ia, Hem i bin talem long ol disaepol blong Hem se oli “no mas fraet” (Josef Smit—Matiu 1:23). ?Olsem wanem nao bae yu “no mas fraet” taem yu harem abaot ol etkwek (graon i seksek), ol wo, ol giaman, mo ol taem blong man i hanggri? Tingting long kwestin ia taem yu stap ridim ol ves ia. Makem, o tekem not blong eni gudfala advaes we i mekem tingting i kwaet, we yu save faenem.

Luk tu long Gospel Topics, “Second Coming of Jesus Christ,” topics.ChurchofJesusChrist.org.

Josef Smit—Matiu 1:26–27, 38–55; Matiu 25:1–13; Luk 21:29–36

Oltaem mi mi mas rere from Seken Kaming blong Sevya.

God i no soemaot yet “dei blong samting ya mo aoa blong hem.” (Matiu 25:13). Be Hem i no wantem se dei ia i kam long yumi, we yumi no save luksave (Luk 21:34), mekem se Hem i givim advaes ia long yumi blong yumi mas rere.

Taem yu stap ridim ol ves ia, faenemaot ol parabol mo ol nara samting blong komperem we Sevya i bin yusum blong tijim yumi blong stap rere oltaem from Seken Kaming blong Hem. ?Wanem nao yu lanem aot long olgeta? ?Wanem insperesen yu kasem blong go mekem?

Maet bae yu save lukluk tu long wei we Sevya i wantem yu blong help mekem wol ia i rere from Seken Kaming blong Hem. ?Yu yu harem se i minim wanem blong stap rere blong akseptem Sevya taem bae Hem i kam? Mesej blong Elda D. Todd Christofferson: “Stap Rere from Kambak blong Lod” (Liahona, Mei 2019, 81–84) i save helpem yu blong tingting hevi long saed ia.

Luk tu long Russell M. Nelson, “Akseptem mo Fesem Fiuja Wetem Fet,” Liahona, Novemba 2020, 73–76.

Matiu 25:14–30

Papa long Heven i wantem luk se mi mi yusum ol presen blong Hem wetem waes.

Insaed long parabol blong Sevya, wan “talen” i tokbaot mane. Be parabol blong ol talen i save pusum yumi blong tingting hevi long hao yumi stap yusum eni blesing we yumi kasem, i no jes mane nomo. Afta we yu ridim parabol ia, maet bae yu mekem wan lis blong sam long ol blesing mo responsabiliti we Papa long Heven i givim long yu wetem tras. ?Wanem nao Hem i wantem luk yu blong mekem wetem olgeta blesing ia? ?Olsem wanem yu save yusum ol presen ia long wan wei we i waes moa?

Matiu 25:31–46

Taem mi givim seves long ol narafala man, mi stap givim seves long God.

Sapos yu stap askem yuwan olsem wanem Lod bae i jajem laef blong yu, ridim parabol blong ol sipsip mo ol nani. Long tingting blong yu, ?from wanem blong stap kea long olgeta we oli stap long nid i helpem yu blong rere blong kasem kingdom blong God?

?Olsem wanem nao, parabol ia i semmak long tufala narawan insaed long Matiu 25? ?Wanem mesej nao ol trifala parabol ia oli gat we i semmak?

Luk tu long Mosaea 2:17; 5:13.

Pikja

famli stadi pikja aekon

Ol Aedia blong Famli Skripja Stadi mo Haos Naet

Josef Smit—Matiu.Blong helpem famli blong yu blong luk tru long japta ia, invaetem olgeta blong lukaotem ol tijing blong Sevya abaot wei blong stap rere from Seken Kaming blong Hem (eksampol, luk long ol ves 22–23, 29–30, 37, 46–48). ?Wanem nao yumi save mekem blong folem advaes ia? Maet bae famli blong yu bae i laekem blong singsing “When He Comes Again” (Children’s Songbook, 82–83) mo droem ol pikja blong wanem i stap long maen blong olgeta abaot Seken Kaming.

Josef Smit—Matiu 1:22, 37.?Hem i minim wanem blong holemtaet toktok blong God? ?Olsem wanem wanwan i save mekem hemia hemwan, mo wetem famli? ?Olsem wanem we, taem yumi mekem hemia, i save helpem yumi blong man i no giaman long yumi.

Matiu 25:1–13.Yu save yusum pikja blong ol ten yang gel we i kam wetem aotlaen ia blong save toktok raon long Matiu 25:1–13. ?Wanem ditel nao yumi luk long pikja ia we oli tokbaot long ol ves ia?

Maet bae yu katem pepa long sep blong ol drop blong oel mo haedem ol drop ia raon long hom blong yu. Yu save putum ol drop ia oli fas long ol samting olsem ol skripja, o wan pikja blong wan tempol. Taem ol memba blong famli oli faenem ol drop, yu save toktok raon long wei we ol samting ia oli helpem yumi blong rere from Seken Kaming.

Mak 12:38–44; Luk 21:1–4.?Wanem nao ol ves ia oli stap tij abaot wei we Sevya i luk ol ofring blong yumi? Soem famli blong yu olsem wanem blong pem taeting mo ol fas ofring i go long Lod. ?Olsem wanem ol ofring ia oli help blong bildimap kingdom blong God? ?Wanem nao sam nara wei we yumi save givim evri samting we yumi gat i go long Lod? (Mak 12:44).

Pis Bred blong Wido, i kam long Sandra Rast

Blong gat moa tingting blong stap tijim ol pikinini, luk long aotlaen blong wik ia long Kam Folem Mi—Blong Praemeri.

Wan singsing: “When He Comes Again,” Children’s Songbook, 82–83.

Stap Kam Antap long Stadi blong Yuwan

Stap rere ol samting raon long yu. “Ol samting we oli stap raon long yumi, oli save spolem o helpem paoa blong yumi blong lanem samting, mo filim trutok”(Teaching in the Savior’s Way, 15). Traem faenem wan ples blong stadi long ol skripja we i stap invaetem paoa blong Tabu Spirit. Yusum miusik mo ol pikja we i leftemap tingting. Hemia i save invaetem Spirit tu.