Septyembre 4–10

1 Mga Taga-Corinto 14–16

“Ang Dios Indi Dios sang Kagamo, Kundi sang Paghidaet”

Isulat ang imo mga panghunahuna samtang imo ginabasa ang 1 Mga Taga-Corinto 14–16. Pangamuyo-i ang kon ano nga gintudlo sa imo sang Espiritu, kag pamangkuta ang Amay nga Langitnon kon may ara pa bala Sia nga gusto nga imo matun-an.

Isulat Ang Imo Mga Panghunahuna

Bangud nga ang Simbahan kag ang mga doktrina sini medyo bag-o pa sa Corinto, maintiendihan nga ang mga Santos sa Corinto nakaeksperiyensya nga magamhan. Gintudloan sila ni Pablo sadto sang tig-una nga kamatuoran sang ebanghelyo: “nga si Cristo napatay tungod sa aton mga sala … nga ginlubong sia, nga ginbanhaw sia sa ikatlong adlaw” (1 Mga Taga-Corinto 15:3–4). Pero wala madugayi ang pila ka mga miyembro nagsugod sa pagpanudlo nga “walay pagkabanhaw [sang minatay]” (1 Mga Taga-Corinto 15:12). Ginpangabay ni Pablo nga ila “huptan sing malig-on” ang mga kamatuoran nga ginpanudlo sa ila (1 Mga Taga-Corinto 15:2). Kon makasugata kita sang nagasumpakilay nga mga opinyon parte sa mga kamatuoran sang ebanghelyo, maayo nga tandaan nga “ang Dios indi Dios sang kagamo, kundi sang paghidaet” (1 Mga Taga-Corinto 14:33). Ang pagpamati sa mga pinili nga alagad sang Ginuo kag ang pagkapyot sa simple nga mga kamatuoran nga ginasulit-sulit nila tudlo makabulig sa aton nga makakita sang kalinong kag “maglig-on sa pagtuo” (1 Mga Taga-Corinto 16:13).

Mga Ideya para sa Personal nga Pagtuon sang Balaan nga mga Kasulatan

1 Mga Taga-Corinto 14

Sarang ako magpangita sang dulot sang pagpropesiya.

Ano ang dulot sang propesiya? Ini bala ang abilidad sa pagpakot sang palaabuton? Para lang bala ini sa mga propeta? Ukon mabaton bala sang bisan sin-o ining dulot?

Binagbinaga ining mga pamangkot samtang imo ginatun-an ang Base sa imo natun-an, paano mo ilaragway ang dulot sang propesiya? Ano ayhan ang buot silingon ni Pablo sang iya gin-agda ang mga taga-Corinto nga “handuma sing hanuot ang pagpropesiya”? (1 Mga Taga-Corinto 14:39). Paano mo batunon ining imbitasyon?

Tan-awa man sa Joel 2:28–29; Alma 17:3; Doktrina kag mga Kasugtanan 11:23–28.

1 Mga Taga-Corinto 14:34–35

Paano magamit ang pahayag parte sa mga babayi sa sining mga bersikulo sa karon nga panahon?

Sang panahon ni Pablo, lainlain ang mga ginapaabot sa pagpartisipar sang mga babayi sa sosyedad, lakip na sa mga miting sa simbahan. Kon ano ang buot silingon sang mga pinanudlo sa 1 Mga Taga-Corinto 14:34–35 sa panahon ni Pablo, indi ini dapat hangpon nga ang mga babayi indi makahambal kag makapanguna sa Simbahan sa karon nga panahon. Si Pangulong Russell M. Nelson nagsiling sa kababayin-an sang Simbahan sa karon nga panahon: “Kami… nagakinahanglan sang inyo kabakod, sang inyo pagkahaylo, sang inyo pagsalig, sang inyo ikasarang sa pagpanguna, sang inyo kaalam, kag sang inyo mga tingug. Ang ginharian sang Dios indi kag indi mangin kompleto kon wala ang kababayin-an nga nagahimo sang sagrado nga mga kasugtanan kag dayon nagatipig sini, kababayin-an nga makahambal nga may gahum kag awtoridad sang Dios!” (“A Plea to My Sisters,” Liahona, Nob. 2015, 96).

1 Mga Taga-Corinto 15:1–34, 53–58

Si Jesucristo nagdaog sa kamatayon.

Ang Pagkabanhaw ni Jesucristo importante kaayo sa Kristiyanismo, nga mahimo nga masiling nga kon wala ini wala ang Kristiyanismo—sa paggamit sang mga tinaga ni Pablo, “nian walay pulos ang amon pagwali, kag walay pulos ang inyo pagtuo” (1 Mga Taga-Corinto 15:14). Pero pila sa mga Santos sa Corinto ang nagapanudlo nga “walay pagkabanhaw [sang minatay]” (1 Mga Taga-Corinto 15:12). Sa imo pagbasa sang sabat ni Pablo sa 1 Mga Taga-Corinto 15, magpundo sing makadali agud pamensaron sing maayo kon ano ayhan ang kinalain sang imo kabuhi kon wala ka nagpati sa Pagkabanhaw (tan-awa sa 2 Nefi 9:6–19; Alma 40:19–23; Doktrina kag mga Kasugtanan 93:33–34). Ano ang kahulugan sa imo sang dinalan “Kon wala mabanhaw si Cristo, ang inyo pagtuo walay pulos”? (bersikulo 17).

Maayo man nga tandaan nga si Pablo nagtumod man sa bunyag para sa patay bilang ebidensya sang pagkamatuod sang pagkabanhaw (tan-awa sa 1 Mga Taga-Corinto 15:29). Paano ginpabakod sang buluhaton sa templo kag family history ang imo pagtuo sa doktrina sang pagkabanhaw?

Tan-awa man sa Doktrina kag mga Kasugtanan 138:11–37.

1 Mga Taga-Corinto 15:35–54

Ang nabanhaw nga mga lawas lain sangsa dutan-on nga mga lawas.

Nakapamangkot ka na bala kon ano ang hitsura sang nabanhaw nga lawas? Suno sa Ngaa malahalon ining mga kamatuoran sa imo?

Tan-awa man sa Lucas 24:39; Alma 11:43–45; Doktrina kag mga Kasugtanan 88:14–33.

“Tuhay ang himaya sang adlaw” (1 Mga Taga-Corinto 15:41).

Mga Ideya para sa Pang-pamilya nga Pagtuon sang Balaan nga mga Kasulatan kag Home Evening

1 Mga Taga-Corinto 15:29.Matun-an naton sa

1 Mga Taga-Corinto 15:35–54.Ano nga mga bagay ukon mga litrato ang imo mapakita para buligan ang imo pamilya nga maintiendihan ang pila ka mga tinaga nga gingamit ni Pablo sa paglaragway sang kinalain sang dutan-on nga mga lawas sa nabanhaw nga mga lawas? Halimbawa, para ipakita ang kinalain sang madunot kag indi madunot (tan-awa sa mga bersikulo 52–54) pwede mo ipakita ang metal nga natuktukan na kag metal nga wala ginatuktukan. Ukon pwede mo ikumparar ang isa ka bagay nga mahuyang sa bagay nga mabaskog (tan-awa sa bersikulo 43).

1 Mga Taga-Corinto 15:55–57.Ang paghinambalanay parte sining mga bersikulo mangin labi nga makahulugan kon may kilala ang imo pamilya nga napatay na. Ang mga miyembro sang pamilya pwede magpaambit sang testimonya kon paano ni Jesucristo ginakuha ang “dalit sang kamatayon” (bersikulo 56).

1 Mga Taga-Corinto 16:13.Para buligan ang mga miyembro sang imo pamilya nga maintiendihan ining bersikulo, pwede ka magdrowing sang tipulon sa duta kag hambalon ang isa ka miyembro sang pamilya nga “magpakalig-on” sa sulod sini nga nagapiyong. Dayon ang iban magtinguha nga itiklod ukon butungon sia paggwa sa bilog. Ano ang kinalain kon ang tawo sa sulod sang tipulon bukas ang mga mata kag sarang “magbantay”? Ano ang sarang naton himuon para “magpakabakod” kon ginatentar kita nga maghimo sang malain nga mga pagpili?

Para sa dugang nga mga ideya sa pagtudlo sang kabataan, tan-awa sa outline sining semana sa Come, Follow Me—For Primary.

Ginapanugyan nga himno: “He Is Risen! [Sia Nabanhaw!],” Mga Himno kag mga Ambahanon sang Kabataan, no. 55.

Pagpauswag sang Personal nga Pagtuon

Magpangita sang mga sulundan. Sa balaan nga mga kasulatan makakita kita sang mga sulundan nga nagapakita kon paano ginahimo sang Ginuo ang Iya buluhaton. Ano nga mga sulundan ang imo makita sa 1 Mga Taga-Corinto 14 nga nagabulig sa aton nga maintiendihan kon paano palig-unon ang kada isa?

Why Weepest Thou [Ngaa Nagahibi Ka?], © Simon Dewey 2021. Gingamit nga may pahanugot sang Altus Fine Art/www.altusfineart.com