“Cuaj Hlis Ntuj 4–10. 1 Kauleethaus 14–16: ‘Vajtswv Tsis Xav Kom Peb Ua Dog Ua Dig, Tiam Sis Nws Xav Kom Peb Muaj Kev Kaj Siab,’” Los, Nrog Kuv Mus—Rau Ib Leeg thiab Tsev Neeg: Phau Tshiab 2023 (2022)
“Cuaj Hlis Ntuj 4–10. 1 Kauleethaus 14–16,” Los, Nrog Kuv Mus—Rau Ib Leeg thiab Tsev Neeg: 2023
Cuaj Hlis Ntuj 4–10
1 Kauleethaus 14–16
“Vajtswv Tsis Xav Kom Peb Ua Dog Ua Dig, Tiam Sis Nws Xav Kom Peb Muaj Kev Kaj Siab”
Sau ntawv txog tej kev tshoov siab uas koj txais thaum koj nyeem 1 Kauleethaus 14–16. Thov Vajtswv txog tej yam uas tus Ntsuj Plig tau qhia koj, thiab thov Leej Txiv Saum Ntuj Ceeb Tsheej seb puas muaj dab tsi ntxiv uas Nws xav kom koj kawm.
Sau Ntawv txog Koj tej Kev Tshoov Siab
Vim lub Koom Txoos thiab cov lus qhuab qhia ntawd yeej yog tej yam tshiab nyob hauv Kauleethaus, ces yooj yim rau peb to taub vim li cas cov Neeg Ntseeg hauv Kauleethaus tsis tau paub zoo txog txhua yam. Povlauj tau qhia lawv txog qhov tseeb ntawm txoj moo zoo uas tseem ceeb tshaj plaws: “Yexus Khetos tau tuag theej peb sawv daws lub txhoj … luag coj nws mus faus thiab tom qab ntawd peb hnub, Vajtswv tsa nws sawv hauv qhov tuag rov qab los” (1 Kauleethaus 15:3–4) Tiam sis ib txhia mej zeej tau pib qhia tias “cov neeg uas tuag lawm … sawv tsis tau hauv qhov tuag los” (1 Kauleethaus 15:12). Povlauj tau thov kom lawv “cim ntsoov” txog tej lus tseeb uas nws tau qhia rau lawv (1 Kauleethaus 15:2). Thaum peb raug kev sib cav sib ceg txog txoj moo zoo, ces peb yuav tsum nco ntsoov tias “Vajtswv tsis xav kom peb ua dog ua dig, tiam sis nws xav kom peb ua muaj hauv paus hauv ntsis thiaj muaj kev kaj siab” (1 Kauleethaus 14:33). Listening to the Lord’s appointed servants and holding to the simple truths they repeatedly teach can help us find peace and “stand fast nyob hauv the faith” (1 Kauleethaus 16:13).
Tej lub Tswv Yim Kawm Vaj Lug Kub ntawm Yus Ib Leeg
Kuv yuav nrhiav lub txiaj ntsim qhia tau tej uas yuav muaj los yav tom ntej.
Lub txiaj ntsim qhia tau tej uas yuav muaj los yav tom ntej yog dab tsi? Puas yog kev txawj paub yav tom ntej yuav zoo li cas xwb? Puas yog cov yaj saub muaj lub txiaj ntsim no xwb? Los sis puas yog txhua tus txais tau lub txiaj ntsim no?
Cia li xav txog tej lus nug no thaum koj kawm 1 Kauleethaus 14:3, 31, 39–40. Koj kuj nyeem tau Tshwm Sim 19:10 thiab “Qhia tej Uas Yuav Muaj Los Yav Tom Ntej” nyob hauv Guide to the Scriptures (scriptures.ChurchofJesusChrist.org). Raws li koj tau kawm, koj yuav hais tias lub txiaj ntsim qhia tau tej uas yuav muaj los yav tom ntej yog dab tsi? Koj xav tias Povlauj xav li cas thaum nws caws cov neeg hauv Kauleethaus kom “muab siab rau [kev qhia tej uas yuav muaj los yav tom ntej]”? (1 Kauleethaus 14:39). Koj yuav ua li cas kom ua raws li nws hais no?
Kuj saib Yau-ees 2:28–29; Amas 17:3; Lus Qhuab Qhia thiab Kev Khi Lus 11:23–28.
Cov lus txog cov poj niam hauv tej nqe no los peb puas ua niaj hnub no?
Nyob hauv Povlauj lub caij nyoog, twb tau xav tej yam txawv txog tej yam uas poj niam muaj cai ua, tsis hais nyob hauv lub koom txoos tej kev sib ntsib los yog. Txawm yog tej lus qhia nyob hauv 1 Kauleethaus 14:34–35 muaj lub ntsiab dab tsi hauv Povlauj lub caij nyoog los, peb yuav tsum to taub tias qhov no yeej tsis hais tias cov poj niam hais tsis tau thiab coj tsis tau peb hauv lub Koom Txoos hnub no (saib Joseph Smith Kev Txhais, 1 Kauleethaus 14:34 [nyob hauv 1 Kauleethaus 14:34, lub cim nram qab b]). Thawj Tswj Hwm Russell M. Nelson tau hais rau cov poj niam ntawm lub Koom Txoos hais tias: “Peb xav tau nej lub zog, nej txoj kev hloov siab los ntseeg, nej txoj kev rau siab, nej txoj kev txawj coj lwm tus, nej lub tswv yim, thiab nej tej kev xav. Vajtswv lub nceeg vaj yeej yuav tsum muaj cov poj niam uas ua kev khi lus dawb ceev thiab ua raws li tej kev khi lus ntawd, cov poj niam uas hais lus nrog Vajtswv lub hwj chim thiab txoj cai!” (“Kev Thov rau Kuv cov Muam,”Liahona, Kaum Ib Hlis Ntuj 2015, 96).
Yexus Khetos tau kov yeej kev tuag.
Yexus Khetos txoj Kev Sawv Rov Los yeej tseem ceeb heev rau Kev Ntseeg Khetos, ntshe yog tsis muaj ces yeej tsis muaj Kev Ntseeg Khetos—los yog raws li Povlauj tej lus, “yog hais tias Yexus Khetos tsis sawv hauv qhov tuag rov qab los, ces tej uas peb qhia yeej tsis muaj nqis dab tsi, thiab tej uas nej ntseeg los yeej tsis muaj nqis ib yam nkaus” (1 Kauleethaus 15:14). Tiam sis ib txhia ntawm cov Neeg Ntseeg hauv Kauleethaus qhia tias yuav tsis muaj “cov neeg uas tuag lawm … sawv hauv qhov tuag los” (1 Kauleethaus 15:12). Thaum koj nyeem Povlauj tej lus teb nyob hauv 1 Kauleethaus 15, siv sij hawm xav txog koj lub neej yuav zoo li cas yog tias koj tsis ntseeg yuav muaj txoj Kev Sawv Rov Los (saib 2 Nifais 9:6–19; Amas 40:19–23; Lus Qhuab Qhia thiab Kev Khi Lus 93:33–34). Koj xav tias cov lus “Yog hais tias Yexus Khetos tsis sawv hauv qhov tuag rov qab los, ces … tej uas nej ntseeg los yeej tsis muaj nqis ib yam nkaus” txhais li cas? (nqe 17).
Yeej tsim nyog nco qab tias Povlauj tau hais txog kev cai raus dej rau cov tuag kom qhia tias Yexus tau sawv rov los tiag (saib 1 Kauleethaus 15:29). Lub tuam tsev thiab tsev neeg zaj keeb kwm tau pab koj li cas kom txhawb koj txoj kev ntseeg cov lus qhuab qhia txog kev sawv rov los?
Tej cev uas tau sawv rov los lawm thiab tej cev uas txawj tuag yeej tsis zoo ib yam.
Koj puas tau xav paub seb ib lub cev uas tau sawv rov los zoo li cas? Raws li 1 Kauleethaus 15:35 hais, ib txhia ntawm cov neeg hauv Kauleethaus xav paub ib yam li ntawd. Cia li nyeem Povlauj tej lus teb nyob hauv nqe 36–54, thiab sau tej lus uas piav tias tej cev uas txawj tuag thiab tej cev uas sawv rov los txawv li cas. Thaum koj ua li no, tej zaum koj yuav xav muab nqe 40–42 piv rau Lus Qhuab Qhia thiab Kev Khi Lus 76:50–112. Kev tshwm sim rau tus Yaj Saub Joseph Smith no pab li cas kom koj to taub? (kuj saib Joseph Smith Kev Txhais, 1 Kauleethaus 15:40 [nyob hauv 1 Kauleethaus 15:40, lub cim nram qab a]). Vim li cas tej lus tseeb no muaj nqis rau koj?
Kuj saib Lukas 24:39; Amas 11:43–45; Lus Qhuab Qhia thiab Kev Khi Lus 88:14–33.
Lub hnub muaj yeeb koob (1 Kauleethaus 15:41).
Tej lub Tswv Yim rau Tsev Neeg Kev Kawm Vaj Lug Kub thiab Tsev Neeg Hmo Ua Ke
-
1 Kauleethaus 15:29.Nyob hauv nqe 29 peb kawm tias cov Neeg Ntseeg Khetos puag thaum ub tau ua kev cai raus dej rau cov tuag, ib yam li peb ua niaj hnub no. Peb yuav hais dab tsi kom piav vim li cas peb ua kev cai raus dej rau peb cov poj koob yawm txwv? (saib “What Are Baptisms for the Dead?,” [video], FamilySearch.org.
-
1 Kauleethaus 15:35–54.Tej khoom los sis tej daim duab twg yuav pab nej tsev neeg to taub txog tej lus uas Povlauj hais kom piav tias peb lub cev nqaij daim tawv yeej tsis zoo ib yam li peb lub cev uas tau sawv rov los? Piv txwv hais tias, kom qhia tias kev txawj tuag thiab tsis txawj tuag (saib nqe 52–54) yeej tsis zoo ib yam, ces nej muab tau ib co hlau uas muaj xeb lawm thiab cov hlau uas tsis tau muaj xeb rau lawv saib los tau. Los sis tej zaum nej yuav xav muab ib yam uas tsis muaj zog piv rau ib yam uas muaj zog heev (saib nqe 43).
-
1 Kauleethaus 15:55–57.Kev sib tham txog tej nqe no yuav muaj nqis heev yog tias nej tsev neeg paub txog ib tug neeg uas twb tas sim neej los lawm. Tej zaum nej tsev neeg yuav xav hais lus tim khawv txog qhov uas Yexus Khetos muab “txoj kev tuag [uas] muaj taug” tshem mus (nqe 56).
-
1 Kauleethaus 16:13.Kom pab nej tsev neeg xav txog nqe no, tej zaum nej yuav xav kos ib lub voj voog rau hauv av thiab hais kom ib tug sawv haud thiab qis muag. Ces lwm tus yuav sim rub los sis thawb nws kom tawm hauv lub voj voog mus. Zoo li cas thaum tus neeg nyob hauv lub voj voog rua muag thiab txawj “ceev faj”? Peb ua tau dab tsi kom “sawv ruaj khov” thaum peb raug ntxias kom xaiv tej yam phem? (kuj saib “Stay in the Boat and Hold On!,” [video], ChurchofJesusChrist.org).
Yog xav tau tswv yim ntxiv txog kev qhia cov me nyuam, cia li saib lub lim tiam no tus txheej txheem qhia nyob hauv Come, Follow Me—For Primary.
Zaj nkauj zoo hu: “Nws Sawv Rov Los!,” Cov Nkauj Qhuas Vajtswv, zaj 86.
Kev Kawm Zoo Dua Ntxiv ntawm Yus Ib Leeg
Nrhiav tej tus yam ntxwv. Nyob hauv vaj lug kub peb nrhiav tau tej tus yam ntxwv uas qhia peb tias tus Tswv ua Nws tej hauj lwm li cas. Koj nrhiav tej yam twg nyob hauv 1 Kauleethaus 14 uas pab peb to taub tias peb yuav ua li cas kom ib leeg pab ib leeg?
Me Ntxhais, Ua Li Cas Koj Quaj, © Simon Dewey 2021. Tau cai siv los ntawm Altus Fine Art/www.altusfineart.com